Kitawo mar'ario mapa Musa m'ilwoŋo ni Wok 32:1 - KITAWO MALEŊ Catholic

¹ Munyo ji joneno ni Musa ogalo gi loro piny wok wi got, jocokere kanyacel bongi Aron, aka jowaco rigo ni, “Wakuya gim'otimere ri jal me Musa, m'otelo wan wok i Misir, ameno tim riwan were ma wotel wan.”

KITAWO MALEŊ

¹ Munyo ji joneno ni Musa ogalo gi loro piny wok wi got, jocokere kanyacel bongi Aron, aka jowaco rigo ni, “Wakuya gim'otimere ri jal me Musa, m'otelo wan wok i Misir, ameno tim riwan were ma wotel wan.”

Kitawo mar'ario mapa Musa m'ilwoŋo ni Wok 32:1 ပူးပေါင်းရင်းမြစ်များ

Cakirok 19:14

Kenyo Loti kidho bongi cwo m'oyido jolanywomo nyir pere to waco rijo ni, “Redi win wingoye woko ka, rupiri Rwoth kidho reyo woko tindi madwoŋ.” To cale rijo paŋini Loti oyido loko wac.

Cakirok 21:26

Abimelek owaco ni, “Akuya ŋat'otimo gime. Oyido fodi ikiwaco ran, aka fodi oyido akiwinjo kwoŋe tundo konon.”

Cakirok 39:8

To Yozefu okwero to waco ni, “Neni, jadwoŋ paran kidew kwoŋ gimoro je i ot rupiri anitie ka. Go oketho kisi gim'anitie gine i cingan.

Cakirok 44:15

Yozefu owaco rijo ni, “Tim aŋo me ma witimo? Oyido wikuya ni nyatoro paka an nyalo ŋeyo nyaliŋliŋ gi gigipiny ma ji jotemo muŋo?”

Cakirok 44:4

Munyo fodi jok'otundo bor, Yozefu owaco ri ŋeca pere ni, “Ay, iluwi cwo no aka k'inomaki jo, penji jo ni, ‘Raŋo wiculo bero gi raco? Raŋo wikwalo kikopo paran ma feza?

Zabuli 106:19

Jotimo nyathi dhiaŋ i Horeb, aka jolamo cal ma zahabu m'oleny no.

Kitawo mar'ario mapa Musa m'ilwoŋo ni Wok 13:21

Aka Rwoth otelo jo gi siro ma pondeponde odieceŋ nyutho jo yo, kodi siro ma mac wor miyo jo lero, ŋey jowonyal woth wor gi odieceŋ.

Kitawo mar'ario mapa Musa m'ilwoŋo ni Wok 14:11

Jowaco ri Musa ni, “Kaliele oyido ongoye i Misir m'ikelo wan tho i thim ka? Neni gim'itimo gi wodho wan wok i Misir!

Kitawo mar'ario mapa Musa m'ilwoŋo ni Wok 16:3

aka jowaco rijo ni, “Kabedi oyido Rwoth neki woko wan gi i piny Misir, kenyo oyido wanyalo bedo dho ayigin riŋo to wacamo gi mugat ma romo wan. To wiwodho wan i thim ka riyo wan gi kec watho.”

Kitawo mar'ario mapa Musa m'ilwoŋo ni Wok 20:23

Wikiri witim werin mewin ma feza kosa zahabu to wilamo medo i wi an.

Kitawo mar'ario mapa Musa m'ilwoŋo ni Wok 24:12

Rwoth owaco ri Musa ni, “Biye malo bongan wi got, aka ikuri kenyo. Alamiyin telin mapando ario manitie iye cik gi Or m'atieko ndiko ma fonjo jo.”

Kitawo mar'ario mapa Musa m'ilwoŋo ni Wok 24:18

Aka Musa odonjo i pondeponde to idho wi got. Musa obedo wi got ma ndelo piero aŋwen, wor gi odieceŋ.

Kitawo mar'ario mapa Musa m'ilwoŋo ni Wok 32:11

To Musa oywaki gi Rwoth Were pere to waco ni, “Rwoth, raŋo keme perin oliel kwoŋ ji perin, m'iwodho jo wok i piny Misir gi meni madwoŋ kodi cingin ma dimeni?

Kitawo mar'ario mapa Musa m'ilwoŋo ni Wok 32:22

Aron odwoko ni, “Ikir'imaki nge, iŋeyo nike ji me jomiyere timo reco.

Kitawo mar'ario mapa Musa m'ilwoŋo ni Wok 32:23

Kole jowaco ran ni, ‘Wakuya gim'otimere ri jal me Musa, m'owodho wan wok i Misir, ameno tim riwan were ma wotel wan.’

Kitawo mar'ario mapa Musa m'ilwoŋo ni Wok 32:7

Rwoth owaco ri Musa ni, “Lori piny, kole ji perin, m'iwodho jo wok i lowo ma Misir jotimo reco aka jokweran.

Kitawo mar'ario mapa Musa m'ilwoŋo ni Wok 33:3

Kadhi win malo i lowo ma mol gi cak kodi mo kic, to ak'okadhi gi win awon, rupiri wibedo ji ma wiy gin tek, aka anyalo neko win i yo.”

Ezekiel 20:8

To jogwenyere kwoŋan aka oyido jok'oyikere winjan. Kisi dhano k'oweyo tim ma mienirok pere, aka jok'oweyo cal ma Misir. Kenyo awaco ni, alakonjo keme paran kwoŋ jo t'acowo nge paran kwoŋ jo i lowo ma Misir.

Hoseya 12:13

Gi jatuci wac Were, Rwoth owodho Isiraili wok Misir, aka gi jatuci wac Were, okuro go.

Mika 6:4

Kole awodho win wok i piny Misir, abotho win bedo ŋecin koro, t'aoro Musa, Aron kodi Miriam telo win.

Kwan 14:22

ongoye ji ma jotieko neno dwoŋ paran kodi ranyuth m'atieko timo i Misir kodi i thim, aka kucel jotieko teman mirundi apar me aka fodi jok'oworan,

Matayo 24:43

To ŋey win gime, ni bedi won peco ŋey hongo ma jakwo bin'iye dier wor, d'oyikere aka di k'oyeyo jakwo turo ot.

Matayo 24:48

To ka jatic marac won owaci kende ni, “Rwoth paran ogalo.”

Tim pa Jomoor 17:29

Onyo paka wabedo nyithindho pa Were, wakiri wapar ni Were cale kodi zahabu, kosa feza, kosa tele ma dhano ama won othedho gi rieko kodi ndijo pere.

Tim pa Jomoor 19:26

To wiwegi witieko winjo gi neno gima jal m'ilwoŋo ni Paulo me timo. Go otieko wiro ji mathoth ka kodi i Efeso kodi cegin iy'adec ma Asia gipi ka waco ni werin m'othedhi gi cingi jo k'obedo were.

Tim pa Jomoor 7:40

Am'omiyo jowaco ri Aron ni, “Tim riwan werin ma jobino telo wan. Wakuya gim'otimo Musa no m'omiyo owodho wan i piny Misir.”

Kitawo mar'abic mapa Musa m'ilwoŋo ni Cik 31:8

Rwoth won ama telo yuwiy win. Go labedo kodin; go kilaweyin kosa jwangin. Ikir'ibedi gi bwok kosa inyapere.”

Kitawo mar'abic mapa Musa m'ilwoŋo ni Cik 9:1

Winji, Awi Isiraili! Wicegin ŋado Yordan konon, kadho donjo riemo nonin ma jolac aka jotek loyo win, tindin madongo malac, m'otinda tundo i polo,

Kitawo mar'abic mapa Musa m'ilwoŋo ni Cik 9:9

Munyo aidho malo wi got jolo telin mapando ario, telin ma cikirok ma Rwoth otimo gi win, adoŋ wi got ma odieceŋ piero aŋwen kodi wor piero aŋwen; akicamo cemo kosa madho pi.

Yosuwa 7:13

Ay malo, loki ji maleŋ, aka iwaci ni, ‘Lokere win maleŋ ri dikin; kole Rwoth ama luwo, Were pa Isiraili, “Nitie gigipiny m'omiy i dier win, awi Isiraili; wikinyal cungo ruwaŋ jokwor mewin, cuka wikwanyo gigipiny m'oyido iripo reyo i dier win.”

2 Petero 3:4

Jobino penjo win ni, “Go ociko ni bino, k'ameno be? To ere go nikune? Bacere mawan jotieko tho, to gimoro je fodi romaroma paka oyido nitie wok cuka cwey piny!”