Kitawo mar'ario mapa Musa m'ilwoŋo ni Wok 20:3 - KITAWO MALEŊ Catholic

³ “Wikiri wibedi gi werin man je kwanyowoko an.”

KITAWO MALEŊ

³ “Wikiri wibedi gi werin man je kwanyowoko an.”

Kitawo mar'ario mapa Musa m'ilwoŋo ni Wok 20:3 ပူးပေါင်းရင်းမြစ်များ

1 Kerin 11:4

Kole munyo Solomon oti mon pere oyido jomiyo go lamo werin man. Solomon oyido ongoye gi adieri ri Rwoth Were pere paka bamere Daudi oyido nitie.

Zabuli 29:2

Pak win nyingi Rwoth madwoŋ, lam win go ka onenere.

Zabuli 73:25

Ŋa ma nitie gine i polo kwanyo woko in? Aka ongoye gim'agomba i piny kwanyo woko in.

Zabuli 81:10

An abedo Rwoth, Were mewin, m'owodho win wok i Misir. Yaw win dhok win malac, aka abino pidho win.

Zabuli 81:9

Wikiripi lamo were man.

Kitawo mar'ario mapa Musa m'ilwoŋo ni Wok 15:11

“Rwoth, ŋa ma calin, kwoŋ werin je? Ŋa ma calin, itek loyo joje? Ŋa manyalo timo gir'aura gi tim madongo paka aperin?

Kitawo mar'ario mapa Musa m'ilwoŋo ni Wok 20:23

Wikiri witim werin mewin ma feza kosa zahabu to wilamo medo i wi an.

Kitawo mar'ario mapa Musa m'ilwoŋo ni Wok 22:19

“Neki win jacwo ma nindo g'ogwaŋ.”

Kitawo mar'ario mapa Musa m'ilwoŋo ni Wok 23:24

Wikiri wikule piny ri werin pajo to wilamo jo, aka wikiri wicaki timo tim manyadini pajo. Nyek win werin pajo to wituro sirin pajo ma telin.

Kitawo mar'ario mapa Musa m'ilwoŋo ni Wok 32:8

Jotieko weyo yo m'amiyo jo or ni jowoluwi, jocweyo rwath wok kwoŋ zahabu ma jolenyo aka jolamo to jomiyo cowirok. Jowaco ni me were pajo m'owodho jo wok i Misir.

Kitawo mar'ario mapa Musa m'ilwoŋo ni Wok 34:14

“Wikiri wilam were man, rupiri An Rwoth, ajanyeko.

Isaya 26:4

Kethi geno i Rwoth cil gi cil, kole Rwoth Were, obedo tele ma cil gi cil.

Isaya 42:8

An abedo Rwoth, meno nyingan; dwoŋ paran akimiy ŋatiman, kosa pak paran ri cal m'ogor.

Isaya 43:10

Wibedo jokony paran, Rwoth waco, gi ŋeca paran m'atieko yero, ŋey winyal ŋeyo to wiyeyan to winiaŋ ni Abedo go. Ongoye were m'otelo bedo ran, aka ongoye moro je ma labino yuŋeyan.

Isaya 44:8

Wikiri wikirin, kosa wibwok, fodi akiwaco riwin wok cene t'awodho kamaler? Wibedo jokony paran! Nitie were man je kwanyowoko an? Ongoye tele man, ongoye m'aŋeyo.”

Isaya 46:9

Poyi win gigipiny ma cango con, kole abedo Were, aka ongoye man, Abedo Were, aka ongoye ŋata cale kodan.

Yeremia 25:6

Jowaco riwin ni wikiri wikwoŋ to witiyo ri werin man gi bedo ma wikimiyo Rwoth nge gi lamo cal ma witimo. Bedi wiwinji Rwoth, di go k'omiyo win gir'acula.”

Yeremia 35:15

Atieko oro riwin ŋecin paran jotuci wac Were mar'amen k'awaco ni, “Wire win kisi dhano kwoŋ yo pere marac, yik win tim mewin, aka wikiri wikwoŋ werin man ka witiyo rijo, ŋey wibedi i piny m'amiyo win kodi kwarere mewin.” To wikiciko ithi win winjan.

Yeremia 7:9

Winokwal, winoneki, winotim cot, winokwoŋere nono, winomiy mic ri Bal, to wilamo werin man ma fodi wikuya,

Hoseya 13:4

Kucel atieko bedo Rwoth Were mewin, wok i piny ma Misir; ongoye Were ma wiŋeyo kwanyowoko an, aka ongoye jaboth man kwanyowoko an.

Matayo 4:10

Gikenyo Yesu odwoko ni, “Eye bongan Sitan! Ondiki ni, ‘Lami Rwoth Were perin aka itiy rigo won kende.’ ”

1 Jokorintho 8:4

Am'omiyo, i wac ma mako kwoŋ camo cemo m'ocow gine cal makicar: Waŋeyo ni cal makicar k'obedo gima nigi kwo i piny ka; aka adieri waŋeyo ni Were nitie acel kende m'ongoye man.

1 Jokorintho 8:6

to riwan Were nitie acel kende, Were Bawan, m'ocweyo gigipiny je, ma gimoro je wok bonge; ma wakwo rigo; odoko Rwoth nitie acel kende, Yesu Kristo, ma i go gigipiny je ocwey, aka go ama miyo wakwo.

Joefeso 5:5

Ŋey win gime ni: Ongoye moro je ma jacot, makoc, kosa ma wor (kole woro cale pa lamo gima k'obedo Were) m'olim gimoro i Ker pa Kristo kodi apa Were.

Kitawo mar'abic mapa Musa m'ilwoŋo ni Cik 5:7

Wikiripi bedo gi werin man ruwaŋan.

Kitawo mar'abic mapa Musa m'ilwoŋo ni Cik 6:14

Wikiri wiluw werin man, werin pa nonin ma jothoko win,

Kitawo mar'abic mapa Musa m'ilwoŋo ni Cik 6:5

Iripo maro Rwoth Were perin g'adundo perin je, gi cunyin je, gi meni perin je.

Jofilipi 3:19

Jokidho rerok i mac makitho, rupiri Were pajo obedo awanya ma delkwoŋ gin, aka jopakere kodi gima wiy jo di kwoti gine ayin. Joketho paro pajo kwoŋ gigipiny ma piny ka kende.

Jokolosia 2:18

Wikiri wiyeyi moro womayi win kemba mewin munyo ŋoyo ni loyo win gi dwoŋ ro lek ma go nwaŋo, kareno nyutho bwonirok ma rendirok aka lamo jomalaika. Dhano ma pameno pakirok ama opoŋ kwoŋe, aka paro pere obedo ma nyadhano.

Menyirok ri Yohana 19:10

Gikenyo agore piny dho tiende ni alam go, to go owaco ran ni, “Ikir'itim ameno! A jatic nyawotin, acel kwoŋ wutmin in ma joridho adieri pa Yesu. Lami Were ayino! Kole adieri pa Yesu ama gudo cuny jatuci wac Were.”

Menyirok ri Yohana 22:9

To go owaco ran ni, “Ikir'itim ameno! Abedo jatic nyawotin, i dier wutmere kodi jotuci wac Were kodi ji je ma jomako wac ma kitawo me. Lami Were ayino!”

Jothum Banja 6:10

Awaco riwin ni An abedo Rwoth Were mewin; wikiri wilwor werin pa Joamor, ma wibedo i lowo pajo. To wikwero winjan.”