Hoseya 12:11 - KITAWO MALEŊ Catholic

¹¹ Ka nitie kidakana i Giliad adieri jolalokere gim'ongoye kony. Ka jomiyo bende cowirok ma thwondhe i Gilgal, migame pajo lacale gi kidhur telin, i fereji ma sa.

KITAWO MALEŊ

¹¹ Ka nitie kidakana i Giliad adieri jolalokere gim'ongoye kony. Ka jomiyo bende cowirok ma thwondhe i Gilgal, migame pajo lacale gi kidhur telin, i fereji ma sa.

Hoseya 12:11 ပူးပေါင်းရင်းမြစ်များ

1 Kerin 17:1

Ndelo acel jatuci wac Were m'ilwoŋo ni Elia ma wok i Tisibe iy'adec ma Giliad owaco ri kere Ahab ni, “I nyingi Rwoth Were makwo, m'abedo ŋeca pere nike thoyo kosa koth k'ocwe ma oro ario kosa adek ma bino cuka anowaci ameno.”

2 Kerin 17:13

Kucel Rwoth oyido ooro jomikwenda pere kodi jotuci wac Were gwoko Joisiraili kodi Joyuda ni, “Wire win kwoŋ tim mewin mareco aka wikuri Or paran kodi cik paran, cungo kwoŋ cik je m'amiyo kwarere mewin, kodi m'amiyo win luwo kwoŋ jotuci wac Were.”

Yeremia 10:15

Jongoye kony, tic ma twodo; i hongo pajo ma gir'acula jolakisika.

Yeremia 10:8

Joje jongoye gi rieko aka jomiŋ; fonji ma cal jomiyo k'opokere kodi yath!

Yeremia 2:20

Rwoth Were waco ni, “Isiraili, cango con ikwero meni paran t'ikwero woran gi laman t'iwaco ni, ‘Ak'otim, alatimo kibenga ayin’. I wi kisi tendere m'oŋawere je, kodi i tiendi yath manyaboke pendi je, iwaya i iye t'inindo kodin paka malaya.

Yeremia 2:28

To nikune werin mewin ma witimo ma konyo win? Weyi jowobin, ka jonyalo botho win, i hongo mewin ma teko; kole winitie gi werin kweth paka winitie gi tindin madongo, awi Yuda.

Ezekiel 17:2

Awi wod dhano, goy sikoiyiko me, aka iwaci ri ot pa Isiraili ageca me.

Hoseya 10:1

Isiraili obedo yath vini ma camo kwo, ma nyak olemo. Paka ranyak pere omedo bedo i thotho, apaka bende ogeto migame kweth; paka piny omedo dongo, go omedo dongo sirin pere.

Hoseya 10:2

Adundo pajo k'obedo mar'adieri; pama onyo go latero jo paka jobanja. Rwoth laturo piny migame pajo, to reyo woko sirin pajo maleŋ.

Hoseya 4:15

Kada witimo gikidakana, win Joisiraili, wikiri wimiy Yuda wolokere jabanja. Wikiri widonji i Gilgal, kosa wiidhi i Bethaven, aka wikiri wikwoŋere ka wiwaco ni, “Paka Rwoth kwo”.

Hoseya 6:8

Giliad obedo tindi madwoŋ mapa joreco, joduwere gi remo.

Hoseya 8:11

Kwoŋbedo Efrayim nyayo migame ma cwako reco, jotieko lokere rigo migame ma timo reco.

Hoseya 9:15

Kidakana pajo je ocako i Gilgal; acako dak jo kenyo, kwoŋbedo kidakana ma tim pajo, alariemo jo woko i ot paran. Ak'omiti jo kendo, wot kerin pajo jobedo jodudi.

Amos 4:4

Me apaka Rwoth Were waco: Ji ma Isiraili, kadhi win i Kabedo Maleŋ Bethel witim reco, kadhi win Gilgal aka witim reco gi meni mewin je! Medere win aka wikel ogwaŋe mewin, paka cowirok kisi odikin, kodi acel wiy apar mewin kisi ndelo adek.

Amos 5:5

Wikiri wirangan i Bethel, aka wikiri widonji Gilgal, kosa wikiri wiŋadi to wikidho Berseba lamo. Rupiri ji ma Gilgal jobino bedo jowiloka, aka Bethel kilabedo gimoro.

Yona 2:8

Joma jolamo cal ma bukony, jowiro ŋey jo rin.

Kwan 12:6

To waco rijo ni, “Mondo winji win wac paran: Ka nitie jatuci wac Were i dier win, An a Rwoth, amiyo ŋeyirok paran rijo i menyirok; aluwo gi jo i lek.