Kitawo mar'abic mapa Musa m'ilwoŋo ni Cik 16:3 - KITAWO MALEŊ Catholic

³ Wikiripi camo gi mugat m'otimi gi thow. Ma ndelo abirio wilacamo mugat ma buthow, mugat ma litho, kwoŋbedo wiwok i Misir i kwakirok madwoŋ; ŋey i kwo mewin gipi winyal poyo ndelo ma wiwok i lowo ma Misir.

KITAWO MALEŊ

³ Wikiripi camo gi mugat m'otimi gi thow. Ma ndelo abirio wilacamo mugat ma buthow, mugat ma litho, kwoŋbedo wiwok i Misir i kwakirok madwoŋ; ŋey i kwo mewin gipi winyal poyo ndelo ma wiwok i lowo ma Misir.

Kitawo mar'abic mapa Musa m'ilwoŋo ni Cik 16:3 ပူးပေါင်းရင်းမြစ်များ

1 Kerin 22:27

Waci rijo jowoboli go i jiera aka jowomiy go mugat gi pi cuka anodwoki i siem.”

Zabuli 102:9

Kole acamo buru paŋini mugat, aka aruwo pigi waŋan gi math paran.

Zabuli 111:4

Rwoth omiyo wan poyo tic pere ma gir'aura; go nitie gi wor kodi wor.

Zabuli 127:2

Ongoye kony mondo cew, t'igalo donjo nindo, camo mugat ma tic matek, kole Rwoth miyo ji ma go omaro nindo.

Kitawo mar'ario mapa Musa m'ilwoŋo ni Wok 12:11

Wicam piyo munyo witieko rukirok ma woth, gi ware mewin i tiendi win kodi ludhe mewin i cingi win. Obedo kalima ma kadho ma miyan Rwoth, dwoŋ.”

Kitawo mar'ario mapa Musa m'ilwoŋo ni Wok 12:17

Poyi win kalima me, kwoŋbedo i ndelo me am'awodh'iye nonin mewin wok i Misir. I luse mewin je wiripo timo kalima me.

Kitawo mar'ario mapa Musa m'ilwoŋo ni Wok 12:39

Jotedo ŋano pajo ma buthow m'oyido jowok gine wok i Misir, kwoŋbedo oriem jo wok i Misir abwap ma jok'onyalo bedo gi hongo ma tedo cemo pajo kosa tedo mugat ma thwo.

Kitawo mar'ario mapa Musa m'ilwoŋo ni Wok 12:8

Wor no riŋo wobul, t'icamo gi yen makec kodi mugat ma buthow.

Kitawo mar'ario mapa Musa m'ilwoŋo ni Wok 34:18

“Kur win kalima ma mugat ma buthow. Paka amiyo win or, cami win mugat ma buthow ma ndelo abirio i dwe ma Abib, rupiri obedo dwe ma wiey'iye Misir.”

Isaya 52:12

Waŋin me wikilawok i kwakirok; wikilatemo kwalok. Kole Rwoth Were mewin latelo win, aka Were pa Isiraili lagwoko win gi yucen.

Jolevi 23:6

K'apar g'abic ma dwe acel no won obedo kalima ma mugat ma buthow ri Rwoth; ma ndelo abirio wilacamo mugat ma buthow.

Zekaria 12:10

Alakonjo kwoŋ ot pa Daudi kodi ji ma jobedo i Yerusalem, cuny ma wor kodi ma kwayo, aka jolanenan ŋata jocwowo to joywak paka ŋata ywako wode acel g'acel. Jolabedo gi geregere rigo, paka ŋata ywako kayo pere.

Kwan 28:17

K'apar g'abic ma dwe ripo bedo kalima ma tero ndelo abirio ma wiripo camo mugat ma buthow.

Kwan 9:11

I dwe mar'ario i ndelo mar'apar g'aŋwen, othieno, jobino kuro, jobino camo gi mugat ma buthow gi fufa makec.

Luka 22:19

Gikenyo okwanyo mugat, oketho Were walwa, oturo, to miyo jo jowocami, munyo waco ni, [“Me delkwoŋan m'omiy win. Tim win ameno noknok ma poyan”].

1 Jokorintho 5:8

Am'omiyo onyo weyi watim kalima mawan, to ki gi mugat m'oketh'iye thow macon, mar'athuye kodi reco, to kodi mugat ma buthow, ma ditiro kodi adieri.

Kitawo mar'abic mapa Musa m'ilwoŋo ni Cik 16:2

Wiripo miyo cowirok ma Kalima ma kadho ri Rwoth Were mewin, wok kwoŋ mwendi mewin kodi dhok mewin, i kabedo ma Rwoth layero paka kabedo ri nyinge.

Kitawo mar'abic mapa Musa m'ilwoŋo ni Cik 4:9

To kure win aka wigwokere, ŋey wicwil okir omaki win gi gigipiny ma witieko neno, kosa wiwey joworweny i paro mewin i kwo mewin je. Miy win nyithindho mewin kodi nyikway win ŋeyo,

1 Jothesalonika 1:6

Wilokere joma luwo wan kodi Rwoth; aka kada wicandere tektek, wijolo mikwenda gi kisangala ma wok bongi Cuny Maleŋ.

Yosuwa 4:7

Nyaka wiwaci rijo ni pi ma Yordan oyido oŋadere woko ruwaŋ Kakan ma Cikirok pa Rwoth; munyo oluwo i wi Yordan, pi ma Yordan oŋadere woko. Ameno telin me bino bedo ri Joisiraili rapoy ma cil gi cil.”