Hoseya 2:2 - KITAWO MALEŊ Catholic

² Ywakere ri min in, ywakere, kole go k'obedo dhako paran, aka akibedo cwore, ma okwany woko kidakana pere, kodi cot pere i dier thundho pere,

KITAWO MALEŊ

² Ywakere ri min in, ywakere, kole go k'obedo dhako paran, aka akibedo cwore, ma okwany woko kidakana pere, kodi cot pere i dier thundho pere,

Hoseya 2:2 ပူးပေါင်းရင်းမြစ်များ

Isaya 11:12

Go latiŋo ranyuth ri nonin aka lacoko Joisiraili ma jodamba, gi ji ma Yuda ma jokedhere, wok i sonda aŋwen ma piny.

Isaya 50:1

Me apaka Rwoth waco, Wiparo ni ariemo woko ji paran, paka jacwo ma riemo woko cege? Nikune, ere papila ma turo nywomirok? Wiparo ni atana win i twec, paka jacwo tana nyithindho pere paka ŋecin? Neni, wikadho bedo i twec ro reco mewin; aka ro kibenga mewin oriem min win.

Isaya 58:1

Koki malo, ikir'iliŋ! Tiŋi dwondin malo paka gwara, tuci ri ji paran reco pajo, ri ot pa Yakobo reco pajo.

Yeremia 19:3

Rwoth owaco ran ni awaci ama: Winji win wac pa Rwoth, win kerin ma Yuda kodi ji ma bedo i Yerusalem. Rwoth pa lwak jolweny, Were pa Isiraili waco ama: Akidho kelo kidamba ma kiwacere kwoŋ kabedo me ma ithi kisi dhano m'owinji kwoŋe bino cwowo gi litho.

Yeremia 2:2

Kidhi ititi mikwenda me ri kisi dhano ma Yerusalem. Me apaka Rwoth waco: “Apoyo cikirok perin ma mar munyo fodi i soye, mar perin paka mweha, nger m'iluwan iye i thim, i lowo m'oyido fodi k'ocwoy'iye.

Yeremia 3:1

Ka jal moro oriemo cege to dheno weyo go to lokere cipa ŋatiman, jalo nyalo gik bonge? Nger lowo no kinyal kocirok kicutho? Itieko nindo gi cwo kweth; onyo iparo ni inyalo dwoko bongan? Rwoth waco.

Yeremia 3:13

Yey banja perin kende, ni igwenyere kwoŋ Rwoth Were perin, t'ikedho silwany perin i dier jokicar i tiendi yath moro je manyaboke pendi, t'ikwero winjo dwondan. Rwoth waco.

Yeremia 3:18

I hongo no Joyuda jolariwere kodi Joisiraili, aka kanyacel jolabino wok i piny ma yumalo i lowo ma cango amiyo kwarere mewin mar'alunja.

Ezekiel 16:20

Ikwanyo nyithindho m'oyido inywolo ran aka imiyo jo paka cowirok ri calin paŋini malaya perin oyido kirom.

Ezekiel 16:25

Igeto kalamo i cakirok ma royo je aka itimo malaya gi ŋono perin, t'ithango kinyoro perin ri kisi ŋata luwo, aka malaya perin omedere.

Ezekiel 20:4

Ilathumo rijo banja? Wod dhano, ilathumo rijo banja? Miy jo ŋeyo amien pa kwarere pajo.

Ezekiel 23:43

Kenyo t'awaco ni, Aha, go olocere gi timo ma cot, to pama go nyalo medirok gi timo malaya pere.

Ezekiel 23:45

To jothum banja ma jotiro jolathumo banja loyo jo ro cot kodi oyo remo; rupiri jobedo mon ma jotimi cot aka remo nitie i cingi jo.

Hoseya 1:2

Munyo Rwoth oluwo gi Hoseya marapena, Rwoth owaco ri Hoseya ni, “Kadhi, inywom dhako m'obedo malaya aka i nywol nyithindho ma jobedo malaya paka go, kole piny timo malaya madwoŋ swa gi jwango Rwoth.”

Hoseya 2:1

Lwoŋ Isiraili ni “Ji paran.” Aka wade perin man ni, “Inyutho go wor.”

Hoseya 2:5

Kole min jo timo kidakana; go m'ogamo jo i iye otimo giwickwot. Kole go owaco ni, “Aladwaro jomitirok paran; jo ama jomiyan cemo gi pi, yer rombo paran gi law mafoth, mo paran gi gir'amadha paran.”

Hoseya 4:5

Wilakitangatanga odieceŋ; jatuci wac Were bende lakimudamuda gi win wor, aka alareyo woko yok win Isiraili.

Mika 2:13

Were bino yawo rijo yo to telo jo wok i piny pa jopath. Jobino turo woko waŋkac ma tindi madwoŋ to jogonyere, aka Kere pajo, Rwoth won bino telo yuwiy jo.

2 Jokorintho 5:16

Am'omiyo, wok pama wakithum ri nyatoro banja cungo kwoŋ paro manyadhanodhano. Kada yado onwaŋo watero Kristo gi paro manyadhanodhano, pama wakitim ameno kendo.