Hoseya 7:16 - KITAWO MALEŊ Catholic

¹⁶ Jogik bongi Bal; jotieko lokere paka asere m'ongoye kony; wot kerin pajo abor laneko jo, kwoŋbedo gero kodi ngoye gi wor ma lew jo. Me labedo nyero pajo ma twodo i piny ma Misir.

KITAWO MALEŊ

¹⁶ Jogik bongi Bal; jotieko lokere paka asere m'ongoye kony; wot kerin pajo abor laneko jo, kwoŋbedo gero kodi ngoye gi wor ma lew jo. Me labedo nyero pajo ma twodo i piny ma Misir.

Hoseya 7:16 ပူးပေါင်းရင်းမြစ်များ

Zabuli 12:3

Rwoth thum woko lew gin ma jopelere gine, tweyi dhok ji ma jopakere gine,

Zabuli 12:4

aka jowaco ni, “Wanwaŋo gima wamito gi lew wan, wawaco gima wamito, aka ongoye ŋata bino cero wan.”

Zabuli 12:5

To Rwoth waco ni, “Kwoŋbedo idiyo jocandi, aka ji m'icando jodwanyere i litho, onyo abino ay, t'akwonga jo.”

Zabuli 17:10

jongoye gi wor aka joluwo gi noro.

Zabuli 52:2

Itimo can ma kisika joman; lewin cal kamweso mabith. Tic perin twodo.

Zabuli 57:4

Jokwor paran jothokan, jocale simbwore ma kec neko jo ri riŋo dhano. Lak jo cale tonge g'aserin; lew jo cale abore mabith.

Zabuli 73:9

Joluwo gigipiny mareco kwoŋ Were ma i polo, to jowodho cik ma gero ri kisi dhano ma i piny.

Zabuli 78:37

Cuny jo k'oridhere kwoŋe; jok'okuro cikirok pere.

Zabuli 78:57

Jowire woko kwoŋe aka jotimo gibanirok paka kwarere pajo, jominere paka asere m'ominere.

Isaya 3:8

Kole Yerusalem ocer, aka Yuda otieko opodho, kwoŋbedo luwo pajo gi tim pajo gwenyere kwoŋ Rwoth, geŋo neno madwoŋ pere.”

Yeremia 18:18

Kenyo to ji jowaco ni, “Biye win watim gimoro ri Yeremia! Kole wak'ocandi jacway ri Were i wi migam ma fonjo wan, jomariek ma miyo wan rieko, kodi jotuci wac Were ma tuco mikwenda pa Were. Biye win, weyi wakel kwoŋe banja, aka weyi wakiri wawinji wac pere moro je.”

Yeremia 3:10

Aka munyo gigipiny me je otieko rumo, Yuda, nyamin Isiraili ma jabanirok, nyaka to rendere ni gik bongan; oyido kitim gir'adieri.” Rwoth waco.

Yeremia 42:18

Kole me apaka Rwoth pa lwak jolweny, Were pa Isiraili waco ama: Paka akonjo nge paran kodi keme paran kwoŋ ji ma Yerusalem, ameno apaka bende alakonjo kwoŋ win ka wikidho i Misir. Wilalokere gi mibiew, lworo, kwoŋ kodi gi cay. Wik'onen kabedo me kendo.

Ezekiel 23:32

Rwoth Were waco ama: Ibino madho agwata pa nyamin in, luth aka lac; ilanyerin t'icayin, otiŋo mathoth.

Ezekiel 36:20

To munyo jotundo i dier i nonin, kisi kama jotund'iye, jokoco nyingan maleŋ, rupiri ji oyido jowaco ni, “Me ji pa Rwoth, aka kucel oyido joeye woko i lowo pere.”

Hoseya 11:5

Jolagik i piny Misir, aka Asiria labedo kere pajo, kwoŋbedo jotieko kwero dwoko bongan.

Hoseya 11:7

Ji paran jomiyere wirok kwoŋan. Jolwoŋo Jamalo Swa, to go kitiŋi jo malo kada mathi.

Hoseya 6:4

Anotim kodin aŋo, Awi Efrayim? Anotim kodin aŋo, Awi Yuda? Mar mewin cal pondeponde m'odikin, paka thoyo ma ware con.

Hoseya 7:13

Kidamba rijo, kole jotieko rwenyo kwoŋan! Rerok rijo, kole jotieko gwenyere kwoŋan! D'anyalo botho jo, to joluwo twodo kwoŋan.

Hoseya 9:3

Aka jok'odoŋ i lowo pa Rwoth; to Efrayim lagik Misir, aka jolacamo cemo makoc i Asiria.

Hoseya 9:4

Jok'okonji math ma vini ri Rwoth, aka cowirok pajo k'osangala go. Nger cowirok no lacale mugat ma ywak; ŋati mogo je m'ocami lanyekere; kole mugat pajo labedo ma kec pajo kende; k'obin i Ot pa Rwoth.

Hoseya 9:6

Kole neni, kada joboth rerok, Misir lacoko jo, Mefis layiko jo. Doy lakisika woko feza pajo ma welo; kudhin labedo i wemin pajo.

Malaki 3:13

Wiwaco wac mareco kwoŋan, Rwoth waco. Kucel wipenjo ni, “Aŋo ma wawaco kwoŋin?”

Malaki 3:14

Witieko waco ni, “Ongoye kony tiyo ri Were? Bero aŋo timo gima go waco kosa temo nyutho Rwoth pa lwak jolweny ni warem ri gima watimo?

Matayo 12:36

“Aka awaco riwin, i ndelo ma thumo banja, dhano je bino tito wac je masisiri ma go otieko luwo.

Luka 8:13

Kodhi m'opodho wi tele kama lowo rep'iye, meno a joma jowinjo wac gi kisangala, to wac kirwaki tiende i cuny jo; joyeyo nyaka ma hongo manok, to jopodho ka karatem obino.

Yakobo 3:5

Me bende apaka nitie gi lew jo: Kada thin rigo ameno, to nyalo luwo wac ma yumirok madongo swa. Pari paka nyaka mac m'ondhilo nyalo waŋo lul m'ombo!

2 Petero 2:8

(Ato jal maber no obedo i dier jo, aka kisi piny m'oyawere olimo litho i cunye munyo oneno to winjo tim pajo mareco no).

Menyirok ri Yohana 13:5

Omiy ogwaŋ no dhoke ma waco gigipiny ma kwoto gi luwo gima k'otire kwoŋ Were; odoko omiy go meni ma dhum cowo hongo ma dwe piero aŋwen g'ario.