Kitawo mar'abic mapa Musa m'ilwoŋo ni Cik 4:29 - KITAWO MALEŊ Catholic

²⁹ Gi koro wilarango Rwoth Were mewin, aka wilanwaŋo go ka winorangi go gi cuny win je kodi adundo mewin je.

KITAWO MALEŊ

²⁹ Gi koro wilarango Rwoth Were mewin, aka wilanwaŋo go ka winorangi go gi cuny win je kodi adundo mewin je.

Kitawo mar'abic mapa Musa m'ilwoŋo ni Cik 4:29 ပူးပေါင်းရင်းမြစ်များ

2 Kerin 10:31

To Yehu k'oluwo cik pa Rwoth, Were pa Isiraili gi cunye je, kwanyo woko oluwo kite pa Yerobowam, m'omiyo Isiraili timo reco.

2 Kerin 23:3

Kere ocungo cegin gi siro acel aka otimo cikirok gi Rwoth winjo go, kuro cik kodi Or pere gi cunye je kodi adundo pere je kodi ketho i tim gima cikirok mito paka ondiki i kitawo. Aka ji je bende jociko kuro cikirok.

2 Kigana kwoŋ Kerin 15:12

Jotimo cikirok to joyere lamo Rwoth, Were pa kwarere pajo, g'adundo pajo je gi cuny jo je,

2 Kigana kwoŋ Kerin 15:15

Ji ma Yuda je josangala gi cikirok me, kole oyido jotimo gi cuny jo je, aka jofore i lamo Rwoth, aka Rwoth ojolo jo to kelo siem i thenge gi thenge.

2 Kigana kwoŋ Kerin 15:2

aka okadho romo gi Asa to waco rigo ni, “Winjan, Asa, kodi ji je ma Yuda kodi Benyamin: Rwoth nitie gi win tekin winitie gi go. Ka wirango go, wilanwaŋo, to ka ijwango go, go lajwango win.

2 Kigana kwoŋ Kerin 15:4

to i kidamba pajo, jowire bongi Rwoth, Were pa Isiraili. Jodwaro go to jonwaŋo go.

2 Kigana kwoŋ Kerin 31:21

Aka kisi tic m'otimo ri Ot pa Were kendo i kuro cik gi or, ma rango Were pere, otimo gi cunye je aka obedo maber.

Nehemia 1:9

To ka winowire bongan timo paka or paran waco, aladwoko win i kabedo m'ayero ni wolaman'iye, makada nende obedi ni wikedhere kiri i gike piny.’ ”

Nehemia 9:27

Ameno imiyo jo i cingi jokwor pajo, ma jomiyo jo candirok. Joywak rin i candirok pajo, aka iwinjo jo gi polo. Aka kwoŋbedo inyutho wor madwoŋ, idhiro rijo joboth, botho jo wok i cingi jokwor pajo.

Zabuli 119:10

Arangin gi cunyan je, ikir'iweyan acer i kuro or perin.

Zabuli 119:145

Aywak gi cunyan je, dwokan, Awi Rwoth. Alakuro or perin.

Zabuli 119:2

Josilwany a jono ma joluwo or pere, ma jorango go gi cuny gin je.

Zabuli 119:58

Akwayin gi cunyan je, maki kodan wor, paka iciko.

Yeremia 3:10

Aka munyo gigipiny me je otieko rumo, Yuda, nyamin Isiraili ma jabanirok, nyaka to rendere ni gik bongan; oyido kitim gir'adieri.” Rwoth waco.

Yeremia 51:50

Rwoth waco ri ji pere i Babilon ni: “Witieko kwale kwoŋ tho! Pama kadhi win! Wikiri wikuri! Kada wibor gi peco, par win kwoŋan, an Rwoth mewin, aka wipoy Yerusalem.

Ezekiel 6:9

Jono ma joboth jolapoyan i dier nonin kam'ilater'iye jo i twec koro, kwoŋbedo aol gi cuny jo matek m'ocile kwoŋan, kodi waŋ jo ma luwo calin pajo. Jolajok wegi gi wegi ro reco ma jotimo, iy'amien pajo je.

Yowel 2:12

Kucel kiri pama, Rwoth waco, dwoki win bongan gi cuny win je, gi riyo kec, gi biyo pigi waŋ win, gi ywak.

Amos 5:4

Me apaka Rwoth waco ri Joisiraili: Rangan win ŋey wibedi gi kwo.

Kitawo mar'abic mapa Musa m'ilwoŋo ni Cik 10:12

Onyo pama, Awi Isiraili, aŋo ma Rwoth Were mewin rango kwoŋ win? Nyaka lworo Rwoth Were perin, wotho i yo pere je, maro go, tiyo ri Rwoth Were perin gi cunyin je kodi adundo perin je,

Kitawo mar'abic mapa Musa m'ilwoŋo ni Cik 11:13

Ka winowinji kisi or pa Rwoth, m'amiyo win konon, maro Rwoth Were mewin, tiyo rigo gi cuny win je kodi adundo mewin je,

Kitawo mar'abic mapa Musa m'ilwoŋo ni Cik 26:16

Konon me Rwoth Were mewin miyo win or kuro fonji me kodi cik me; timo gi kinen gi cuny win je kodi adundo mewin je.

Kitawo mar'abic mapa Musa m'ilwoŋo ni Cik 30:10

Ka winowinji dwondi Rwoth Were mewin, kuro or pere kodi fonji pere m'ondiki i kitawo ma cik me, ka winowire bongi Rwoth Were mewin gi cuny win je kodi kwo mewin je.

Kitawo mar'abic mapa Musa m'ilwoŋo ni Cik 6:5

Iripo maro Rwoth Were perin g'adundo perin je, gi cunyin je, gi meni perin je.

Yosuwa 22:5

Gwokere win maber kuro or kodi cik ma Musa ŋeca pa Rwoth ooro, ma mito Rwoth Were mewin, ma timo gima go yenyo, ma kuro or pere, ma geno go, gi tiyo rigo g'adundin mewin je kodi cuny win je.”

1 Samwiri 7:3

Ameno Samwiri owaco ri Joisiraili je ni, “Ka wigik bongi Rwoth g'adundo mewin je, wiripo ketho gicen werin pa jopath kodi cal pa Asitate were mewin madhako. Miyere win kicutho ri Rwoth aka wilam go kende, aka go labotho win kwoŋ meni pa Jofilistia.”