Kitawo mar'abic mapa Musa m'ilwoŋo ni Cik 26:13 - KITAWO MALEŊ Catholic

¹³ Aka ilawaco ruwaŋ Rwoth Were perin ni, “Atieko kwanyo woko migew maleŋ wok i ot paran, aka atieko miyo Jolevi, jopath ma jobedo gi wan, nyithindho kic, kodi citho, cungo kwoŋ or perin je m'imiyan. Akituro, kosa wiyan k'owil gi or perin.

KITAWO MALEŊ

¹³ Aka ilawaco ruwaŋ Rwoth Were perin ni, “Atieko kwanyo woko migew maleŋ wok i ot paran, aka atieko miyo Jolevi, jopath ma jobedo gi wan, nyithindho kic, kodi citho, cungo kwoŋ or perin je m'imiyan. Akituro, kosa wiyan k'owil gi or perin.

Kitawo mar'abic mapa Musa m'ilwoŋo ni Cik 26:13 ပူးပေါင်းရင်းမြစ်များ

Zabuli 119:139

Nge paran liel i an paka mac, kwoŋbedo jokwor paran jokidew kwoŋ yo perin.

Zabuli 119:141

Asisiri aka icayan, kucel adewo kwoŋ fonji perin.

Zabuli 119:153

Neni candirok paran, aka ibothan, kole wiyan kiwil gi cik perin.

Zabuli 119:176

Alera paka rombo m'orwenyo, rangi ŋeca perin, kole wiyan kiwil gi or perin.

Zabuli 119:93

Wiyan k'owil gi cik perin, kole imiyan kwo luwo i jo.

Zabuli 26:6

Rwoth, alwoko cingan ma nyutho ni abu banja, aka aŋanjo kareno alamo thoko migam perin.

Agecin 3:1

Nyathi paran, wiyin wokiri wowil gi fonji paran, to weyi adundo perin wokur or paran.

Tim pa Jomoor 24:16

Am'omiyo atemo paka anyalo ndelo je bedo gi paro m'otire ruwaŋ Were kodi ji.”

2 Jokorintho 1:12

Me a gima wapakere gine: Paro ma cuny wan miyo waridho ni i kwo mawan i piny ka, tektek mere i riwirok mawan gi win kanyacel, wawotho i leŋo kodi i adieri pa Were. Aka watimo ameno gi meni ma nema pa Were, makiweno gi rieko pa dhano.

2 Jokorintho 11:31

Were kodi Ba Rwodhiwan Yesu, m'oripo g'apaka cil gi cil, oŋeyo nike akitwodi!

Kitawo mar'abic mapa Musa m'ilwoŋo ni Cik 14:29

Aka Jolevi, kwoŋbedo jongoye gi lim kosa alunja gi win, kiri gi jopath ma jobedo gi win, nyithindho kic, kodi citho je ma tindin mewin, jonyalo bino camo ma romo jo, ŋey Rwoth Were mewin womiy win silwany i tic mewin je ma witimo.

Kitawo mar'abic mapa Musa m'ilwoŋo ni Cik 26:12

K'itieko culo acel wiy apar je ma ranyak perin i oro mar'adek (m'obedo oro ma culo acel wiy apar) miyo Jolevi, jopath, nyithindho kic, kodi citho i waŋkac perin, ŋey jowocami to joyeŋ i tindin mewin.

Kitawo mar'abic mapa Musa m'ilwoŋo ni Cik 26:14

Akicamo munyo aywak, akikwanyo munyo akoc, aka akimiyo jom'otho. Atieko winjo dwondi Rwoth Were paran, timo paka imiyan or.

1 Jothesalonika 2:10

Wibedo jokony mawan, paka Were bende, ni kite ma wanyutho win ma wiyeyo Kristo oyido olony aka otire m'ongoye komo.