Kitawo mar'abic mapa Musa m'ilwoŋo ni Cik 4:40 - KITAWO MALEŊ Catholic

⁴⁰ Kur win cik kodi or pere, m'amiyo win or kwoŋe konon me, ri bero mewin kodi nyikway win; ŋey winyal bedo ma hongo mabor i lowo ma Rwoth Were mewin miyo win ma cil gi cil.

KITAWO MALEŊ

⁴⁰ Kur win cik kodi or pere, m'amiyo win or kwoŋe konon me, ri bero mewin kodi nyikway win; ŋey winyal bedo ma hongo mabor i lowo ma Rwoth Were mewin miyo win ma cil gi cil.

Kitawo mar'abic mapa Musa m'ilwoŋo ni Cik 4:40 ပူးပေါင်းရင်းမြစ်များ

Zabuli 105:45

ŋey jowoluwi cik pere, aka jowokuri or pere je. Rwoth wopak!

Kitawo mar'ario mapa Musa m'ilwoŋo ni Wok 20:12

“Wor benin gi yokin, ŋey winyal kiyindira ma hongo malac i lowo ma Rwoth Were mewin miyo win.”

Kitawo mar'ario mapa Musa m'ilwoŋo ni Wok 23:26

I lowo mewin ongoye dhako ma iye bino podho woko, kosa ma bino bedo kinywol. Abino miyo win kwo mabor.

Jafonji 8:12

Makada nende jareco otim reco dimiya acel to medo kwo. Kucel aŋeyo ni labedo maber gi jono ma jolworo Were, rupiri jocungo gi lworo ruwaŋ go,

Isaya 65:20

Ongoye nyathi ma latho ma fodi ŋic, kisi dhano lakwo kiri i tiyo. Ŋat'otho munyo jaoro miya acel ilawaco ni oyido fodi soye, aka ŋat'otho mafodi k'otundo oro miya acel ilawaco ni olam go.

Yeremia 11:4

Amiyo kwarere mewin or munyo owodho jo wok i piny Misir, wok i mac m'odheth, k'awaco ni, “Winji win dwondan, aka witim kisi gimoro je m'aoro win. Ameno nyaka to wibedo ji paran t'abedo Were mewin.

Yeremia 35:18

To ri ot pa Rekab Yeremia owaco ama: Rwoth pa lwak jolweny, Were pa Isiraili waco ma: Kwoŋbedo witieko winjo or pa kwari win Yonadab, aka wikuro cik pere, to witimo or ma go owodho riwin je,

Yeremia 7:23

To me a or m'amiyo jo, Winji win dwondan, aka nyaka alabedo Were mewin, aka wilabedo ji paran; jowotimi gim'ayenyo ma oro jo, ŋey gigipiny wobedi maber rijo.

Yeremia 7:7

nyaka alabedo gi win i kabedo me, i piny m'amiyo cango con ri kwarere mewin cil gi cil.

Jolevi 22:31

“Wiripo kuro or paran to witimo jo. An abedo Rwoth.

Kwan 10:29

Musa owaco ri Hobab wod pa Reuel Jamidian, ba cipa Musa ni, “Wakidho i kabedo ma Rwoth owaco ni, ‘Alamiyo win.’ Biye gi wan, aka walakurin maber, kole Rwoth otieko ciko bero ri Isiraili.”

Yohana 14:15

“Ka wimaran, wibino mako or paran.

Joefeso 6:3

Aka nyaka gimoro je bino bedo rin maber, t'iyindira i piny.

Kitawo mar'abic mapa Musa m'ilwoŋo ni Cik 11:9

Aka ŋey winyal bedo gi kwo mabor i lowo ma Rwoth okwoŋere ri kwarere mewin miyo jo kodi nyikway jo, lowo ma mol gi cak kodi mo kic.

Kitawo mar'abic mapa Musa m'ilwoŋo ni Cik 12:25

Wikiri wicam, ŋey winwaŋ bero kodi nyithindho mewin ma joluw win, kwoŋbedo witimo gim'otire ruwaŋ Rwoth.

Kitawo mar'abic mapa Musa m'ilwoŋo ni Cik 12:28

Kure win winjo wac me je, m'amiyo win or kwoŋe konon, ŋey winwaŋ bero kodi nyithindho mewin ma joluw win cil gi cil, kwoŋbedo wilatimo gim'otire ruwaŋ Rwoth Were mewin.

Kitawo mar'abic mapa Musa m'ilwoŋo ni Cik 22:7

Adieri iripo weyo min wokadhi, t'ikwanyo nyithindhe mere, ŋey inwaŋ bero aka ibedi gi kwo mabor.

Kitawo mar'abic mapa Musa m'ilwoŋo ni Cik 25:15

Iripo bedo gi latir kodi rapim m'otire, ŋey ndelo perin wobedi mabor i lowo ma Rwoth Were mewin miyo win.

Kitawo mar'abic mapa Musa m'ilwoŋo ni Cik 32:47

Kole wac me k'obedo manono riwin, t'obedo wac ma kwo, aka luw'iye winyal kiyindira i lowo ma wicegin kalo Yordan bed'iye.”

Kitawo mar'abic mapa Musa m'ilwoŋo ni Cik 33:25

Petin perin labedo nyweny kodi ywel, aka paka ndelo perin bedo, apaka meni perin bende.

Kitawo mar'abic mapa Musa m'ilwoŋo ni Cik 4:1

Onyo win, Isiraili, winji win, fonji kodi cik m'afonjo win me, kethi win i tim, ŋey winyal kwo, to widonjo lunjo lowo ma Rwoth Were pa kwarere mewin miyo win.

Kitawo mar'abic mapa Musa m'ilwoŋo ni Cik 4:2

Wikiripi medo kosa kwanyo woko wac kwoŋ or m'amiyo win, to kur win or pa Rwoth Were mewin m'amiyo win.

Kitawo mar'abic mapa Musa m'ilwoŋo ni Cik 4:5

Neni, atieko fonjo win or kodi cik paka Rwoth Were paran omiyan or; ŋey winyal kuro i lowo ma wicegin donjo bed'iye.

Kitawo mar'abic mapa Musa m'ilwoŋo ni Cik 4:6

Wiripo kuro kodi timo, kole obedo rieko mewin kodi niaŋ mewin ruwaŋ nonin ma jowinji kwoŋe, aka jolawaco ni, “Adieri nono madwoŋ me obedo ji ma joriek aka joniaŋ.”

Kitawo mar'abic mapa Musa m'ilwoŋo ni Cik 5:10

To anyutho mar makiwire ri luse ganin pa jono ma jomaran aka jokuro or paran.

Kitawo mar'abic mapa Musa m'ilwoŋo ni Cik 5:16

Lwor benin gi yokin, paka Rwoth Were mewin omiyo win or, ŋey wikwo ma hongo malac aka winwaŋ bero i lowo ma Rwoth Were mewin miyo win.

Kitawo mar'abic mapa Musa m'ilwoŋo ni Cik 5:29

Kabedi oyido jonitie gi paro paka me, lworan kodi kuro or paran noknok, ŋey jowonwaŋ bero kodi nyikway jo cil gi cil,

Kitawo mar'abic mapa Musa m'ilwoŋo ni Cik 5:33

Wiripo luwo royo ma Rwoth Were mewin omiyo win or luwo, ŋey winyal kwo, winwaŋ bero, aka ŋey winyal bedo gi kwo mabor i lowo ma wikadho lunjo.”

Kitawo mar'abic mapa Musa m'ilwoŋo ni Cik 6:18

Tim win gim'otire kodi gimaber ruwaŋ Rwoth, ŋey winwaŋ bero, aka ŋey widonji wilunji lowo maber ma Rwoth ociko kwarere mewin miyo win,

Kitawo mar'abic mapa Musa m'ilwoŋo ni Cik 6:3

Winji Awi Isiraili, aka kur win gi kinen, ŋey winwaŋ bero, aka ŋey wimedi nyay swa i lowo ma mol gi cak kodi mo kic, paka Rwoth, Were pa kwarere mewin ociko win.

1 Timothe 4:8

Kada fonjo del wobedi m'ocwiny nitie gi kony moro, to bedo gi kwo ma sangala Were ama nitie gi kony i royo je, rupiri nitie i iye cikirok ma kwo ma pama kodi ma bino.