Kitawo mar'ario mapa Musa m'ilwoŋo ni Wok 10:21 - KITAWO MALEŊ Catholic

²¹ Kenyo Rwoth owaco ri Musa ni, “Riey cingin yupolo ŋey mudho wobin i lowo ma Misir, mudho mapek swa.”

KITAWO MALEŊ

²¹ Kenyo Rwoth owaco ri Musa ni, “Riey cingin yupolo ŋey mudho wobin i lowo ma Misir, mudho mapek swa.”

Kitawo mar'ario mapa Musa m'ilwoŋo ni Wok 10:21 ပူးပေါင်းရင်းမြစ်များ

Yobu 5:14

Joromo gi mudho odieceŋ par, aka jomudamuda odieceŋ paŋini wor.

Zabuli 105:28

Were odhiro mudho, aka oloko lowo macol; to Jomisir jogwenyere kwoŋ wac pere.

Zabuli 35:6

Weyi yo pajo wobedi mudho aka jowoceri, ka malaika pa Rwoth riemo jo.

Zabuli 78:49

Ogonyo kwoŋ jo nge pere ma gero, keme, candirok, gi kidamba, kitipa pa jomalaika m'oreyo jo.

Kitawo mar'ario mapa Musa m'ilwoŋo ni Wok 7:19

Rwoth owaco ri Musa ni, “Waci ri Aron wokwany luth pere woriey i wi malawa, waŋ pi, kodi kidiwin je i Misir. Pi bino lokirok remo, aka remo bino bedo i lowo gipi, kiri iy'agwatin ma mbawo gi ma telin.”

Kitawo mar'ario mapa Musa m'ilwoŋo ni Wok 9:22

Aka Rwoth owaco ri Musa ni, “Riey cingin yupolo, ŋey pe wocwe i lowo ma Misir gipi, kwoŋ ji, ogwaŋe, kodi cemo ma ndelin je.”

Agecin 4:19

Royo pa jokidakana cal gi mudho madwoŋ; jokiŋey gima jocer i wiye.

Jafonji 2:14

Jomariek joneno bor, jomamiŋ jowotho i mudho. Kucel aŋeyo bende ni teko acel podho kwoŋ joje.

Jafonji 6:4

Kole bino i pilok to kadho i mudho, aka i mudho nyinge umere.

Ezekiel 32:7

K'atieko reyi woko, alaumo polo, t'aloko micalin pajo m'ocido; alaumo waŋceŋ gi pondeponde, aka dwe k'oliel.

Matayo 27:45

Wok sawa aucel tundo sawa abuŋwen m'odieceŋ, piny gipi mudho oumo cowo hongo ma sawa adek.

Mariko 15:33

Odieceŋ kapa sawa aucel, piny ocol cowo hongo ma sawa adek gipi.

Luka 23:44

Dho kapa sawa aucel, waŋceŋ oumere to mudho culo piny gipi kiri i sawa abuŋwen;

Kitawo mar'abic mapa Musa m'ilwoŋo ni Cik 1:30

Rwoth Were mewin, ma telo yuwiy win, ama lalwenyo riwin, paka otimo riwin i Misir ma wineno gi waŋ win,

Kitawo mar'abic mapa Musa m'ilwoŋo ni Cik 28:29

Aka wilakimudamuda odieceŋ paka ŋata waŋ'otho i mudho, aka wikilaneno royo. Iladiyo win kodi kinyaga win noknok, aka ongoye ŋata lakonyo win.

Kitawo mar'abic mapa Musa m'ilwoŋo ni Cik 4:34

Kosa nitie were m'otieko temo kadho kwanyo nono wok i piny man rigo won, gi tem, gi ranyuth kodi gir'aura, gi lweny, gi cinge ma meni, gi thoyamo, paka Rwoth Were mewin otimo i Misir ka wineno gi waŋ win.

2 Petero 2:17

Jome jocale waŋ pi m'odwono kodi pondeponde ma koyo waro; Were oyiko rijo kama dimudho tektek maloyo kaman je.

2 Petero 2:4

K'inen Were k'oworo jomalaika ma cango jotimo gimarac to obolo jo i mac makitho kam'otwey'iye jo i mudho, ka jokuro ndelo ma thumo banja.

Yuda 1:13

Jocale kitula pa pi i nam, aka tim pajo ma wickwot yenyo malo pa bwoyo. Jocale micalin m'ocot, ma Were otieko yiko rijo kabedo ma cil gi cil i mudho.

Yuda 1:6

Poyi win ni jomalaika ma jokalo kew ma meni pajo, to joweyo kabedo pajo, Were okano jo piny i mudho, to tweyo jo gi lijegere ma cil gi cil ri ndelo madwoŋ m'ibino thum'iye rijo banja.

Menyirok ri Yohana 8:12

Gikenyo malaika mar'aŋwen okudho gwara pere, to acel wiy adek ma waŋceŋ mukere woko, kodi acel wiy adek ma dwe, kodi acel wiy adek ma micalin; ameno colo obedo iy'acel ma wi adek maliel pajo. Lero oyido ongoye iy'acel ma wi adek mar'odieceŋ kodi acel wiy adek ma wor bende.