Hoseya 11:9 - KITAWO MALEŊ Catholic

⁹ Ak'onyuthi nge paran maliel; doko ak'orey Efrayim; kole abedo Were makiweno dhano, Ŋataleŋ manitie i dier win, aka akilabino i keme.

KITAWO MALEŊ

⁹ Ak'onyuthi nge paran maliel; doko ak'orey Efrayim; kole abedo Were makiweno dhano, Ŋataleŋ manitie i dier win, aka akilabino i keme.

Hoseya 11:9 ပူးပေါင်းရင်းမြစ်များ

2 Samwiri 20:10

To Amasa oyido k'oneno toŋ man m'oyido nitie i cingi Yowab; ameno Yowab ocwowo iye aka gir iye onyule woko piny. Kenyo won Amasa otho, aka Yowab k'ocwowo go kendo. Kenyo Yowab gi omin go Abisay jomedere rango Seba.

Zabuli 46:5

Were nitie i tindi madwoŋ no, aka k'oyengere; Were bino konyo go i ŋamba.

Zabuli 78:38

Kucel, cunye Were oramo ri ji pere, ocwako reco pajo, aka k'oreyo jo. Go ojuko nge pere aka k'oywoyo kwoŋ ji pere.

Zabuli 85:4

Dwoki wan kendo, Awi Were jaboth mawan, aka weyi winjo marac gi wan!

Isaya 12:6

Koki win malo, aka wer win ri kisangala ji ma Zayon, kole ŋatadwoŋ i dier win, obedo Ŋataleŋ pa Isiraili.

Isaya 31:1

Kidamba ri jono ma jokadho i Misir rango kony, jogoŋere kwoŋ kayinin, joketho geno i cawilin kwoŋbedo jokweth, kodi jogwey kayinin kwoŋbedo jotek. To jokiŋiy Were Maleŋ pa Isiraili kosa rango Rwoth!

Isaya 41:14

Rwoth waco ni, “Makada nende ithin aka inyap rin, Isiraili, Ikir'ilwor, alakonyin. An, a Were maleŋ pa Isiraili, aŋat'abothin.

Isaya 41:16

Wilapiedho jo to koyo kudho jo, aka asur lakedho jo. Nyaka to wifore i Rwoth, wilalimo dwoŋ i Ŋataleŋ pa Isiraili.

Isaya 48:9

Ro nyingan, adhumo nge paran, ro pak paran adwoko cen ro win, ŋey akir'awey win woko.

Isaya 5:24

Riameno, paka lew mac reyo woko kanja, aka paka lum m'othwo munyere piny i mac maliel, ameno apaka fuc pajo latop, aka thiw joladuny paka fukefuke. Ato jokwero cik pa Rwoth pa lwak jolweny, aka jotieko cayo wac pa Were Maleŋ pa Isiraili.

Yeremia 26:3

Kono miti jowinji, joje, to jowire wok i yo pajo marac, ŋey anyal wiro paro paran kwoŋ teko ma mito kelo kwoŋ jo kwoŋbedo tim pajo marac.

Yeremia 30:11

Kole anitie gi win, Rwoth waco, ma botho win; alaketho i gike nonin je m'akedho win i dier jo, to akilareyo woko win. Alamiyo win gir'acula paka ripo, aka ak'owey m'akimiyo win gir'acula.

Hoseya 12:1

Efrayim kwayo koyo, aka riemo koyo ma yuwok ceŋ ndelo gipi; jonyayo wac kicar g'akaka; jotimo cikirok gi Asiria, aka itiŋo mo tero Misir.

Hoseya 14:4

Alacango kwo pajo m'ongoye adieri; alamiyo jo mar ma nono, kole nge paran owire woko kwoŋ jo.

Malaki 3:6

Rupiri An abedo Rwoth akiwire, riameno win, wot Yakobo fodi wikirere kicutho.

Kwan 23:19

Were k'obedo dhano, ma go nyalo twodo, kosa wod dhano, ma go owir paro pere. Ka go otieko waco, kilatimo? Ka go otieko luwo, kilaketho i kare?

Kitawo mar'abic mapa Musa m'ilwoŋo ni Cik 13:17

Wikiri wiwey kisi gimoro m'otiek yere reyo woko womok i cingin, ŋey Rwoth wowire kwoŋ mako nge pere aka wonyuthi wor, to nyayo win, paka ociko kwarere mewin.

1 Samwiri 26:8

Abisay owaco ri Daudi ni, “Rwoth omiyin jakwor perin i cingin wor me. Riameno weyi acwow go dicel kende gi toŋ pere won; ak'ocwow go dirio.”