Hoseya 2:20 - KITAWO MALEŊ Catholic

²⁰ Alalokin dhako paran i genirok; aka ilaŋeyo Rwoth.

KITAWO MALEŊ

²⁰ Alalokin dhako paran i genirok; aka ilaŋeyo Rwoth.

Hoseya 2:20 ပူးပေါင်းရင်းမြစ်များ

Cakirok 9:10

kodi kisi gima kwo; winyin je kodi ogwaŋe, kodi kisi gim'owoki i ye gi win.

Isaya 2:4

Go lathumo banja i dier nonin, aka lakiosa ri ji kweth. Jolathedho abor pajo wolokere kwe dhok ma fur, aka tonge pajo wolokere apala nyangoda. Ongoye nono ma latiŋo abor kwoŋ nono man kendo, kosa fonjere lweny kendo.

Isaya 62:4

Kilalwoŋin kendo ni m'ojwangi, kosa lowo perin ni Gunda. To ilalwoŋin ni Kisangala paran ni go, gi lowo perin ni m'onywomere. Kole Rwoth sangala kodin, aka lowo perin lanywomo.

Yeremia 24:7

Alamiyo adundo ma miyo jo ŋeyo ni Abedo Rwoth; jolabedo ji paran t'abedo Were pajo, kwoŋbedo jolagik bongan g'adundin pajo je.

Yeremia 30:10

To paka riwin, ji paran, wikiri wibedi gi lworo, Rwoth waco, kosa wikiri wibwoki, awi Isiraili; kole akidho botho win wok bor, kodi nyikway win wok i lowo ma twec pajo. Wiladwoko peco to wibedo i siem; wilabedo m'ongoye teko, aka langoye ŋata bino miyo win lworo.

Yeremia 32:41

Alafore i timo bero rijo, aka alapidho jo i lowo me iy'adieri, gi cunyan je kodi adundo paran je.

Yeremia 9:24

To weyi jono ma jodele jowodele i gime: Ni jowoniaŋ aka jowoŋeyan, nike Abedo Rwoth. Atiyo gi mar makiwire, tiro, kodi adieri i piny, afore i gigipiny me,” Rwoth waco.

Ezekiel 16:62

Alaketho cikirok paran kodin, aka ilaŋeyo nike An abedo Rwoth.

Ezekiel 16:8

Aluwo kendo t'aneno nike oyido itieko thiko. Ayaro tiendi kanzu paran kwoŋin, t'aumo kinyoro perin. Atimo kodin cikirok ma nywomirok, Rwoth Were waco, aka ilokere aparan.

Ezekiel 34:25

Alatimo gi jo cikirok ma siem t'awaro woko ogwaŋe mager wok i piny, ŋey jowonyal bedo i thim to jonindo i lule m'ongoye teko.

Ezekiel 34:27

Yen ma ndelin jolanyak olemo pajo, aka gigipiny labedo i piny. Jolabedo ma bu teko i lowo pajo; aka jolaŋeyo ni An Abedo Rwoth, k'aturo woko nyweny ma bieto pajo, t'abotho jo i cingi jono ma joloko jo ŋecin.

Ezekiel 38:23

Ameno alanyutho dwoŋ paran gi leŋo paran, t'anyuthere i waŋ nonin kweth. Nyaka to joŋeyo ni An Abedo Rwoth.

Hoseya 13:4

Kucel atieko bedo Rwoth Were mewin, wok i piny ma Misir; ongoye Were ma wiŋeyo kwanyowoko an, aka ongoye jaboth man kwanyowoko an.

Hoseya 2:19

Alalokin dhako paran cil gi cil; alalokin dhako paran i tiro kodi iy'adieri, i mar makiwire, kodi i wor.

Hoseya 6:6

Kole ayenyo mar makiwire makiweno cowirok, ŋeyo Were makiweno mic awaŋa.

Jolevi 26:5

Piedhirok mewin laloyo vini ma winofon, aka vini ma winofon, laloyo gima winokec; wilacemo to wiyeŋ, to wibedo gi siem i piny mewin.

Jolevi 26:6

Aka alamiyo piny siem, wilanindo, aka ongoye ŋat'obwoki win; alakwanyo woko ogwaŋe ma kelo teko i piny, aka lweny moro k'obedi i piny mewin.

Mika 4:3

Rwoth bino thumo banja i dier ji kweth, kodi i dier piny ma jotek cegin gi bor. Jobino thedho abor pajo loko kwe dhok, gi toŋ pajo loko apalin ma kikolesa. Piny acel k'otiŋ abor kwoŋ piny man kendo, kosa jok'oyikere ri lweny kendo.

Zekaria 9:10

Alakwanyo woko cawilin wok i Efrayim, kodi kayinin ma lweny wok i Yerusalem, kodi aserin ma lweny. Aka go laluwo siem ri nonin, dhum pere labedo wok i nam tundo i nam, wok i jwom kiri i gike je ma piny.

Matayo 11:27

Baba otieko miyan gimoro je, aka onyo ongoye ŋat'oŋeyo Wode kwanyo woko Bamere, kendo ongoye ŋat'oŋeyo Bamere kwanyo woko Wode kodi joma Wode odiero nyutho jo kamaler.

Luka 10:22

“Baba otieko miyan gimoro je; aka ongoye ŋat'oŋeyo Wode kwanyo woko Bamere, kendo ongoye ŋat'oŋeyo Baba kwanyo woko Wode kodi joma Wode oyero nyutho jo Bamere.”

Yohana 17:3

Aka me a kwo makirum: Nike ji jowoŋeyin, Were acel mar'adieri, kendo jowoŋey Yesu Kristo m'ioro.

Yohana 8:55

Kole fodi wikiŋeyo kiri go, to an aŋeyo go aka awinjo wac pere. Bedi awaci ni akuya go, d'abedo jatwodo paka win. T'aŋeyo go aka awinjo wac pere.

2 Jokorintho 4:6

Kole Were m'owaco ni, “Lero woliel wok i mudho.” Am'omiyo lero pere liel i cuny wan, ma kelo riwan niaŋ kwoŋ dwoŋ pa Were, ma nenere i waŋ Kristo.

Jofilipi 3:8

Ki meno kende, akwano gimoro je paka podho madwoŋ, rupiri gima diwelo m'oasere a ŋeyo Kristo Yesu Rwoth paran. Ro wac pere atieko bolo woko gimoro je; atero je paka woyo, ŋey alimi Kristo,

Jokolosia 1:10

Wakwayo ameno ŋey kwo mewin wobedi paka Rwoth mito, to witimo gima sangala go hongo je. Kwo mewin bino nyak kiti tic mabeyo je, aka wibino medere gi ŋeyo Were.

2 Timothe 1:12

meno am'omiyo acandere ama. To kad'ameno wiyan kikwoti, rupiri aŋeyo ŋat'ayeyo kwoŋe, aka aridho ni go nyalo kuro gim'atieko miyo go cuka Ndelo no tundo.

Joebulaniya 8:11

Ongoye moro kwoŋ jo ma bino fonjo nyawote kendo kosa waco ri nyawote ni, “Ŋey Rwoth.” Me kwoŋbedo joje jobino ŋeyan, wok kwoŋ ŋatathin loyo, tundo kwoŋ ŋatadwoŋ loyo.

1 Yohana 4:6

To wan wabedo apa Were, aka moro je m'oŋeyo Were ciko ithe riwan. To moro je ma k'obedo apa Were kiwinji wan. Me a royo ma wanyalo poko gine Cuny mar'adieri kodi cuny ma twodo.

1 Yohana 5:20

Waŋeyo nike Wod Were otieko bino aka omiyo wan niaŋ m'omiyo waŋeyo Ŋat'obedo adieri. Kwo mawan nitie i Ŋat'obedo adieri, cungo kwoŋ Wode Yesu Kristo. Me a Were mar'adieri, won kendo a kwo makirum.