Kitawo mar'ario mapa Musa m'ilwoŋo ni Wok 20:2 - KITAWO MALEŊ Catholic

² “An abedo Rwoth Were mewin, m'owodho win wok i lowo ma Misir kam'oyido wibed'iye ŋecin.”

KITAWO MALEŊ

² “An abedo Rwoth Were mewin, m'owodho win wok i lowo ma Misir kam'oyido wibed'iye ŋecin.”

Kitawo mar'ario mapa Musa m'ilwoŋo ni Wok 20:2 ပူးပေါင်းရင်းမြစ်များ

1 Kerin 18:39

Munyo ji je joneno, jogore piny aka jokoko ni, “Rwoth obedo Were, Rwoth obedo Were!”

2 Kerin 17:12

aka jok'oluwo Or pa Rwoth ma waco nike ikir'ilam cal.

2 Kerin 17:7

Samaria opodho kwoŋbedo Joisiraili oyido jotimo reco ruwaŋ Rwoth Were pajo, m'obotho jo wok i cingi Farawo kere ma Misir to wodho jo wok i Misir kam'oyido jolamo iye werin man.

2 Kigana kwoŋ Kerin 28:5

Riameno Rwoth Were pere oketho go i cingi kere ma Siria, m'okengila go to mako go paka jatwec gi ji pere kweth to tero jo Damasiko. Oketho go bende i cingi kere ma Isiraili, m'okengila go gi nek ma kiwacere.

Zabuli 50:7

“Winji win, a ji paran, aka alaluwo A Isiraili, abino miyo mijulisi kwoŋin, An abedo Were, Were perin.”

Zabuli 81:10

An abedo Rwoth, Were mewin, m'owodho win wok i Misir. Yaw win dhok win malac, aka abino pidho win.

Zabuli 81:11

“To ji paran jok'owinjan, Isiraili k'oluwo cik paran.

Zabuli 81:7

Munyo oyido winitie i kidamba, abotho win; adwoko win ka nyaliŋliŋ i mor koth. Atemo win i waŋ pi ma Meriba.

Kitawo mar'ario mapa Musa m'ilwoŋo ni Wok 13:14

Comoro ka wot win jopenji win gima gime nyutho, dwoki win nike, gi meni madwoŋ Rwoth owodho wan wok i Misir kam'oyido wabedo ŋecin.

Kitawo mar'ario mapa Musa m'ilwoŋo ni Wok 13:3

Aka Musa owaco ri ji ni, “Poyi win ndelo ma wiwok'iye i Misir kam'oyido wibedo ŋecin. Me ndelo ma Rwoth owodho win gi meni pere madwoŋ. Wikiripi camo mugat m'otimi gi thow.

Kitawo mar'ario mapa Musa m'ilwoŋo ni Wok 15:13

Gi mar perin makiwire, itelo ji ma ibotho, gi meni perin inyutho jo yo ma kidho i lowo perin maleŋ.

Kitawo mar'ario mapa Musa m'ilwoŋo ni Wok 15:16

Jopoŋ gi lworo aka jokirin. Joneno meni perin, a Rwoth, aka jocungo m'ongoye kony gi lworo cuka ji perin joŋanjo jokadho, ji ma ibotho bedo ŋecin.

Kitawo mar'ario mapa Musa m'ilwoŋo ni Wok 15:26

ka waco ni, “Ka winowinjan kicutho gi timo gim'atero ni otire kodi luwo or paran, akibino miyo win gir'acula ma two m'akelo kwoŋ Jomisir. An abedo Rwoth ma botho two mewin.”

Kitawo mar'ario mapa Musa m'ilwoŋo ni Wok 20:1

Were oluwo gi Musa wac me je,

Kitawo mar'ario mapa Musa m'ilwoŋo ni Wok 29:46

Jobino ŋeyo ni Abedo Rwoth Were m'owodho jo wok i Misir ŋey abedi i dier jo. An abedo Rwoth Were pajo.”

Kitawo mar'ario mapa Musa m'ilwoŋo ni Wok 6:6

Riameno wac ri Joisiraili ni, ‘An abedo Rwoth, abino botho win t'agonyo win wok i twec pa Jomisir. Abino tiŋo cingan ma dimeni kelo gir'acula madongo kwoŋ jo.

Isaya 43:3

Kole abedo Were perin, Ŋataleŋ pa Isiraili, jaboth perin. Amiyo Misir paka mic mareco perin, awilo Ethopiya gi Seba kodin.

Yeremia 16:14

Riameno, adieri hongo bino, Rwoth waco, ma ji doko jok'okwoŋere kodan paka Were makwo, go m'ofudho ji ma Isiraili woko ma piny ma Misir.

Yeremia 2:6

Jok'openjere ni, “Nikune Rwoth, m'owodho wan wok i piny Misir, go m'otelo i thim, i piny m'obipere, m'opalipat kodi buce, i piny m'othwo kodi mudho m'opoto, i piny m'ongoye ŋata luw'iye, kam'ongoye ŋata bed'iye?”

Yeremia 31:1

I hongo no, Rwoth waco, alabedo Were pa pecin je i Isiraili, aka jolabedo ji paran.

Yeremia 31:33

To me a cikirok m'abino timo gi ot pa Isiraili rumacen ma ndelo no, Rwoth waco. Alandiko cik paran i jo, aka alandiko i cuny jo. Were pajo aka jolabedo ji paran.

Yeremia 34:13

Rwoth, Were pa Isiraili waco ama: An won atimo cikirok gi kwarere mewin munyo awodho jo wok i piny Misir, wok i piny ma twec, k'awaco ni,

Ezekiel 20:19

An Rwoth, abedo Were mewin. Luw win cik paran, aka wikuri or paran kodi timo je.

Ezekiel 20:5

Iwaci rijo ni, me a gima Rwoth Were waco. I ndelo m'ayer'iye Isiraili, akwoŋere ri nyikway Yakobo aka amiyo jo ŋeyan i lowo ma Misir. Akwoŋere rijo k'awaco ni, “Abedo Rwoth, Were mewin.”

Ezekiel 20:7

Awaco rijo ni kisi dhano wowey woko tim ma mienirok pere, aka jokiri jowokocere gi cal ma Misir, kwoŋbedo abedo Rwoth Were pajo.

Hoseya 12:10

Aluwo gi jotuci wac Were; obedo an m'onyayo menyirok, aka luwo kwoŋ jotuci wac Were alakelo rerok.

Hoseya 13:4

Kucel atieko bedo Rwoth Were mewin, wok i piny ma Misir; ongoye Were ma wiŋeyo kwanyowoko an, aka ongoye jaboth man kwanyowoko an.

Jolevi 11:45

Kole An abedo Rwoth, m'awodho win wok i lowo ma Misir, bedo Were mewin, riameno bedi win maleŋ, kole Aleŋ.

Jolevi 19:36

Wiripo bedo gi kilo m'otire, latir m'otire, gi rapim m'otire: An abedo Rwoth Were mewin m'owodho win wok i piny ma Misir.

Jolevi 23:43

aka ŋey luse mewin jowonyal ŋeyo nike amiyo Joisiraili bedo i kayindi munyo awodho jo wok i piny Misir: An abedo Rwoth Were mewin.

Jolevi 25:38

An abedo Rwoth Were mewin, m'ofudho win wok i piny Misir, ni amiy win piny ma Kanan, aka ni abedi Were mewin.

Jolevi 25:42

Rupiri jobedo ŋecin paran, m'afudho jo wok i piny Misir; kinyal kitana jo paka itana ŋecin.

Jolevi 25:55

Kole ri an Joisiraili jobedo ŋecin paran; jobedo ŋecin m'awodho jo wok i piny Misir: An abedo Rwoth Were mewin.

Jolevi 26:1

Rwoth owaco ni, “Wikiri witim cal moro je kosa wijengi gima wiwegi wicweyo kosa sirin, aka wikiri wijengi telin m'ogor i lowo mewin, ma lamo jo; kole An abedo Rwoth Were mewin.

Jolevi 26:13

An abedo Rwoth Were mewin m'ofudho win woko i piny ma Misir, ni wikiri wibedi ŋecin pajo kendo; atieko turo woko meni m'oyido diyo win piny aka onyo alamiyo wiwoth gi delok.”

Amos 2:10

Awodho win wok i piny Misir aka atelo win ma oro piero aŋwen i thim, t'amiyo win lowo pa Joamor.

Joroma 10:12

Me mako kwoŋ dhano je, rupiri pokirok ongoye i dier Joyuda kodi Jopath; Were acel am'obedo Rwoth pa ji je, aka go miyo dhano je ma lwoŋo go silwany.

Joroma 3:29

Kosa Were obedo Were pa Joyuda kende? Go k'obedo Were pa Jopath bende? Kole go obedo Were pa Jopath bende.

Kitawo mar'abic mapa Musa m'ilwoŋo ni Cik 13:10

Cadhi jo gi telin cuka jotho kwoŋbedo jotemo kwanyin woko kwoŋ Rwoth Were perin, m'owodhin wok i lowo ma Misir, wok i ot ma twec.

Kitawo mar'abic mapa Musa m'ilwoŋo ni Cik 15:15

Poyi nike oyido ibedo ŋeca i lowo ma Misir, to Rwoth Were perin bothin; R'atoŋa me amiyin or me konon.

Kitawo mar'abic mapa Musa m'ilwoŋo ni Cik 20:1

Ka wikidho lweny gi jokwor mewin, to wineno punde kodi cawilin, jolweny madwoŋ loyo mewin wikiri wibwok ro jo; kole Rwoth Were mewin nitie gi win, go m'owodho win wok i piny Misir.

Kitawo mar'abic mapa Musa m'ilwoŋo ni Cik 5:15

Poyi win nike oyido wibedo ŋecin i lowo ma Misir, aka Rwoth Were mewin owodho win wok koro gi cinge ma meni kodi cinge m'oyare. Riameno Rwoth Were mewin omiyo win or kuro ndelo ma sabato.

Kitawo mar'abic mapa Musa m'ilwoŋo ni Cik 5:6

An abedo Rwoth Were mewin, m'owodho win i lowo ma Misir, wok i ot ma twec.

Kitawo mar'abic mapa Musa m'ilwoŋo ni Cik 7:8

Obedo kwoŋbedo Rwoth omaro win aka okuro cikirok m'otimo ri kwarere mewin, am'omiyo Rwoth owodho win gi cinge ma meni, aka obotho win wok i ot ma twec, wok i cingi Farawo kere ma Misir.

Jothum Banja 2:1

Malaika pa Rwoth owok malo i Gilgal to kadho i Bokim, aka owaco ni, “Awodho win wok i Misir, aka atieko kelo win i lowo m'aciko kwarkwar win; k'awaco ni, ‘Akibino turo cikirok paran gi win.

Jothum Banja 6:10

Awaco riwin ni An abedo Rwoth Were mewin; wikiri wilwor werin pa Joamor, ma wibedo i lowo pajo. To wikwero winjan.”