Hoseya 2:3 - KITAWO MALEŊ Catholic

³ Kole alalunyo go kinyoro t'athango go paka i ndelo m'onywol'iye go. Alaloko go paka thim, t'adwoko go i lowo m'opalipat, t'aneko go gi riyo.

KITAWO MALEŊ

³ Kole alalunyo go kinyoro t'athango go paka i ndelo m'onywol'iye go. Alaloko go paka thim, t'adwoko go i lowo m'opalipat, t'aneko go gi riyo.

Hoseya 2:3 ပူးပေါင်းရင်းမြစ်များ

Kitawo mar'ario mapa Musa m'ilwoŋo ni Wok 17:3

To riyo pi oyido neko ji swa, aka jomedere kigeŋisa ri Musa. Jowaco ni, “Raŋo iwodho wan wok i Misir? Bino neko wan, nyithindho mawan g'ogwaŋe mawan gi riyo pi.”

Isaya 33:9

Lowo thwo woko aka lacere, Lule ma Lebanon thwo woko, Saron cal thim, aka i Basan kodi Got Kamel boke oy woko.

Isaya 47:3

Kinyoro mewin ibino yawo, t'ineno wickwot mewin. Alaculo kwor kwoŋ win, aka ongoye ŋat'alaweyo.

Isaya 64:10

Tindin perin madongo maleŋ jotieko lokere thim, Zayon olokere thim, Yerusalem olokere gunda.

Yeremia 12:10

Jokwath kweth jotieko reyo woko ndelo vini paran, jotieko nyono piny ndelo paran, jotieko loko ndelo paran maŋon, thim m'ojwangi.

Yeremia 13:22

Aka k'ipenjere gi i cunyin ni, “Raŋo gigipiny me jopodho kwoŋan?” Obedo ro reco mewin ma kiwacere m'omiyo otiŋ rinda mewin malo t'inindo gi win gi mbaka.

Yeremia 13:26

An won gipi alatiŋo rindin mewin i nyim win t'ineno wickwot mewin.

Yeremia 14:3

Joŋaŋo jodhiro ŋecin pajo twomo pi; jotundo i waŋ pi, to jokinwaŋ pi, jodok gi degi pajo m'ongoye gimoro iye. Wickwot gi lworo mako jo aka joumo waŋ jo,

Yeremia 17:6

Jolacale paka dudi iy'opalipat, aka jok'onen ka bero obin. Jolabedo kam'othwo ma thim, i lowo ma cumbi ma ji kibed'iye.

Yeremia 2:31

Win, Joisiraili, par win kwoŋ wac pa Rwoth! Oyido abedo thim ri Isiraili, kosa piny ma mudho m'opoto? Raŋo onyo ji paran jowaco ni, “Wanitie gi thwolo, wak'odwoki bongin kendo?”

Yeremia 2:6

Jok'openjere ni, “Nikune Rwoth, m'owodho wan wok i piny Misir, go m'otelo i thim, i piny m'obipere, m'opalipat kodi buce, i piny m'othwo kodi mudho m'opoto, i piny m'ongoye ŋata luw'iye, kam'ongoye ŋata bed'iye?”

Yeremia 22:6

Kole Rwoth waco ama kwoŋ ot pa kere ma Yuda: Wicale ran Giliad, paka acurcur ma Lebanon, t'akwoŋere ni alaloko win thim, tindi madwoŋ ma kibed'iye.

Yeremia 4:26

Awiro waŋan t'aneno, piny m'oyido nyak olemo oyido otieko lokirok thim, aka tindin mere madongo je oyido jotieko lokere gundin ruwaŋ Rwoth, ruwaŋ nge pere mager.

Yeremia 51:43

Tindi madongo onyo jolokere gima, miyo ji lworo, aka onyo jocale opalipat, gi thim. Lowo m'ongoye ŋata bed'iye kosa luw'iye.

Yeremia 51:5

Were, Rwoth pa lwak jolweny, fodi k'ojwango Isiraili kodi Yuda, makada nende lowo pajo opoŋ reco, ruwaŋ Ŋataleŋ pa Isiraili.

Ezekiel 16:22

Gi amien perin kodi malaya perin, ikinyalo poyo kwo ma thino perin, munyo oyido initie kinyoro aka nono, munyo igweco i remo perin.

Ezekiel 19:13

Onyo opidhi i thim, i lowo m'othwo m'ongoye pi.

Hoseya 13:15

Kada Isiraili obedi gi nyithindho i dier wutmin, koyo ma yuwok ceŋ labino, koyo ma wok bongi Rwoth i thim; aka waŋ pi pere lacwiyo woko, waŋ pi pere ma mol lathwo. Ilayweyo woko kakan pesa m'ongoye gim'odoŋ, ma kisi gimoro je ma dicwe.

Hoseya 2:10

Pama onyo alathango wickwot pere, ruwaŋ jomitirok pere, aka ongoye ŋata labotho go i cingan.

Menyirok ri Yohana 17:16

Ogwaŋ kodi tunge apar m'ineno no, jobino dak jatim giwickwot no. Jobino timo go kicar to joweyo go kinyoro, jobino camo delkwoŋe to joreyo woko go gi mac.

Jothum Banja 15:18

I hongo no riyo oyido neko go swa, to lwoŋo Rwoth, ka waco ni, “Iŋat'imiyo kikengila madwoŋ me gi cingi ŋeca perin. Onyo pama atho riyo, t'apodho i cingi ji ma jok'othumere?”