Kitawo mar'ario mapa Musa m'ilwoŋo ni Wok 19:6 - KITAWO MALEŊ Catholic

⁶ aka wilabedo ran ker pa jocway ri Were i wi migam aka piny maleŋ.”

KITAWO MALEŊ

⁶ aka wilabedo ran ker pa jocway ri Were i wi migam aka piny maleŋ.”

Kitawo mar'ario mapa Musa m'ilwoŋo ni Wok 19:6 ပူးပေါင်းရင်းမြစ်များ

1 Kerin 3:8

An e i dier ji m'iyero bedo ji perin, ji ma jodit ma jokikwanere.

1 Kerin 8:53

Kole itieko ketho jo gicen kwoŋ nonin je ma piny, bedo ji perin won, paka iciko luwo bongi ŋeca perin Musa munyo iwodho kwarere mawan wok i Misir.”

1 Kigana kwoŋ Kerin 17:22

Itieko loko Isiraili ji perin cil gi cil, aka in Rwoth, ibedo Were pajo.”

Zabuli 114:2

Yuda olokere ji pa Rwoth maleŋ, Isiraili olokere lim pere won.

Kitawo mar'ario mapa Musa m'ilwoŋo ni Wok 15:26

ka waco ni, “Ka winowinjan kicutho gi timo gim'atero ni otire kodi luwo or paran, akibino miyo win gir'acula ma two m'akelo kwoŋ Jomisir. An abedo Rwoth ma botho two mewin.”

Kitawo mar'ario mapa Musa m'ilwoŋo ni Wok 22:31

“Wibedo ji paran, riameno wikiri wicam le m'ogwaŋ madudi oneko, kwanyo woko bol win ri gwokere.”

Kitawo mar'ario mapa Musa m'ilwoŋo ni Wok 28:36

“Aka itimi sen gi zahabu macil aka indik'iye ni, ‘Leŋo ri Rwoth.’

Isaya 43:4

Rupiri ibedo gima diwelo ruwaŋan, aka iworin, amarin, amiyo dhano i kabedo perin, t'awilo ji gi kwo perin.

Isaya 61:6

To win, ilalwoŋo win ni jocway ri Were i wi migam pa Rwoth, ilalwoŋo win ni ŋecin pa Were mawan, wilawinjo cwe ma lim pa nonin man, aka wilakwoto i ŋaŋo pajo.

Isaya 62:12

Aka ilalwoŋo jo ni ji maleŋ mapa Were, ji ma Rwoth obotho, aka ilalwoŋin ni m'odwar, tindi madwoŋ ma k'ojwangi.

Isaya 66:21

Megi kwoŋ jo alatero loko jocway ri Were i wi migam aka joman loko Jolevi, Rwoth waco.

Yeremia 13:11

Kole paka pale moko i pier jo, ameno apaka amiyo Joisiraili gibe kodi Joyuda gibe cwirok kwoŋan, Rwoth waco, ŋey jowonyal bedo ran ji paran, jowomiy nyingan pak kodi dwoŋ. To jok'onyalo winjo.”

Yeremia 2:3

Isiraili oyido obedo gimaleŋ ri Rwoth, ranyak marapena ma keco pere. Jono je ma jocuto go jobedo gi banja; aka teko oyimere kwoŋ jo.”

Yeremia 7:23

To me a or m'amiyo jo, Winji win dwondan, aka nyaka alabedo Were mewin, aka wilabedo ji paran; jowotimi gim'ayenyo ma oro jo, ŋey gigipiny wobedi maber rijo.

Jolevi 19:2

Luw gi lwak pa Joisiraili aka iwaci rijo ni: Bedi win maleŋ rupiri An Rwoth Were mewin aleŋ.

Jolevi 20:24

Aka awaco riwin ni: Wilalunjo lowo pajo, alamiyo win wobedi mewin, lowo ma mol gi cak kodi mo kic. An abedo Rwoth Were mewin; atieko ketho win gicen kwoŋ nonin man.

Jolevi 20:26

Wiripo bedo maleŋ ran; rupiri an Rwoth aleŋ, aka atieko ketho win gicen kwoŋ ji man bedo aparan.

Jolevi 21:23

To go wokiri wocore cegin gi nanga m'oliero kosa wocore cegin gi migam, kwoŋbedo go nitie gi ŋolo, ŋey go wokiri wokoc Kabedo Maleŋ paran; kole An abedo Rwoth ma loko jo maleŋ.”

Amos 3:2

Kwoŋ piny je, win kende am'atieko ŋeyo t'akwonga jo, riameno abino miyo win gir'acula, ro reco mewin je.

Hagay 2:5

Cungo kwoŋ cikirok m'atimo gi win munyo wiwok i Misir, cunyan nitie i dier win, wikiri wibwok.

Kwan 16:3

Jocokere ruwaŋ Musa kodi Aron to jowaco rijo ni, “Wikadho bor swa! Kweth je joleŋ, kisi dhano kwoŋ jo, aka Rwoth nitie i dier jo. Onyo raŋo winor loyo cokirok pa Rwoth?”

Joroma 12:1

Am'omiyo, wutmera, ro wor pa Were m'oasere riwan, agoyo riwin koko me: Miy win delkwoŋ win ri Were paka cowirok makwo, maleŋ ma sangala go. Meno a lamo ma cuny ma wiripo cwayo rigo.

1 Jokorintho 3:17

Ŋata nyeko Ot pa Were, Were bino reyo go woko, rupiri Ot pa Were leŋ aka wiŋati wibedo Ot ago.

Kitawo mar'abic mapa Musa m'ilwoŋo ni Cik 14:21

Wikiripi camo gima won otho; winyalo miyo jokicar ma jobedo i tindin mewin jowocami, kosa winyalo kitana ri japath. Kole wibedo ji maleŋ ri Rwoth Were mewin. Wikiri witedo nyathi diel i cak pa min.

Kitawo mar'abic mapa Musa m'ilwoŋo ni Cik 26:19

kodi tiŋo win malo swa loyo nonin je ma go ocweyo, i pak, i limo nyingi win, kodi dwoŋ, kodi riwin bedo ji maleŋ ri Rwoth Were mewin paka go otieko waco.

Kitawo mar'abic mapa Musa m'ilwoŋo ni Cik 28:9

Rwoth laloko win ji pere maleŋ, paka otieko ciko win, ka winokur or pa Rwoth Were mewin kodi wotho i yo pere.

Kitawo mar'abic mapa Musa m'ilwoŋo ni Cik 7:6

Kole wibedo ji maleŋ ri Rwoth Were mewin. Rwoth Were mewin otieko yero win kwoŋ nonin je i piny bedo ji pere, lim pere ma welo.

1 Jothesalonika 5:27

Aruma win gi meni pa Rwoth, kisoma balwa me ri jom'oyeyo je.

1 Petero 2:5

Ato wibende wibedo telin makwo, m'onyo igero gine Ot pa Were ma cuny, kama wibino tiy'iye paka jocway ri Were i wi migam ma joleŋ, kareno wicwayo cowirok manyacuny ma Were jolo luwo kwoŋ Yesu Kristo.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

Menyirok ri Yohana 1:6

to loko wan bedo ker, kendo joma cwayo wi migam pa Were kendo Bamere. Dwoŋ kodi meni wobedi rigo cil gi cil. Ameno.

Menyirok ri Yohana 20:6

Ji je ma jokwanere i cerino marapena me, meno josilwany odoko joleŋ! Ato tho mar'ario kilabedo gi meni kwoŋ jo, to jobino bedo jocway ri Were i wi migam ma jotiyo ri Were gi Kristo munyo jodhumo gine cowo oro gana acel.

Menyirok ri Yohana 5:10

Iloko jo ker pa jocway ri Were i wi migam; aka jobino dhumo piny.”