Kitawo mar'abic mapa Musa m'ilwoŋo ni Cik 7:24 - KITAWO MALEŊ Catholic

²⁴ Go lamiyo kerin pajo i cingi win aka wilareyo woko nyingi jo i pendi polo, ongoye ŋata lanyalo ciro win, cuka winotiek reyo woko jo.

KITAWO MALEŊ

²⁴ Go lamiyo kerin pajo i cingi win aka wilareyo woko nyingi jo i pendi polo, ongoye ŋata lanyalo ciro win, cuka winotiek reyo woko jo.

Kitawo mar'abic mapa Musa m'ilwoŋo ni Cik 7:24 ပူးပေါင်းရင်းမြစ်များ

Zabuli 9:5

Ithumo banja ri piny je, aka ireyo jokidakana, ireyo woko nyingi jo kicutho.

Kitawo mar'ario mapa Musa m'ilwoŋo ni Wok 17:14

Kenyo Rwoth owaco ri Musa ni, “Waci ri Yosuwa wondiki gime i kitawo ŋey wopoy. Waci ri Yosuwa nike abino reyo Joamalek kicutho.”

Agecin 10:7

Poyo jom'otire obedo silwany, to nyingi jokidakana kipoy.

Isaya 54:17

Ongoye gilweny m'ilathedho ma lweny kodin ma lakiyindira, aka ilawiro woko lew je m'oay kwoŋin i thumo banja. Me alunja pa ŋecin pa Rwoth, gi gwok pajo wok bongan.” Rwoth waco.

Yeremia 10:11

Wibino waco rijo ama: Werin ma jok'ocweyo polo gi piny jolakisika wok i piny kodi wok i pendi polo.

Zefania 1:4

Alarieyo cingan kwoŋ Yuda, kodi kwoŋ jono ma jobedo i Yerusalem, aka alareyo woko wok i kabedo me kisi Bal m'odoŋ je, jocway ri were i wi migam makicar, kodi jocway ri Were i wigam ma jowire lamo cal.

Joroma 8:37

I gigipiny me je, watieko loyo lweny i go m'omaro wan!

1 Jokorintho 15:57

To Were wofoy ma miyo wan loyo lweny i Yesu Kristo Rwodhiwan!

Kitawo mar'abic mapa Musa m'ilwoŋo ni Cik 11:25

Ongoye ŋata lanyalo ciro win, Rwoth Were mewin lakelo lworo kodi bwok ro win i lowo je ma winonyon, paka go ociko win.

Kitawo mar'abic mapa Musa m'ilwoŋo ni Cik 25:19

Riameno ka Rwoth Were mewin otieko miyo win ywomirok kwoŋ jokwor mewin je i thenge je, i lowo ma Rwoth Were mewin miyo win paka gir'alunja, wiripo reyo woko Joamalek wok i pendi polo, wicwil okir womaki win.

Kitawo mar'abic mapa Musa m'ilwoŋo ni Cik 29:20

Rwoth kilayeyo cwako ri nger ŋato, kole nge pa Rwoth kodi nyeko pere laliel kwoŋe. Lam je m'ondiki i kitawo me laluwo go, aka Rwoth lareyo woko nyingi go wok i pendi polo.

Kitawo mar'abic mapa Musa m'ilwoŋo ni Cik 9:14

Weyere kodan ŋey arey woko jo aka arey woko nyingi jo wok i pendi polo; aka alalokin nono matek aka mathoth loyo jo.”

Kitawo mar'abic mapa Musa m'ilwoŋo ni Cik 9:3

Ŋey win konon me nike Rwoth Were mewin ama ŋado telo yuwiy win paka mac ma reyo woko, go lakikengila jo cowo woko jo ruwaŋ win, ŋey wiriem jo kodi reyo woko jo piyo, paka Rwoth otieko ciko win.

Yosuwa 1:5

Ongoye dhano ma lakikengila in hongo je ma kwo perin. Paka oyido anitie gi Musa apaka bende alabedo kodin; ak'oredhin kosa ak'ojwangin.

Yosuwa 10:23

To jotimo ameno, jowodho woko to jotero kerin abic no bongi Yosuwa wok i ŋungu, kere ma Yerusalem, kere ma Hebron, kere ma Yarmuth, kere ma Lakis kodi kere ma Egilon.

Yosuwa 10:40

Ameno Yosuwa okengila piny je, piny matendere kodi yupiny kodi piny m'opiele gi ma kamaloro, gi kerin pajo je; m'ongoye m'oweyo, to reyo woko gimoro je ma ywe, paka Rwoth Were pa Isiraili owodho or.

Yosuwa 10:42

Yosuwa to kwanyo kerin me je gi lowo pajo i hongo moro, rupiri Rwoth Were pa Isiraili olwenyo rijo.

Yosuwa 10:8

To Rwoth waco ri Yosuwa ni, “Ikir'ilwor jo, rupiri atieko ketho jo i cingin; ongoye kada ŋat'acel ma lacungo i waŋin.”

Yosuwa 11:17

wok i Got Halak, ma idho yu Edom, tundo kiri i Balgad milelo ma Lebanon i tiendi Got Hamon. To mako kerin pajo je, orwadho jo piny, to neko jo.

Yosuwa 12:24

kere ma Tiriza, acel: Je oyido nitie kerin piero adek g'acel.

Yosuwa 21:44

To Rwoth miyo jo ywomirok i kisi thenge paka go oyido otieko kwoŋere ri kwarere pajo; ongoye kad'acel kwoŋ jokwor pajo m'onyalo cungo kwoŋ jo rupiri Rwoth oyido otieko miyo jokwor pajo je i cingi jo.

Yosuwa 23:3

aka witieko neno gimoro je ma Rwoth Were mewin otieko timo ri nonin me je kwoŋbedo win, kole obedo Rwoth Were mewin m'otieko lweny riwin.

Yosuwa 23:9

Kole Rwoth otieko gweyo woko ruwaŋ win nonin madongo kodi matek; paka riwin, ongoye dhano m'onyalo ciro cungo i nyim win tundo konon.

Yosuwa 6:2

To Rwoth waco ri Yosuwa ni, “Neni, atieko ketho Yeriko i cingin, gi kere kodi cwo mere matek ma jomeni.