Kitawo mar'ario mapa Musa m'ilwoŋo ni Wok 12:16 - KITAWO MALEŊ Catholic

¹⁶ I ndelo marapena kodi i ndelo mar'abirio wiripo romo lamo Rwoth. Wikiripi timo tic i ndelo abirio no, to winyalo tedo cemo.

KITAWO MALEŊ

¹⁶ I ndelo marapena kodi i ndelo mar'abirio wiripo romo lamo Rwoth. Wikiripi timo tic i ndelo abirio no, to winyalo tedo cemo.

Kitawo mar'ario mapa Musa m'ilwoŋo ni Wok 12:16 ပူးပေါင်းရင်းမြစ်များ

Kitawo mar'ario mapa Musa m'ilwoŋo ni Wok 16:23

aka Musa owaco rijo ni, “Rwoth owodho or nike dikin obedo ndelo maleŋ ma ywomirok, ndelo pere. Tedi win ma wimito tedo konon, aka wibok ma wimito boko. M'odoŋ, wiripo kano ma dikin.”

Kitawo mar'ario mapa Musa m'ilwoŋo ni Wok 16:29

Neni, amiyo win ndelo ma ywomirok, riameno i ndelo mar'aucel amiyo win cemo ma romo ndelo ario. Kisi nyatoro wobedi kama go nitie iye i ndelo mar'abirio aka wokiri woeye peco.”

Kitawo mar'ario mapa Musa m'ilwoŋo ni Wok 16:5

I ndelo mar'aucel joripo tedo cemo ma riwo ma kisi ndelo dirio.”

Kitawo mar'ario mapa Musa m'ilwoŋo ni Wok 20:10

to ndelo mar'abirio obedo ndelo pa Rwoth Were mewin. I ndelo no wongoye ŋata wotim tic; win, nyithindho, ŋecin, ogwaŋe mewin, kosa japath ma bedo i piny mewin.

Kitawo mar'ario mapa Musa m'ilwoŋo ni Wok 34:18

“Kur win kalima ma mugat ma buthow. Paka amiyo win or, cami win mugat ma buthow ma ndelo abirio i dwe ma Abib, rupiri obedo dwe ma wiey'iye Misir.”

Isaya 1:13

Ongoye kelo mic ma bukony kendo, buban obedo ran amien, Kalima ma Dwe Manyen gi Sabato kodi cokirok manyadini mewin, akinyali ciro cokirok m'opoŋ kidakana.

Jolevi 23:21

I ndelo acel no won wiripo tuco; wiripo bedo gi cokirok maleŋ aka wikiripi timo tic mewin ma kisi ndelo. Me obedo cik ma cil gi cil kamoro je ma winobed'iye i luse mewin je.

Jolevi 23:27

Pama, k'apar i dwe mar'abirio me obedo ndelo ma cwako reco; wobedi cokirok maleŋ riwin; wilamiyo adundo mewin litho; aka wikel mic awaŋa ri Rwoth.

Jolevi 23:35

I ndelo marapena labedo cokirok maleŋ; wikiri witim tic mewin ma kisi ndelo.

Kwan 28:18

I ndelo marapena ma kalima wiripo cokere kanyacel lamo, aka wikiripi timo tic.

Kwan 28:25

I ndelo mar'abirio, wiripo cokere kanyacel lamo, aka wikiripi timo tic.

Kwan 28:26

I ndelo marapena ma keco, ka wimiyo Rwoth mic ma cemo manyen i Kalima ma Keco, wiripo cokere kanyacel lamo, aka wikiripi timo tic.

Kwan 29:1

K'acel ma dwe mar'abirio wiripo bedo gi cokirok lamo. Wikiripi timo tic mewin; obedo ndelo ma kudho gwarin.

Kwan 29:12

K'apar g'abic ma dwe mar'abirio wiripo bedo gi cokirok ma lamo aka wikiripi timo tic. Wiripo timo kalima ri Rwoth ma ndelo abirio.

Yohana 19:31

Gikenyo Joyuda jokwayo Pilato nike wotur tiendi jom'onek t'ikwanyo jo kwoŋ musalaba, rupiri meno oyido ndelo ma yikirok ri Sabato, aka jok'omito ni delkwoŋ jono wobedi kwoŋ musalaba i ndelo ma Sabato, rupiri Sabato obedo ndelo madwoŋ.

Kitawo mar'abic mapa Musa m'ilwoŋo ni Cik 16:8

Ma ndelo aucel wilamedere camo mugat ma buthow, aka i ndelo mar'abirio wilacokere lamo Rwoth Were mewin, aka wikiripi tiyo i ndelo no.