Kitawo mar'abic mapa Musa m'ilwoŋo ni Cik 9:3 - KITAWO MALEŊ Catholic

³ Ŋey win konon me nike Rwoth Were mewin ama ŋado telo yuwiy win paka mac ma reyo woko, go lakikengila jo cowo woko jo ruwaŋ win, ŋey wiriem jo kodi reyo woko jo piyo, paka Rwoth otieko ciko win.

KITAWO MALEŊ

³ Ŋey win konon me nike Rwoth Were mewin ama ŋado telo yuwiy win paka mac ma reyo woko, go lakikengila jo cowo woko jo ruwaŋ win, ŋey wiriem jo kodi reyo woko jo piyo, paka Rwoth otieko ciko win.

Kitawo mar'abic mapa Musa m'ilwoŋo ni Cik 9:3 ပူးပေါင်းရင်းမြစ်များ

Kitawo mar'ario mapa Musa m'ilwoŋo ni Wok 23:23

Malaika paran bino telo win to kelo win i lowo pa Joamor, Johiti, Joperiz, Jokanan, Johivi, kodi Joyebus, aka abino reyo jo.

Kitawo mar'ario mapa Musa m'ilwoŋo ni Wok 24:17

Onyo cal madwoŋ pa Rwoth oyido cale mac maliel wi got i waŋ Joisiraili.

Isaya 27:4

Angoye gi keme, To ka nitie kudhin gi okure, ran lweny gine, alawaŋo woko jo kanyacel.

Isaya 30:27

Neni, Rwoth bino wok bor swa, gi nge pere maliel, kodi tome yiro ma ay malo, dhoke opoŋ lam, aka lewe cal mac ma reyo woko jo.

Isaya 30:30

Rwoth lamiyo dwoŋ ma dwondi go wowinji, aka ilaneno cinge oloro ma goco, i nge mager kodi mac ma reyo woko jo, gi mwoc koth kodi cwe pe.

Isaya 30:33

Kole otiek yiko kama mac m'odheth lawaŋo kere ma Asiria cango con. Kanyago luth aka lac, aka ocan i iye yen. Rwoth laywe tome mac ma lacwinyo.

Isaya 33:14

Joreco i Zayon jobwok, ji ma bu Were jokirin. Jowaco ni, “Ŋa i dier wan manyalo bedo kanyacel gi mac ma reyo jo? Ŋa i dier wan manyalo bedo kanyacel gi mac makitho cil gi cil?”

Mika 2:13

Were bino yawo rijo yo to telo jo wok i piny pa jopath. Jobino turo woko waŋkac ma tindi madwoŋ to jogonyere, aka Kere pajo, Rwoth won bino telo yuwiy jo.

Matayo 15:10

Gikenyo Yesu olwoŋo lwak ji bonge to waco rijo ni, “Ciki win ithi win, aka winiaŋ!

Mariko 7:14

Yesu odoko olwoŋo ji bonge to waco rijo ni, “Ciki win ithi win wijoje aka winiaŋ gim'akidho waco.

Joroma 8:31

Onyo wanyalo waco aŋo kwoŋ gigipiny me? Ka Were nitie yuthenge mawan, ŋata nyalo lwenyo gi wan?

Joefeso 5:17

Wikiri wibedi ma miŋmiŋ, to niaŋ win gima Were mito.

Kitawo mar'abic mapa Musa m'ilwoŋo ni Cik 1:30

Rwoth Were mewin, ma telo yuwiy win, ama lalwenyo riwin, paka otimo riwin i Misir ma wineno gi waŋ win,

Kitawo mar'abic mapa Musa m'ilwoŋo ni Cik 20:1

Ka wikidho lweny gi jokwor mewin, to wineno punde kodi cawilin, jolweny madwoŋ loyo mewin wikiri wibwok ro jo; kole Rwoth Were mewin nitie gi win, go m'owodho win wok i piny Misir.

Kitawo mar'abic mapa Musa m'ilwoŋo ni Cik 20:4

kole obedo Rwoth Were mewin ma kadho gi win, lwenyo riwin gi jokwor mewin, miyo win loyo.”

Kitawo mar'abic mapa Musa m'ilwoŋo ni Cik 4:24

Kole Rwoth Were mewin obedo mac ma reyo woko jo, Were ma janyeko.

Kitawo mar'abic mapa Musa m'ilwoŋo ni Cik 7:16

Wiripo reyo woko nonin je ma Rwoth Were mewin miyo win i cingi win, ongoye nyutho jo wor, kosa lamo werin pajo, kole meno labedo riwin bwo.

Kitawo mar'abic mapa Musa m'ilwoŋo ni Cik 7:22

Rwoth Were mewin lariemo woko nonin no ruwaŋ win, adec adec, wikilareyo woko jo dicel, ka k'obedo ameno ogwaŋe madudi jolamedere riwin.

Kitawo mar'abic mapa Musa m'ilwoŋo ni Cik 9:6

Ŋey win nike Rwoth Were mewin kimiy win lowo maber me lunjo kwoŋbedo winitie gi tiro; kole wibedo ji ma jowictek.

2 Jothesalonika 1:8

gi mac maliel, ma miyo joma kuya Were kodi joma kiwinji Wac Manyen Maber mapa Rwoth Yesu gir'acula.

Joebulaniya 12:29

kole Were mawan obedo mac ma rego woko gigipiny.

Yosuwa 11:12

Aka tindin madongo je apa kerin no, gi kerin pajo je, Yosuwa okwanyo, to rwadho jo piny gi lew abor, oreyo jo kicutho, paka Musa ŋeca pa Rwoth oyido owodho or.

Yosuwa 11:8

To Rwoth miyo jo i cingi Isiraili, m'orwadho jo piny to joriemo jo tundo kiri Sidon Madwoŋ kodi Liel pa pi, kodi yuwok ceŋ tundo kiri i milelo ma Mizipa; to jorwadho jo piny, cuka jok'oweyo ŋata kwo.

Yosuwa 14:12

Onyo riameno miyan piny matendere me ma Rwoth oluwo kwoŋe ndelo no; kole iwinjo i ndelo no paka Joanakim oyido jonitie kenyo, gi tindin madongo m'otinda: Nyalo bedo ni Rwoth labedo kodan, aka alariemo jo woko paka Rwoth owaco.”

Yosuwa 3:11

Neni win, Kakan ma Cikirok pa Rwoth ma piny gipi kidho luwo ruwaŋ win donjo i Yordan.

Yosuwa 3:14

Munyo ji joay i wemin pajo ma kidho ŋado Yordan, jocway ri Were i wi migam ma jotiŋo Kakan ma Cikirok oyido jonitie ruwaŋ ji.

Jothum Banja 4:14

Debora owaco ri Barak ni, “Ay, konon me Rwoth miyo Sisera i cingin. Rwoth adieri telo yuwiyin.” Ameno Barak oloro piny wok wi Got Tabor, gi cwo 10,000 ma joluwo go.