Kitawo mar'abic mapa Musa m'ilwoŋo ni Cik 4:6 - KITAWO MALEŊ Catholic

⁶ Wiripo kuro kodi timo, kole obedo rieko mewin kodi niaŋ mewin ruwaŋ nonin ma jowinji kwoŋe, aka jolawaco ni, “Adieri nono madwoŋ me obedo ji ma joriek aka joniaŋ.”

KITAWO MALEŊ

⁶ Wiripo kuro kodi timo, kole obedo rieko mewin kodi niaŋ mewin ruwaŋ nonin ma jowinji kwoŋe, aka jolawaco ni, “Adieri nono madwoŋ me obedo ji ma joriek aka joniaŋ.”

Kitawo mar'abic mapa Musa m'ilwoŋo ni Cik 4:6 ပူးပေါင်းရင်းမြစ်များ

1 Kerin 4:34

Kerin ma piny gibe jowinjo kwoŋ rieko pere aka jooro ji winjo go.

Yobu 28:28

Were owaco ri dhano ni, “Adieri, lworo Were, meno obedo rieko, aka weyo raco obedo niaŋ.”

Zabuli 111:10

Lworo Rwoth obedo cakirok ma rieko; jono ma joluwo Or pere jonigi niaŋ maber. Wopak go cil gi cil.

Zabuli 19:7

Cik pa Rwoth ongoy'iye komo, miyo meni manyen. Gima Rwoth waco genere, miyo rieko ri ji ma jongoye gine.

Zabuli 19:8

Cik pa Rwoth otire, aka ji ma jokuro josangala. Or pa Rwoth cil miyo niaŋ ri nyaŋith.

Agecin 1:4

Jonyalo miyo ŋata nitie gi ŋeyo bedo mariek, to jofonjo soye bedo jondijo.

Agecin 1:5

Weyi jomariek bende jowowinji to jolimo cwe i fonjirok, aka joma yero bero jowolimi ndijo,

Agecin 1:7

Lworo Rwoth obedo cakirok ma ŋeyo; to jomamiŋ jocayo rieko gi fonji.

Agecin 14:34

Tiro miyo nono dongo, to reco obedo wickwot ri ji.

Agecin 14:8

Ŋatariek timo gima go oŋeyo, to miŋo pa jamiŋo wondo go.

Isaya 42:21

Rwoth osangala ro timo gim'otire, ma tiŋo malo cik pere gi miyo dwoŋ.

Yeremia 8:9

Ilakwoto wiy jomariek, jolamienere t'imako jo; paka onyo jotieko kwero wac pa Rwoth, rieko aŋo manitie i jo?

Ezekiel 5:5

Rwoth Were waco ama: Me Yerusalem, atieko ketho go i dier nonin, gi lowo je thoko go.

Hoseya 8:12

Bedi andiki rigo cik paran kweth, d'oter jo paka gimanyen.

Malaki 3:12

Kenyo ji ma piny je jobino lwoŋo win ni wijosilwany, rupiri piny mewin bino bedo maber kwo i iye.

Kitawo mar'abic mapa Musa m'ilwoŋo ni Cik 29:9

Riameno kur win wac je ma cikirok me, aka witim gi kinen, ŋey winwaŋ bero i gima witimo.”

Kitawo mar'abic mapa Musa m'ilwoŋo ni Cik 32:46

Musa owaco rijo ni, “Kethi win cuny win i wac je m'afonjo win konon me, ma wilamiyo nyithindho mewin or kwoŋe kuro kodi timo, wac je ma cik me.

Kitawo mar'abic mapa Musa m'ilwoŋo ni Cik 32:47

Kole wac me k'obedo manono riwin, t'obedo wac ma kwo, aka luw'iye winyal kiyindira i lowo ma wicegin kalo Yordan bed'iye.”

2 Timothe 3:15

gi paka wok i thino oyido iŋeyo Ndiko Maleŋ, manyalo miyin rieko ma limo both kwoŋ yeyo Yesu Kristo.

Yakobo 3:13

Ŋa kwoŋ win kenyo mariek kendo ma niaŋ? Ere wonyuthi rieko no gi kwo pere m'otire, gi tim pere ma nyutho bwonirok kodi rieko.