Kitawo mar'ario mapa Musa m'ilwoŋo ni Wok 16:3 - KITAWO MALEŊ Catholic

³ aka jowaco rijo ni, “Kabedi oyido Rwoth neki woko wan gi i piny Misir, kenyo oyido wanyalo bedo dho ayigin riŋo to wacamo gi mugat ma romo wan. To wiwodho wan i thim ka riyo wan gi kec watho.”

KITAWO MALEŊ

³ aka jowaco rijo ni, “Kabedi oyido Rwoth neki woko wan gi i piny Misir, kenyo oyido wanyalo bedo dho ayigin riŋo to wacamo gi mugat ma romo wan. To wiwodho wan i thim ka riyo wan gi kec watho.”

Kitawo mar'ario mapa Musa m'ilwoŋo ni Wok 16:3 ပူးပေါင်းရင်းမြစ်များ

2 Samwiri 18:33

Geregere omako kere; aka okidho malo i kisika manitie i wi waŋkac to ywak. Munyo go kadho, oywaki ni, “Awi wodan! Wodan Absalom! Absalom, wodan! Kabedi oyido aŋat'atho makiweno in. Wodan! Absalom Wodan!”

Yobu 3:1

Rumacen Yobu oyawo dhoke aka okwoŋo ndelo m'onywol'iye go.

Yobu 3:10

Kwoŋi wor no kwoŋbedo omiyan anywole, to thangan ri teko gi rem.

Yobu 3:20

Raŋo imiyo lero ri ŋata nitie i kumo? Raŋo imiyo kwo ri ŋata nitie i rem?

Zabuli 107:5

Kec gi riyo pi oneko jo, aka jolacere.

Zabuli 78:19

Joluwere kwoŋ Were, ka jopenjo ni, “Were nyalo poko cemo i thim?

Zabuli 78:25

Dhano ocamo mugat pa jomalaika; odhiro rijo cemo kidhur.

Kitawo mar'ario mapa Musa m'ilwoŋo ni Wok 14:11

Jowaco ri Musa ni, “Kaliele oyido ongoye i Misir m'ikelo wan tho i thim ka? Neni gim'itimo gi wodho wan wok i Misir!

Kitawo mar'ario mapa Musa m'ilwoŋo ni Wok 17:3

To riyo pi oyido neko ji swa, aka jomedere kigeŋisa ri Musa. Jowaco ni, “Raŋo iwodho wan wok i Misir? Bino neko wan, nyithindho mawan g'ogwaŋe mawan gi riyo pi.”

Kitawo mar'ario mapa Musa m'ilwoŋo ni Wok 2:23

Munyo oro moro okadho, kere ma Misir otho aka Joisiraili oyido fodi joywak i twec pajo, aka joywak ri kony. Ywak pajo otundo malo bongi Were

Kitawo mar'ario mapa Musa m'ilwoŋo ni Wok 5:21

aka jowaco rijo ni, “Rwoth oneno gima witimo aka bino miyo win gir'acula ro miyo Farawo dak wan. Wimiyo jo bedo gi atoŋa ma neko wan.”

Yeremia 2:6

Jok'openjere ni, “Nikune Rwoth, m'owodho wan wok i piny Misir, go m'otelo i thim, i piny m'obipere, m'opalipat kodi buce, i piny m'othwo kodi mudho m'opoto, i piny m'ongoye ŋata luw'iye, kam'ongoye ŋata bed'iye?”

Yeremia 42:14

gi waco ni, be, walakadho i piny Misir, kama wakilaneno i iye lweny, kosa winjo dwondi gwara kosa riyo kec, aka walabedo koro,

Yeremia 44:17

Walamedere timo kisi gima wakwoŋere timo, miyo cowirok ri nyamicala ma i polo kodi konjo rigo mic ma vini, paka wan kodi kwarere mawan, kerin mawan kodi jodhum oyido watimo i tindin ma Yuda kodi i royin ma Yerusalem. Cango oyido wanitie gi cemo kweth, aka wabedo i bero ma wakinen teko.

Ywakirok 4:9

Ji m'oneki jo g'abor, jober loyo joma kec oneko jo, ma kwo pajo orere woko, ro ngoye pa cemo m'omiy jo kwo.

Kwan 11:15

Ka me apaka ikidho timo ran, mondo nekan i yoto, k'anwaŋo bero ruwaŋin, aka ikir'iyeyan anen kumo paran.”

Kwan 11:20

To wilacamo ma dwe acel gipi cuka owok gi yor um win to lokere riwin marac, kwoŋbedo wikwero Rwoth manitie i dier win, aka witieko ywak ruwaŋe, ka wipenjere ni, ‘Raŋo ma waweyo Misir?’ ”

Kwan 14:2

Joisiraili je jogeŋisa gi Musa kodi Aron; kweth gibe jowaco rijo ni, “Bedi ndir no watho i piny ma Misir! Kosa bedi timere ni watho i thim me!

Kwan 14:3

Raŋo Rwoth okelo wan i piny me ma podho g'abor? Mon mawan gi nyithindho mawan jolalokere gikinyaga; di k'ober loyo riwan gik Misir?”

Kwan 16:13

Iparo ni obedo gimathin swa m'omiyo iwodho wan woko i lowo ma mol gi cak kodi mo kic ma neko wan i thim, m'omiyo bende idhum wan?

Kwan 16:41

Yawere mere, kweth gibe pa Joisiraili joŋunyaŋunya gi Musa kodi Aron ka jowaco ni: “Witieko neko woko ji pa Rwoth.”

Kwan 21:5

Joisiraili joluwere marac kwoŋ Were kodi Musa ka jopenjo ni, “Raŋo wiwodho wan wok i Misir, kelo wan tho ka i thim kama cemo kodi pi ongoy'iye, aka wadak cemo masisiri me.”

Tim pa Jomoor 26:29

Paulo odwoko ni, “Kada me hongo macek kosa mabor, kwayo paran bongi Were obedo ni in kodi wijoje ma wiwinjan konon ka winyal bedo paka an, to kareno ma k'otwey win gi lijegere ayino.”

1 Jokorintho 4:8

Kole kere witieko riwin limo gimoro je ma wiyenyo! Witieko ŋaŋo! Witieko lokirok kerin, kada wawegi wakibedo ameno! Bedi nyalere di wibedo kerin adieri, aka di wabende wabedo kerin kanyacel gi win.

2 Jokorintho 11:1

Ayenyo ni widiy cuny win kodan, kada cale p'abedo mamiŋ ye. Aka aŋeyo ni witimo ameno!

Kitawo mar'abic mapa Musa m'ilwoŋo ni Cik 28:67

Odikin wilawaco ni, “Kabedi oyido piny yuthi!” Aka othieno wilawaco ni, “Kabedi oyido piny yawere!” Kwoŋbedo cuny win labwok kodi gima waŋ win laneno.

Kitawo mar'abic mapa Musa m'ilwoŋo ni Cik 8:3

Go omwolo win gi miyo kec neko win, to pidho win gi mana, ma win kosa kwarere mewin oyido kuya, ma miyo win ŋeyo nike dhano kikwo gi cemo kende, to gi wac je ma wok i dhok Rwoth.

Yosuwa 7:7

Yosuwa owaco ni, “Awi Rwoth Were, raŋo iyeyo ji me ŋado Yordan, t'ijwango wan i cingi Joamor joworey woko wan? Kabedi cango wayere bedo bor gi Yordan!