Kitawo mar'abic mapa Musa m'ilwoŋo ni Cik 30:3 - KITAWO MALEŊ Catholic

³ Aka Rwoth Were mewin ladwoko win wok i twec mewin, to mako gi win wor, aka go lawire to coko win wok i dier nonin kama Rwoth Were mewin okedh'iye win koro.

KITAWO MALEŊ

³ Aka Rwoth Were mewin ladwoko win wok i twec mewin, to mako gi win wor, aka go lawire to coko win wok i dier nonin kama Rwoth Were mewin okedh'iye win koro.

Kitawo mar'abic mapa Musa m'ilwoŋo ni Cik 30:3 ပူးပေါင်းရင်းမြစ်များ

Cakirok 28:15

Neni, anitie kodin, aka abino kurin kisi kam'inokidh'iye, t'adwokin i lowo me; rupiri akibino weyin cuka anotiek timo gim'atieko waco rin.”

Cakirok 48:21

Kenyo Yakobo owaco ri Yozefu ni, “Neni, acegin tho, to Were bino bedo kodin, aka bino dwokin i lowo pa bacere perin.

1 Kigana kwoŋ Kerin 16:35

Waci rigo ni, “Both wan, awi Were jaboth mawan, aka dwoki wan wok i dier nonin ŋey wafoyin aka wapaki nyingin maleŋ.”

Nehemia 1:9

To ka winowire bongan timo paka or paran waco, aladwoko win i kabedo m'ayero ni wolaman'iye, makada nende obedi ni wikedhere kiri i gike piny.’ ”

Yobu 42:10

Rumacen Rwoth odwoko lim pa Yobu munyo go otieko kwayo ri merin pere. Rwoth omiyo go gigipiny mirundi ario loyo m'oyido go nitie gine con.

Zabuli 107:3

aka ocoko wok i piny pa jopath, wok yuwok ceŋ gi yupodho ceŋ, wok yumalo gi yupiny.

Zabuli 147:2

Rwoth geto Yerusalem, go coko ji ma jonitie woko ma piny Isiraili.

Isaya 27:12

I ndelo no, Rwoth layeko win wok i Yufrete tundo i kew ma Misir, aka ilacoko win kanyacel acel acele, awi Joisiraili.

Isaya 43:5

Ikir'ilwor, kole anikodin, alakelo nyithindhin wok yuwok ceŋ, t'acoko win wok yupodho ceŋ.

Isaya 54:7

I hongo macek ajwangin, to, gi wor madwoŋ alacokin.

Isaya 56:8

Me apaka Rwoth Were waco ama: Go ma coko kanyacel Joisiraili ma jonitie woko. Alamedo coko joman rijo, medo kwoŋ jono m'atieko coko.

Yeremia 12:14

Me apaka Rwoth waco mako kwoŋ joger pa Joisiraili ma jogeyo gir'alunja ma go otieko miyo ji pere Isiraili lunjo: Acegin muko jo woko wok i lowo pajo, aka alamuko woko Joyuda wok i dier jo.

Yeremia 23:3

Kenyo an won gipi alacoko rombo paran m'odoŋ wok i piny m'atieko kedh'iye jo, t'adwoko jo i sidwol pajo, jolanywol to jonyay.

Yeremia 29:14

wilanwaŋan, Rwoth waco. Aladwoko silwany mewin t'acoko win wok i nonin je kodi kabedo je m'akedh'iye win, Rwoth waco. Aladwoko win i kabedo m'akwany'iye win t'atero win wiloka.”

Yeremia 31:10

Winji win wac pa Rwoth, awi nonin, aka tuci win bor i kigodin. Waci win ni, “Ŋat'okedho Isiraili lacoko go, aka lakuro go paka jakwath rombo kuro mwendi.”

Ywakirok 3:22

Mar pa Rwoth makiwire kirum, aka wor pere kitundi i gike.

Ywakirok 3:32

Makada nende go kelo rem, go labedo gi wor, cungo kwoŋ mar pere makiwire m'oasere.

Ezekiel 11:17

“Riameno wac ni, Rwoth Were waco ama: Alakiwada win wok i nonin, t'acoko win wok i piny kweth kama wikedher'iye, aka alamiyo win lowo pa Isiraili.

Ezekiel 36:24

Alakwanyo win wok i nonin, t'acoko win wok i piny je, t'adwoko win i piny mewin won.

Ezekiel 39:28

Nyaka jobino ŋeyo ni An Abedo Rwoth Were pajo rupiri adhiro jo i katwec i dier nonin, nyaka t'acoko jo i piny pajo won. Ongoye kwoŋ jo ŋat'alaweyo cen.

Mika 7:19

Go bino bedo riwan gi wor kendo, go bino nyono reco mawan gi tiende. Go bino bolo reco mawan je i lutho ma nam.

Zekaria 10:9

Makada nende anokedhi jo i dier nonin, to jolapoyan i piny mabor, jolakwo gi nyithindho pajo to jodwoko.

Joroma 11:23

Aka ka Joyuda joweyo bedo ma buyeyo, ibino dwoko jo i kabedo pajo m'onwaŋo jonitie iye, rupiri Were nyalo dwoko jo kendo.

Joroma 11:26

Aka me apaka Isiraili gipi bino limo both, paka ondiki ni, “Jaboth bino wok Zayon, Go bino kwanyo woko reco pa nyikway Yakobo je.

Joroma 11:31

Ameno bende, Joyuda pama jokiwinji Were, ŋey gi wor ma wilimo, jo bende jowolimi wor pa Were.

Kitawo mar'abic mapa Musa m'ilwoŋo ni Cik 13:17

Wikiri wiwey kisi gimoro m'otiek yere reyo woko womok i cingin, ŋey Rwoth wowire kwoŋ mako nge pere aka wonyuthi wor, to nyayo win, paka ociko kwarere mewin.

Kitawo mar'abic mapa Musa m'ilwoŋo ni Cik 4:27

Rwoth lakedho win i dier nonin, aka manok kwoŋ win ama jolaboth i dier nonin kama Rwoth oter win'iye.