Kitawo mar'abic mapa Musa m'ilwoŋo ni Cik 9:5 - KITAWO MALEŊ Catholic

⁵ K'obedo kwoŋbedo witimo gim'otire kosa cuny win cil am'omiyo wikadho donjo lunjo lowo pajo, to ro kidakana pa nonin me, Rwoth Were mewin riemo woko jo ruwaŋ win, ŋey wokethi i kare gim'ociko i kwoŋirok ri kwarere mewin Abraham, Isaka, kodi Yakobo.

KITAWO MALEŊ

⁵ K'obedo kwoŋbedo witimo gim'otire kosa cuny win cil am'omiyo wikadho donjo lunjo lowo pajo, to ro kidakana pa nonin me, Rwoth Were mewin riemo woko jo ruwaŋ win, ŋey wokethi i kare gim'ociko i kwoŋirok ri kwarere mewin Abraham, Isaka, kodi Yakobo.

Kitawo mar'abic mapa Musa m'ilwoŋo ni Cik 9:5 ပူးပေါင်းရင်းမြစ်များ

Cakirok 12:7

Rwoth omenyere ri Abram aka owaco ni, “Ri nyikwayin, Abino miyo lowo me.” Ameno Abram ogeto kenyo ri Rwoth m'omenyere rigo migam.

Cakirok 13:15

Kole lowo m'ineno no je abino miyin gi nyikwayin

Cakirok 15:16

Aka jobino dwoko ka i luse mar'aŋwen; rupiri Joamor fodi jok'otimo kidakana ma joripo limo gir'acula.”

Cakirok 15:7

Kenyo Rwoth owaco rigo ni, “An abedo Rwoth m'otelin wok Ur i Babilon, bino miyin lowo me paka aperin.”

Cakirok 17:8

Abino miyin gi nyikwayin lowo ma kama pama ibed'iye japath. Lowo je ma Kanan bino bedo apa nyikwayin cil gi cil; aka abino bedo Were pajo.”

Cakirok 19:29

To munyo Were reyo woko tindin madongo gi milelo, opoyo Abraham, to wodho woko Loti munyo go oreyo woko tindin m'oyido Loti bed'iye.

Cakirok 26:4

Alamiyin nyikwayin kweth pa micalin ma polo, aka alamiyo nyikwayin lowo me. Nonin je jobino kwayan miyo jo silwany paka amiyo nyikwayin.

Cakirok 28:13

Go oneno Rwoth ocungo i wiye to waco ni, “An Rwoth, Were pa Abraham benin, aka Were pa Isaka; alamiyin gi nyikwayin lowo m'inind'iye me.

Kitawo mar'ario mapa Musa m'ilwoŋo ni Wok 32:13

Poyi ŋecin perin Abraham, Isaka kodi Yakobo, m'ikwoŋere miyo jo nyikway jo kweth paka micalin ma polo kodi miyo nyikway jo lowo m'iciko nike bino bedo lim pajo cil gi cil.”

Ezekiel 20:14

To akitimo, kwoŋbedo oyido lakelo wickwot ri nyingan ruwaŋ nonin, ma joneno munyo awodho jo wok i Misir.

Ezekiel 36:22

Riameno wac ri Joisiraili ni Rwoth Were waco ama: K'obedo ro win, awi Joisiraili, m'omiyo acegin timo gimoro, to kwoŋbedo nyingan maleŋ, ma witieko koco i dier nonin ma wikadh'iye.

Ezekiel 36:32

Ak'otim gime kwoŋbedo win, Rwoth Were waco; ŋey win gino. Wickwot womaki win gi lifol ro tim mewin, awi Joisiraili.

Jolevi 18:24

Wikiri wilokere makoc i gimoro je kwoŋ me, rupiri i tim me je nonin m'acegin riemo woko ruwaŋ win jotieko kocere gine.

Jolevi 18:25

Ameno lowo olokere makoc; t'amiyo go gir'acula ro reco mere, aka piny oŋoko woko ji ma jobed'iye.

Mika 7:20

Ibino nyutho Yakobo adieri, kodi mar makiwire ri Abraham, paka inyutho kwarere mawan wok cango con.

Tim pa Jomoor 3:25

Aka wibedo jolunji gima jotuci wac Were cango joluwo kwoŋe i cikirok ma Were otimo gi kwarere mewin, munyo owaco ri Abraham ni, Abino miyo ji je ma piny silwany wok kwoŋ kodhi perin.

Joroma 11:28

Rupiri jokwero Wac Manyen Maber, Joyuda jolokere jokwor pa Were ma bero mewin, win Jopath. To i yero pa Were, jobedo mere pere ma bero pa kwarere pajo.

Joroma 15:8

Kole awaco riwin ni Kristo olokere jatic pa jom'othumere (Joyuda) ma nyutho nike Were genere, ma miyo cikirok pa Were m'otimo gi kwarere wan wotundi i kare,

Kitawo mar'abic mapa Musa m'ilwoŋo ni Cik 1:8

Neni atieko miyo win lowo ma ruwaŋ win, donji win aka wilunji lowo no, ma an Rwoth, aciko kwarere mewin: Abraham, Isaka, kodi Yakobo, miyo jo kodi nyikway jo.”

Kitawo mar'abic mapa Musa m'ilwoŋo ni Cik 12:31

Wikiripi timo ameno ri Rwoth Were mewin, kwoŋbedo kisi amien je ma Rwoth odak, jotieko timo ri werin pajo. Jowaŋo kiri nyithindho pajo mayac gi manyir i mac ri werin pajo.

Kitawo mar'abic mapa Musa m'ilwoŋo ni Cik 18:12

Rupiri ŋata timo gigipiny me labedo amien ri Rwoth; aka ro tim ma mienirok me, am'omiyo Rwoth Were mewin riemo woko jo ruwaŋ win.

Kitawo mar'abic mapa Musa m'ilwoŋo ni Cik 18:9

Ka witundo i lowo ma Rwoth Were mewin miyo win, wikiri wifonjere luwo tim ma mienirok pa nonin no.

Kitawo mar'abic mapa Musa m'ilwoŋo ni Cik 20:18

ŋey jokiri jowofonji win timo gigipiny mareco ma jotimo ri werin pajo, ameno to witimo reco kwoŋ Rwoth Were mewin.

Tito 3:5

go obotho wan; ki ro tic mabeyo moro m'onwaŋo wawegi watieko timo, to ro wor pere won. Go obotho wan gi lwoki ma Cuny Maleŋ omiyo wan gine nywolirok manyen kodi kwo manyen.