Kitawo mar'ario mapa Musa m'ilwoŋo ni Wok 1:17 - KITAWO MALEŊ Catholic

¹⁷ To mon ma jocolo mon oyido jolworo Were, aka jok'otimo paka kere ma Misir omiyo jo or, aka joweyo nyithindho mayac kwo.

KITAWO MALEŊ

¹⁷ To mon ma jocolo mon oyido jolworo Were, aka jok'otimo paka kere ma Misir omiyo jo or, aka joweyo nyithindho mayac kwo.

Kitawo mar'ario mapa Musa m'ilwoŋo ni Wok 1:17 ပူးပေါင်းရင်းမြစ်များ

Cakirok 20:11

Abraham odwoko ni, “Atimo rupiri oyido aparo ni ji ma ka jokilwor Were kada mathin, aka jobino nekan ro dhako paran.

Cakirok 42:18

I ndelo mar'adek Yozefu owaco rijo ni, “An alworo Were, tim win gime aka wilakwo.

2 Samwiri 24:4

To kere miyo Yowab kodi jomituka jolweny pere luwo cik pere. Ameno Yowab gi jomituka jolweny jokidho aka jokwano Joisiraili.

Nehemia 5:15

Jogavana ma jotelo dhumo ran oyido joketho bieto mapek kwoŋ ji, to jomiyo jo culo penzi feza piero aŋwen kisi ndelo ma cemo gi vini pajo. Kiri ŋecin pajo je oyido jodiyo ji. To, akitimo ameno, kwoŋbedo oyido alworo Were.

Zabuli 31:19

Gigipiny maber m'ikano ri jono ma joworin, obedo ma gir'aura! Kisi dhano oŋeyo bero perin, gi nger m'ikwong'iye jono ma joketho geno pajo kwoŋin.

Kitawo mar'ario mapa Musa m'ilwoŋo ni Wok 1:18

Ameno Farawo olwoŋo mon ma jocolo mon aka openjo jo ni, “Raŋo witimo gime, wiweyo nyithindho mayac kwo?”

Agecin 16:6

Iculo reco gi cikirok ma mar gi genirok, aka nyatoro lworo Rwoth ka gwokere kwoŋ gimarac.

Agecin 8:13

Lworo Rwoth obedo kwero gimarac. Noro, gero, tim marac, gi wac twodo adaki.

Jafonji 12:13

Me gike ma wac, kisi gimoro je otiek winjo. Lwor Were, aka ikuri or pere, kole me gima ji je joripo timo.

Jafonji 8:12

Makada nende jareco otim reco dimiya acel to medo kwo. Kucel aŋeyo ni labedo maber gi jono ma jolworo Were, rupiri jocungo gi lworo ruwaŋ go,

Hoseya 5:11

Idiyo Efrayim piny, iŋinyo go i thumo banja, kwoŋbedo go oyido oyeyo timo gipilok.

Mika 6:16

Kole wiluwo cik pa kere Omiri, kodi tic je ma ot pa Ahab wod Omiri, aka wiluwo rieko pajo. Ameno abino reyo win, aka kisi nyatoro bino cayo win, ji kisi kamoro jobino tero win gi cay.

Matayo 10:28

Wikiri wilwor joma neko del to jokinyal neko cuny; to lwor win Ŋati manyalo nyeko woko kwo ma del kodi cuny je i mac makitho.

Luka 12:5

Weyi anyuthi win Ŋata wiripo lworo: Lwor win ŋata k'otieko neko dhano, nigi meni ma bolo i mac makitho; adieri awaco riwin, lwor wi Go.”

Tim pa Jomoor 5:29

Petero gi jomoor man jodwoko ni, “Waripo winjo or pa Were makiweno apa ji.

1 Samwiri 22:17

To Saulo waco ri jolweny pere m'oyido jocungo cegin bonge ni, “Neki win jocway i wi migam pa Rwoth! Joriwere gi Daudi aka jok'owaco ran ni go oringo, kiri munyo oyido joŋeyo con.” To jolweny pere jokwero tiŋo cingi jo malo neko jocway i wi migam pa Rwoth.