Hoseya 13:10 - KITAWO MALEŊ Catholic

¹⁰ Onyo pama nikune kere perin, ŋey wonyali thielin? Nikune jodhum perin ma tindin madongo perin je, ma wikwayo jo ni, “Miyan kere kodi jotel.”

KITAWO MALEŊ

¹⁰ Onyo pama nikune kere perin, ŋey wonyali thielin? Nikune jodhum perin ma tindin madongo perin je, ma wikwayo jo ni, “Miyan kere kodi jotel.”

Hoseya 13:10 ပူးပေါင်းရင်းမြစ်များ

1 Kerin 12:20

Munyo Joisiraili jowinjo nike Yerobowam odwoko wok i Misir, jolwoŋo go i romo pa ji aka joketho go kere ma Isiraili. Nyaka jonono pa Yuda ama jodoŋ munyo joworo nyikway Daudi.

2 Kerin 17:4

To oro acel, Hoseya ooro jomikwenda bongi kere So ma Misir, aka oweyo culo misolo ri Siria. Munyo Salimanesa oŋeyo gime omako Hoseya to ketho go i katwec.

Zabuli 10:16

Rwoth obedo kere cil gi cil. Ji ma jolamo werin man, jobino rere wok i lowo pere.

Zabuli 149:2

Weyi Isiraili wosangala i jacwec pere, weyi wot Zayon jowofore i kere pajo!

Zabuli 44:4

Ibedo kere paran aka Were paran, imiyo ji perin loyo,

Zabuli 74:12

Itieko bedo kere mawan wok i cako, Awi Were; itieko botho wan dikweth.

Zabuli 89:18

Kole kwot mawan obedo apa Rwoth, in, Were maleŋ pa Isiraili imiyo wan kere mawan.

Isaya 33:22

Kole Rwoth obedo jathum banja mawan, Rwoth obedo jadhum mawan; Rwoth obedo kere mawan, go labotho wan.

Isaya 43:15

An abedo Rwoth, Ŋataleŋ perin, Jacwec pa Isiraili, Kere perin.

Yeremia 2:28

To nikune werin mewin ma witimo ma konyo win? Weyi jowobin, ka jonyalo botho win, i hongo mewin ma teko; kole winitie gi werin kweth paka winitie gi tindin madongo, awi Yuda.

Yeremia 8:19

Eno, ywak pa jocandi wok bor kodi kama lac i piny: “Rwoth ki nitie i zayon? Kere ma Zayon onyo ongoye kenyo?” Raŋo wimiyan nge gi cal mewin, gi lamo werin mewin makicar ma jongoye kony?

Ywakirok 4:20

Ŋat'owir pa Rwoth, luya ma kwo mawan, oter woko i buce, ŋat'oyido wawaco ni, i tipo pere, walakwo i dier nonin.

Hoseya 10:3

Kole pama onyo jolawaco ni: “Wangoye gi kere, kole wan wakilwor Rwoth kodi kere, go d'onyalo timo riwan aŋo?”

Hoseya 13:4

Kucel atieko bedo Rwoth Were mewin, wok i piny ma Misir; ongoye Were ma wiŋeyo kwanyowoko an, aka ongoye jaboth man kwanyowoko an.

Hoseya 3:4

Kole nyithindho pa Isiraili jolabedo ma ndelo kweth ma bu kere kosa jadhum, m'ongoye cowirok kosa siro, ma bu cal kosa cal aora ma ŋeyo gima latimere yuwaŋe kosa nyaliŋliŋ m'opondo.

Hoseya 7:7

Joje jolieth paka kabulirok, aka jocuto jodhum pajo. Kerin pajo je jotho; ongoye kad'acel kwoŋ jo ma lwoŋan.

Hoseya 8:4

Jotieko ketho kerin pajo i kombere ma dhum, ma k'owoki bongan; jotieko ketho jotel i kombere ma dhum, m'akuya ran. Gi feza pajo kodi zahabu pajo jotimo cal, ma rerok pajo wegi.

Zekaria 14:9

Rwoth labedo kere ma piny gibe; i ndelo no Rwoth labedo acel aka nyingi go acel.

Yohana 1:49

Nathanel odwoko ni, “Jafonji, ibedo Wod Were! In a Kere pa Joisiraili!”

1 Samwiri 8:7

Rwoth owaco rigo ni, “Winji gimoro je ma jowaco rin. K'obedo in ama jokwero; to jokwero an bedo kere pajo.