Kitawo mar'abic mapa Musa m'ilwoŋo ni Cik 8:18 - KITAWO MALEŊ Catholic

¹⁸ To poyi win Rwoth Were mewin, kole go ama miyo win meni ma nwaŋo lim, ŋey woridhi cikirok pere m'okwoŋere ri kwarere mewin, paka go timo konon.

KITAWO MALEŊ

¹⁸ To poyi win Rwoth Were mewin, kole go ama miyo win meni ma nwaŋo lim, ŋey woridhi cikirok pere m'okwoŋere ri kwarere mewin, paka go timo konon.

Kitawo mar'abic mapa Musa m'ilwoŋo ni Cik 8:18 ပူးပေါင်းရင်းမြစ်များ

Cakirok 32:14

Diegi ma mon 200 wot diegi piero ario, rombo ma mon 200 gi wot rombo piero ario

1 Kigana kwoŋ Kerin 29:12

Ŋaŋo je kodi lim wok bongin, aka idhumo je. Meni kodi teko nitie i cingin; aka inyalo loko dhano mogo je madwoŋ aka matek.

2 Kigana kwoŋ Kerin 25:9

To Amaziya penjo jatuci wac Were ni, “Wanotim aŋo gi kilo 3,400 ma feza m'awok miyo jolweny ma Isiraili?” To jatuci wac Were dwoko ni, “Rwoth nigi nyalo m'amiyin kweth maloyo me.”

Zabuli 144:1

Rwoth wopak, tele paran, ma fonjo cingan ri lweny, gi lwet cingan lwenyo.

Zabuli 44:3

Kole k'obedo g'abor pajo wegi ma jomako gine piny no, kosa meni pajo ama k'omiyo jo loyo. To gi cingin maracuc, gi meni perin, gi lero ma bedo perin gi jo kwoŋbedo oyido isangala gi jo.

Agecin 10:22

Silwany pa Rwoth ama miyo ŋaŋo, aka go kimed'iye kumo.

Jafonji 12:1

Poyi Jacwec perin i hongo ma soye perin, ka hongo ma teko fodi k'obino, kosa oro m'ilawac'iye ni, “Akiwinji cwe i jo.”

Jafonji 9:11

Awire t'aneno i pendi waŋceŋ ni, ŋwec kibedi ri joma dwir, kosa lweny kibedi ri jomatek, kosa cemo k'ibedi ri jomariek, kosa ŋaŋo ri joma niaŋ, kosa wor ri jondijo; to hongo gi silwany bedo ri joje.

Yeremia 23:27

Jotimo can ma miyo wiy ji paran wil kodan gi lek pajo ma jokowo ri wadi gin, paka wiy kwarere pajo owil kodan kwoŋbedo Bal.

Hoseya 2:8

Go k'oŋeyo ni oyido obedo An ma miyo go kodhi cemo, vini, kodi mo, kodi ŋat'oywoyo kwoŋe feza kweth, kodi zahabu ma jooro ri Bal.

Kitawo mar'abic mapa Musa m'ilwoŋo ni Cik 26:10

Onyo neni pama akelo olemo marapena ma lowo ma in, Awi Rwoth Were paran, imiyan.” Ilaketho piny ruwaŋ Rwoth Were perin, t'ikule piny ruwaŋ Rwoth Were perin.

Kitawo mar'abic mapa Musa m'ilwoŋo ni Cik 6:11

udi m'opoŋ gi nger gigipiny kweth ma wikipoŋo, kacoko pi ma wikikunyo, ndelin vini kodi oliv ma wikipidho, ka witieko camo ma romo,

Kitawo mar'abic mapa Musa m'ilwoŋo ni Cik 7:12

Ka wiwinjo or me, gi kuro gi kinen, Rwoth Were mewin lakuro gi win cikirok i tirok ma go okwoŋere ri kwarere mewin.

Kitawo mar'abic mapa Musa m'ilwoŋo ni Cik 7:8

Obedo kwoŋbedo Rwoth omaro win aka okuro cikirok m'otimo ri kwarere mewin, am'omiyo Rwoth owodho win gi cinge ma meni, aka obotho win wok i ot ma twec, wok i cingi Farawo kere ma Misir.

Kitawo mar'abic mapa Musa m'ilwoŋo ni Cik 8:1

Or me je m'amiyo win konon wiripo kuro gi kinen, ŋey winyal kwo aka wimedi nyay, to wikadho donjo to wibedo i lowo ma Rwoth ociko i kwoŋirok ri kwarere mewin.

Jothum Banja 3:7

Joisiraili jotimo reco ruwaŋ Rwoth, wiy jo owil gi Rwoth Were pajo, to jotiyo ri werin bal kodi Asera.

Jothum Banja 7:2

Rwoth owaco ri Gideon ni, “Ji ma jonitie kodin jothoth swa ran miyo Jomidian i cingi jo. Joisiraili jonyalo pakirok ka jowaco nike cingi jo am'obotho jo.

1 Samwiri 2:7

Rwoth ama loko jomegi jocandi, aka jomegi joŋaŋo; go dwoko piny jomegi aka tiŋo malo jomegi.