Kitawo mar'abic mapa Musa m'ilwoŋo ni Cik 12:5 - KITAWO MALEŊ Catholic

⁵ To wilalamo go i kabedo ma Rwoth Were mewin oyer wok kwoŋ nonin mewin paka kabedo ri nyingi go koro. Wiripo kadho kenyo,

KITAWO MALEŊ

⁵ To wilalamo go i kabedo ma Rwoth Were mewin oyer wok kwoŋ nonin mewin paka kabedo ri nyingi go koro. Wiripo kadho kenyo,

Kitawo mar'abic mapa Musa m'ilwoŋo ni Cik 12:5 ပူးပေါင်းရင်းမြစ်များ

1 Kerin 14:21

Onyo Rehobowam, wod Solomon oyido jaoro piero aŋwen g'acel munyo ocako dhum paka kere i Yuda, aka odhumo ma oro apar g'abirio i Yerusalem, tindi madwoŋ ma Rwoth oyero kwoŋ adec je i Isiraili paka kabedo ma lamo go. Yok Rehobowam oyido Nama ma wok i piny Amon.

1 Kerin 8:16

‘Wok i hongo m'awodho ji paran wok i Misir, fodi akiyero tindi madwoŋ i lowo ma Isiraili ma Ot pa Were ripo woget'iye kam'inyalo laman'iye. T'ayerin, Daudi, dhumo ji paran.’

1 Kerin 8:20

“Aka onyo Rwoth okuro cikirok pere. Alunjo baba paka kere ma Isiraili, aka atieko geto Ot pa Were ma lamo Rwoth Were pa Isiraili.

1 Kerin 8:27

“To Were, inyalo adieri bedo i piny? Ma kiri polo je kilac rin ma romin, ameno Ot pa Were m'ageto me obedi malac ma romin nedi?

1 Kerin 8:29

Kur Ot pa Were me odieceŋ kodi wor, kabedo m'itieko yero ni wolamin'iye. Winjan k'aŋiyo Ot pa Were me t'akwayo.

2 Kerin 18:22

“Kosa winowaci ran nike wigeno Rwoth Were mewin. Obedo sawin pa Rwoth kodi migame pere ma Hezekia onyeko, munyo owaco ri ji ma Yuda gi Yerusalem lamo i migam ma Yerusalem kende.

1 Kigana kwoŋ Kerin 22:1

Ameno Daudi owaco ni, “Ot pa Rwoth Were labedo ka. Me migam ma Joisiraili joripo miyo iye cowirok awaŋa.”

2 Kigana kwoŋ Kerin 7:12

Kenyo Rwoth omenyere ri Solomon to waco rigo ni, “Atieko winjo kwayo perin, aka atieko yero Ot pa Were me paka kam'iripo miyan iye cowirok.

Ezira 3:2

Kenyo Yesuwa wod Yehozadak, kodi jocway ri Were i wi migam wadi, kodi Zerubabel wod Siltiel kodi wade pere jogeto kendo migam pa Were pa Isiraili, miyo cowirok awaŋa i wiye, paka ondiki i cik pa Musa jacwo pa Were.

Ezira 6:12

Weyi Were m'oyero Yerusalem paka kabedo m'iripo lam'iye go womaki ker pa kere kosa piny m'owir or me to temo reyo woko Ot pa Were kenyo. An, Dario, awodho or. Iripo luwo gi kinen je.”

Ezira 7:17

Gi pesa me, nyew thwondhe, wot rombo, megi rombo, ŋano, gi vini aka imiy Rwoth i wi migam i Ot pa Were i Yerusalem.

Nehemia 1:9

To ka winowire bongan timo paka or paran waco, aladwoko win i kabedo m'ayero ni wolaman'iye, makada nende obedi ni wikedhere kiri i gike piny.’ ”

Zabuli 78:68

Go oyero nono pa Yuda ayin, gi Zayon ma go omaro.

Kitawo mar'ario mapa Musa m'ilwoŋo ni Wok 15:2

Rwoth a meni paran aka wer paran, go ama obothan Me Were paran, aka abino pako go, go Were pa baba, aka abino wero dwoŋ pere.

Kitawo mar'ario mapa Musa m'ilwoŋo ni Wok 20:24

Geti ran win migam ma lowo to wimiyan iye cowirok mewin awaŋa kodi ma siem, ma rombo mewin, kodi megikwe. Kisi kamoro je m'anokethi riwin ma laman, alabino t'amiyo win silwany.

Kitawo mar'ario mapa Musa m'ilwoŋo ni Wok 25:22

Abino romo kodin kenyo, aka i wi giumo i dier cwec ma jobwombi gin, abino miyin cik je ri Joisiraili.”

Yeremia 26:2

Me apaka Rwoth waco: Cungi i kapido ma Ot pa Rwoth, aka iluwi kodi ji ma jowok i tindin madongo ma Yuda ma jobino lamo i Ot pa Rwoth; luw rijo wac je m'aorin; ikir'iwey gimoro kad'acel.

Yeremia 7:12

Onyo kidhi win pama i kabedo paran m'oyido nitie Silo, kam'amiyo nyingan obed'iye marapena, aka winen gim'atimo rigo ro kidakana pa ji paran Isiraili.

Yeremia 7:14

Riameno alatimo ri ot m'ilwoŋo gi nyingan, ma wiketho geno mewin iye, kodi kabedo m'amiyo win kodi kwarere mewin, nger gim'atimo ri Silo.

Jolevi 17:4

to weyo ma k'okelo i dhiot ma Wema ma romo, miyo paka mic ri Rwoth ruwaŋ kabedo pa Rwoth, labedo gi banja ma oyo remo; aka go lapokere woko kwoŋ ji pere.

Kwan 7:89

Munyo Musa odonjo i Wema ma romo luwo gi Rwoth, oyido maro winjo dwondi ma luwo gine wok malo ma giumo ka ŋuto m'oyido nitie i wi Kakan ma Cikirok wok i dier cwec ma jobwombi gin; to luwo gine.

Kitawo mar'abic mapa Musa m'ilwoŋo ni Cik 12:11

wiripo kelo i kabedo ma Rwoth Were mewin oyer paka kabedo ri nyinge gigipiny je m'amiyo win or kwoŋe: Mic awaŋa kodi cowirok mewin, acel wiy apar, kodi mic mewin je ma wiciko Rwoth.

Kitawo mar'abic mapa Musa m'ilwoŋo ni Cik 12:13

Kure win ŋey wikiri wimiy mic mewin awaŋa i kabedo moro je ma wineno.

Kitawo mar'abic mapa Musa m'ilwoŋo ni Cik 12:18

Kole wiripo camo ruwaŋ Rwoth Were mewin i kabedo ma Rwoth Were mewin layero, win kanyacel gi nyithindho mewin, ŋecin mewin, kodi Jolevi ma jobedo i tindin mewin, ka wifore ruwaŋ Rwoth i kisi gimoro je ma witimo.

Kitawo mar'abic mapa Musa m'ilwoŋo ni Cik 12:4

Wikiri wilam Rwoth Were mewin i nger no.

Kitawo mar'abic mapa Musa m'ilwoŋo ni Cik 14:23

Wiripo camo ruwaŋ Rwoth Were mewin, i kabedo ma go layero paka kabedo ri nyinge, ŋano mewin, vini mewin, mo mewin, kodi okayin ma dhok kodi mwendi mewin, ŋey winyal fonjirok lworo Rwoth Were mewin noknok.

Kitawo mar'abic mapa Musa m'ilwoŋo ni Cik 14:24

To ka Rwoth Were mewin otieko miyo win silwany, to woth bedo riwin mabor, ma wikinyal tiŋo kodirok gi gigipiny, kwoŋbedo kabedo ma Rwoth Were mewin oyero paka kabedo ri nyinge bor gi win,

Kitawo mar'abic mapa Musa m'ilwoŋo ni Cik 15:20

Iripo camo, in kodi peco perin, ruwaŋ Rwoth Were perin kisi oro i kabedo ma Rwoth layero.

Kitawo mar'abic mapa Musa m'ilwoŋo ni Cik 16:11

Wiripo kisangala ruwaŋ Rwoth Were mewin, win, nyithindho mewin, ŋecin mewin, Jolevi ma jobedo i tindin mewin, jopath, nyithindho kic kodi citho ma jobedo i dier win, i kabedo ma Rwoth Were mewin oyer paka kabedo ri nyinge.

Kitawo mar'abic mapa Musa m'ilwoŋo ni Cik 16:15

Ma ndelo abirio wiripo timo kalima ri Rwoth Were mewin i kabedo ma Rwoth layero. Kole Rwoth Were mewin lamiyo win silwany i fur mewin je kodi i tic je ma cingi win.

Kitawo mar'abic mapa Musa m'ilwoŋo ni Cik 16:2

Wiripo miyo cowirok ma Kalima ma kadho ri Rwoth Were mewin, wok kwoŋ mwendi mewin kodi dhok mewin, i kabedo ma Rwoth layero paka kabedo ri nyinge.

Kitawo mar'abic mapa Musa m'ilwoŋo ni Cik 16:6

to i kabedo ma Rwoth Were mewin layero paka kabedo ri nyinge, kenyo kende ama wiripo miyo cowirok ma kadho, othieno ka waŋceŋ podho, sawa ma ndelo ma wiay wok i Misir.

Kitawo mar'abic mapa Musa m'ilwoŋo ni Cik 16:7

Wiripo tedo to wicamo i kabedo ma Rwoth Were mewin layero; yawere mere odikin winyalo dok i wemin mewin.

Kitawo mar'abic mapa Musa m'ilwoŋo ni Cik 17:8

K'obedi banja matek riwin thumo i dier oyo remo kodi neki, turo cik, kodi gorok, nger banjin no moro je i tindin mewin, kenyo wilakadho malo piyo i kabedo ma Rwoth Were mewin oyer.

Kitawo mar'abic mapa Musa m'ilwoŋo ni Cik 18:6

Ka Jalevi oeye wok i tindi mewin moro je, wok kama go oyido bed'iye i Isiraili je, to bino i kabedo ma Rwoth oyer, (aka go nyalo bino kisi ka cunye mito)

Kitawo mar'abic mapa Musa m'ilwoŋo ni Cik 26:2

wiripo kwanyo olemo marapena ma kisi ranyak ma wikeco wok i lowo ma Rwoth Were mewin miyo win, wikethi iy'adita to wikadho i kabedo ma Rwoth Were mewin layero ri nyinge koro.

Kitawo mar'abic mapa Musa m'ilwoŋo ni Cik 31:11

ka Joisiraili je jobino ruwaŋ Rwoth Were mewin i kabedo ma go layero, soma win cik me malo ruwaŋ Joisiraili je ka jowinjo.

Jokolosia 2:9

Kole kwo pa Were gipi nitie kwoŋ Kristo, i kwo manyadel;

Joebulaniya 12:22

Kucel, wibino wi Got Zayon kodi i tindi pa Were makwo, Yerusalem manyapolo, gi jomalaika mere gana gi gana.

Yosuwa 18:1

Onyo to Lwak pa Joisiraili jocokere i Silo, to jojengo Wema ma romo. Jomako lowo m'obedo ruwaŋ jo.

Yosuwa 22:11

Joisiraili jowinjo to jowaco ni, “Neni, jo Ruben, jo Gad kodi adec ma nono pa Manase jogeto migam i nyim piny ma Kanan, iy'adec macegin kodi Yordan, yuthenge m'obedo apa Joisiraili.”

Yosuwa 9:27

Yosuwa oloko jo i ndelo no jobar yen kodi jokulo ri cokirok kodi ri migam pa Rwoth, m'omedere tundo i ndelo me, i kabedo me ma go oyer.

Menyirok ri Yohana 14:1

Gikenyo aŋiyo, t'aneno Nyathi rombo ruwaŋan, munyo ocungo wi got Zayon. Bonge, oyido nitie ji gana miya acel piero aŋwen g'aŋwen (144,000) ma nyinge kodi nyingi Bamere ondiki ruwaŋ jo.