Kitawo mar'abic mapa Musa m'ilwoŋo ni Cik 5:10 - KITAWO MALEŊ Catholic

¹⁰ To anyutho mar makiwire ri luse ganin pa jono ma jomaran aka jokuro or paran.

KITAWO MALEŊ

¹⁰ To anyutho mar makiwire ri luse ganin pa jono ma jomaran aka jokuro or paran.

Kitawo mar'abic mapa Musa m'ilwoŋo ni Cik 5:10 ပူးပေါင်းရင်းမြစ်များ

Zabuli 103:17

To mar pa Rwoth makiwire bedo cil gi cil, kwoŋ jono ma jolworo go, aka bero pere bedo i luse je,

Kitawo mar'ario mapa Musa m'ilwoŋo ni Wok 20:5

Wikiri wikule piny rijo, kosa wilam jo, kwoŋbedo An, Rwoth Were mewin, ajanyeko. Akelo gir'acula kwoŋ jono ma jodakan kodi kwoŋ nyikway jo, kiri i luse pajo mar'adek gi mar'aŋwen.

Kitawo mar'ario mapa Musa m'ilwoŋo ni Wok 34:7

Akuro cikirok paran ri luse ganin t'acwako raco gi reco, t'akibino weyo m'akimiyo gir'acula nyithindho gi nyikwaye tundo i luse mar'adek gi mar'aŋwen ro reco pa jonywol pajo.”

Yeremia 32:18

Inyutho luse ganin mar perin makiwire, t'imiyo gir'acula ri nyithindho ro reco pa jonywol pajo. Awi Were Madwoŋ, aka Jameni, nyingin obedo Rwoth pa lwak jolweny.

Kwan 14:18

“Rwoth kimaki nge piyo, aka opoŋ gi mar makiwire, cwako reco kodi kibenga, aka i nger moro je cwako reco, aka go k'owey ma k'omiyo nyithindho gi nyikway jo, gir'acula kiri i luse mar'adek kodi mar'aŋwen ri reco pa jonywol pajo.”

Yohana 14:15

“Ka wimaran, wibino mako or paran.

Yohana 15:14

Wibedo merin paran, ka witimo gim'aoro win.

Joroma 8:28

Kole waŋeyo ni gimoro je timere kanyacel ma bero ri joma jomaro Were, jono ma go olwoŋo r'atoŋa pere won.

Jogalasia 5:6

Kole i Kristo Yesu, thumirok kosa weyo ma k'othumere kikel pokirok moro; gimadwoŋ obedo yeyo ayino ma nyuthere i mar.

Kitawo mar'abic mapa Musa m'ilwoŋo ni Cik 4:40

Kur win cik kodi or pere, m'amiyo win or kwoŋe konon me, ri bero mewin kodi nyikway win; ŋey winyal bedo ma hongo mabor i lowo ma Rwoth Were mewin miyo win ma cil gi cil.

Kitawo mar'abic mapa Musa m'ilwoŋo ni Cik 7:12

Ka wiwinjo or me, gi kuro gi kinen, Rwoth Were mewin lakuro gi win cikirok i tirok ma go okwoŋere ri kwarere mewin.

Kitawo mar'abic mapa Musa m'ilwoŋo ni Cik 7:9

Ŋey win riameno nike Rwoth Were mewin obedo Were, Were ma timo adieri ma kuro cikirok kiri i luse ganin pa jono ma jomaro go aka jokuro or pere,

Yakobo 1:25

To ŋata kaŋasa cik m'otire ma ketho ji i siem, aka medo ketho paro pere kwoŋe, ma kiciki ithe kende to wiye wil, to go ketho wac i tim, ŋato Were bino miyo silwany i gima go timo.

Yosuwa 22:5

Gwokere win maber kuro or kodi cik ma Musa ŋeca pa Rwoth ooro, ma mito Rwoth Were mewin, ma timo gima go yenyo, ma kuro or pere, ma geno go, gi tiyo rigo g'adundin mewin je kodi cuny win je.”

1 Yohana 1:7

To ka kwo mawan nitie i lero paka go won nitie i lero, meno wanitie i riwirok gi jowoti wan, aka remo pa Yesu, Wod Were, loko wan m'olony kwoŋ reco je.