Hoseya 11:8 - KITAWO MALEŊ Catholic

⁸ Anyalo nedi jwangin, a Efrayim? Anyalo nedi weyin i cingi ŋatiman a Isiraili? Anyalo nedi lokin paka Adima? Anyalo nedi terin paka Zeboyim? Cunyan raman, mar paran rin lokere matek kendo mayom.

KITAWO MALEŊ

⁸ Anyalo nedi jwangin, a Efrayim? Anyalo nedi weyin i cingi ŋatiman a Isiraili? Anyalo nedi lokin paka Adima? Anyalo nedi terin paka Zeboyim? Cunyan raman, mar paran rin lokere matek kendo mayom.

Hoseya 11:8 ပူးပေါင်းရင်းမြစ်များ

Cakirok 14:8

Kenyo kerin ma Sodom, Gomora, Adima, Zeboyim, kodi Bela jowok aka joriwere ri lweny i milelo ma Sidim aka jolwenyo

2 Samwiri 24:16

Munyo malaika pa Rwoth oyido cegin kisika woko Yerusalem, Rwoth owiro paro pere ma miyo ji pere gir'acula aka owaco ri malaika m'oyido neko jo ni, “Oromo, lwogi cingin.” Aka malaika pa Rwoth oyido nitie i kisia pa Arauna, janono pa Yebu.

1 Kerin 3:26

Kenyo yok nyathi m'otire owaco ri kere gi mar m'opoŋ i cunye ri nyathi pere ni, “Mondo jadwoŋ, Ikir'ineki nyathi! Miy go!” To dhako ca mere waco ni, “Ikir'imiy wajoje; wobar i diere kadirio.”

2 Kerin 13:23

To Rwoth omako gi jo wor kodi wor aka k'oweyo orey jo woko, to okonyo jo ro cikirok pere gi Abraham, Isaka, kodi Yakobo; aka go wiye k'owil gi ji pere.

2 Kigana kwoŋ Kerin 36:15

Rwoth, Were pa kwarere pajo oyido omedere dhiro jotuci wac Were piro jo, kwoŋbedo go oyido nitie gi wor ri ji pere kodi ot pere,

Zabuli 106:45

Ro jo, opoyo cikirok pere, aka onyutho wor cungo kwoŋ mar pere makiwire mathoth.

Isaya 16:11

Riameno adundo paran gore paka dingidi ri Mowab, gi cunyan ri Kir Heres.

Isaya 63:15

Ŋiy piny wok i polo, ineni, wok i kabedo perin maleŋ aka didwoŋ. Nikune kinen perin gi meni perin? Mito mar'adundo perin gi wor perin opanere kwoŋan.

Yeremia 18:8

to ka nono no, ma mako kwoŋ gim'atieko luwo kwoŋe, owey timo reco, abino wiro paro paran mako kwoŋ teko m'oyido apiro kelo kwoŋe.

Yeremia 3:12

Kidhi ititi wac me yuthenge ma yumalo, aka iwaci ni: “Gik, awi Isiraili ma kigenere.” Rwoth waco. Ak'onenin gi nge, rupiri abedo jawor. Rwoth waco. Akilamako nge cil gi cil.

Yeremia 31:20

Efrayim obedo wodan ma kacunyan? Go obedo nyathi ma fore gine? Paka aluwo kwoŋ go noknok, fodi apoyo go. Riameno cunyan rembo rigo, alanyutho go ŋono adieri. Rwoth waco.

Yeremia 42:10

Tekin widoŋ i lowo me won kende, alageto win aka akiladwoko win piny. Alapidho win aka akilafudho win woko, kole arem ri raco m'atieko kelo kwoŋ win.

Yeremia 9:6

Adica wi adica, twodo wi twodo! Jokwero ŋeyan, Rwoth waco.

Yeremia 9:7

Riameno Rwoth pa lwak jolweny waco ama: “Alarudo t'atemo jo, onyo anotim aŋo kendo gi ji paran ma joreco?

Ywakirok 1:20

Neni, Awi Rwoth, nger manitie iye i litho, iyan ramere, cunyan raman, kwoŋbedo gwenyirok paran ma kiwacere, Abor neko i royin, aka i ot cal tho.

Ywakirok 3:32

Makada nende go kelo rem, go labedo gi wor, cungo kwoŋ mar pere makiwire m'oasere.

Ywakirok 3:33

Kole k'obedo mito pere nike, womiy litho, kosa womiy nyithindho pa nyatoro rem.

Ezekiel 33:11

Waci rijo ni, Paka akwo, Rwoth Were waco, angoye gi siem i tho pa jakidakana, to ni jakidakana wowire i yo pere marac to kwo. Wire wok i yo perin marac; raŋo iripo tho, awi ot pa Isiraili?

Ezekiel 6:9

Jono ma joboth jolapoyan i dier nonin kam'ilater'iye jo i twec koro, kwoŋbedo aol gi cuny jo matek m'ocile kwoŋan, kodi waŋ jo ma luwo calin pajo. Jolajok wegi gi wegi ro reco ma jotimo, iy'amien pajo je.

Hoseya 6:4

Anotim kodin aŋo, Awi Efrayim? Anotim kodin aŋo, Awi Yuda? Mar mewin cal pondeponde m'odikin, paka thoyo ma ware con.

Hoseya 7:1

Kisi k'anomiti cango Isiraili, reco pa Efrayim wok kamaler, kanyacel gi kidakana pa Samaria. Kole jotimo gikomo, jakwo turo ot donj'iye, aka jodudi jonyaga woko.

Amos 4:11

Asika woko wi jomegi, paka asika Sodom gi Gomora. Wi ji ma wiboth wicale, kasik mac m'oneki wok i mac, kucel wikidwoko bongan, Rwoth waco.

Amos 7:3

Rwoth owiro paro pere to waco ama: Gim'ineno k'otimere.

Amos 7:6

Rwoth owiro paro pere doko, aka owaco ama: Me je k'otimere.

Mika 5:3

Riameno Rwoth bino jwango ji pere tundo i hongo, madhako ma ripo nywol obedi gi wode. Kenyo nyaka Joisiraili ma jonitie wiloka jodwoki, to joriwere gi ji pajo wegi.

Zefania 2:9

Riameno, paka akwo, Rwoth pa lwak jolweny waco, Were pa Isiraili, Mowab lacale paka Sodom, aka Amon paka Gomora, lowo m'omore gi kayongo kodi buce cumbi, ladoŋ gunda kicutho. Ji paran ma jodoŋ jolakinyaga jo, to jolunjo jo.

Matayo 23:37

“A ji ma Yerusalem, ma joneko jotuci wac Were m'odhir rijo aka jocadho megi gi telin! Didi m'atieko temo coko win bongan aum win pa min gweno ma umo nyithindhe i bwombe, to wikwero?

Kitawo mar'abic mapa Musa m'ilwoŋo ni Cik 29:22

“Luse ma rumacen, nyithindho mewin ma joluw win jolawaco, kodi japath ma wok i piny mabor swa, jolaneno thoyamo ma lowo no, kodi two ma Rwoth ocando gine.

Kitawo mar'abic mapa Musa m'ilwoŋo ni Cik 29:23

Lowo mere je owaŋ woko gi mac kodi cumbi, m'ongoye gim'inyalo pidh'iye, ongoye gima twi i iye, ongoye gima nyal dong'iye, paka i rerok pa Sodom, Gomora, Adima kodi Zeboyim ma Rwoth oreyo woko i nge pere kodi i keme pere.

Kitawo mar'abic mapa Musa m'ilwoŋo ni Cik 32:36

Kole Rwoth lathumo banja ri ji pere, aka labedo gi wor kwoŋ ŋecin pere, k'oneni nike jorumo gi meni, m'ongoye ŋat'otwey kosa m'ogony ma jodoŋ.

2 Petero 2:6

Kole Were othumo banja ri tindi ma Sodom kodi Gomora, munyo waŋo woko jo gi mac, aka oloko jo ranen ri gima bino timere ri joreco je;

Yuda 1:7

Ameno bende apaka Sodom gi Gomora, kodi tindin m'othoko jo ma cango jotimo paka jomalaika jotimo, aka jotimo cot kodi kidakana, jobedo ranen ri ji paka joma candere i mac cil gi cil.

Menyirok ri Yohana 11:8

Aka delkwoŋ jo bino m'oyerere i royo ma tindi madwoŋ, kama Rwoth pajo ogur'iye kwoŋ musalaba, ma nyinge iy'ageca ilwoŋo ni Sodom kosa Misir.

Menyirok ri Yohana 18:18

to joywak kareno joneno yiro ma wok i waŋ pere ka jowaco ni, “Tindi mene man m'onwaŋo nyalo rom gi tindi madwoŋ me?”

Jothum Banja 10:16

Ameno jokwanyo woko werin makicar je m'oyido nitie i dier jo, aka jolamo Rwoth. Kenyo Rwoth k'onyalo ciro neno Isiraili ka candere.