Kitawo mar'abic mapa Musa m'ilwoŋo ni Cik 1:17 - KITAWO MALEŊ Catholic

¹⁷ Wikiripi bedo nyakucel i thumo banja; winji win jomathindho kodi jodongo i nger acel; aka wongoye ŋata wobwoki win, kole thumo banja obedo apa Were. Banja je matek riwin, keli win bongan, aka alawinjo.”

KITAWO MALEŊ

¹⁷ Wikiripi bedo nyakucel i thumo banja; winji win jomathindho kodi jodongo i nger acel; aka wongoye ŋata wobwoki win, kole thumo banja obedo apa Were. Banja je matek riwin, keli win bongan, aka alawinjo.”

Kitawo mar'abic mapa Musa m'ilwoŋo ni Cik 1:17 ပူးပေါင်းရင်းမြစ်များ

Cakirok 18:25

Wobedi bor kodin timo nger gino, neko jom'otire kanyacel gi jokidakana, aka jom'otire jolimi gir'acula kanyacel gi jokidakana! Gino wobedi bor kodin! Jathum banja ma piny gibe k'otimi gim'otire!”

2 Samwiri 14:14

Wajoje walatho; wacale pi m'okir piny ma doko kinyal coko. Kiri Were kidwoki kwo pa jom'otho, to kere nyalo rango nger ma dwoko ŋat'orwenyo.

2 Kigana kwoŋ Kerin 19:5

Yehosafat oketho jothum banja i kisi tindi madwoŋ m'otinda ma Yuda,

2 Kigana kwoŋ Kerin 19:6

to waco rijo ni, “Kaŋasa gima witimo, rupiri meni ma thumo banja kiwoki bongi ji, to wok bongi Rwoth, aka go labedo gi win ka withumo banja.

Yobu 31:34

Akilworo gima ji jonyalo waco, akidoŋ peco kosa akiliŋ, ni rupiri alworo yet pajo.

Zabuli 82:2

“Wiripo weyo thumo banja m'ongoye tiro, wiripo weyo timo nyakucel ri jokidakana!”

Kitawo mar'ario mapa Musa m'ilwoŋo ni Wok 18:18

In kiri gi ji je wibino ol. Gime dit rin timo kendin.

Kitawo mar'ario mapa Musa m'ilwoŋo ni Wok 18:22

Weyi jowothum banja kisi hongo. Banjin matek mere jowokeli rin, aka mathindho mere jowothum. Meno bino loko rin tic mayot, ka bende jotiŋo bieto me kodin.

Kitawo mar'ario mapa Musa m'ilwoŋo ni Wok 18:26

Jothumo ri ji banja kisi hongo; matek mere jotero ri Musa, aka mayot mere jo wegi jothumo.

Agecin 18:5

Kiber timo nyakucel ri ŋata jabanja, kosa wiro banja ri ŋata bubanja.

Agecin 24:23

Me bende wac pa jarieko. Timo nyakucel i thumo banja kiber.

Agecin 28:21

Timo nyakucel kiber, kucel muma mugat nyalo miyo dhano timo gim'okom.

Agecin 29:25

Lworo dhano obedo ciko bwo, to ŋata geno Rwoth bedo maber.

Yeremia 1:17

Tweyi pierin, Yeremia; kidhi iwaci rijo kisi gimoro je m'aorin waco. Ikir'ilwor jo, rupiri anyalo lokin malwor ruwaŋ jo.

Jolevi 19:15

Ikir'ithum banja ma k'otire; Ikir'itim nyakucel ri jacandi kosa Ikir'ilwor joŋaŋo: Thum banja ri japiny perin gi tiro.

Malaki 2:9

Ameno amiyo ji jobwono win, paka bende wikiluwo yo paran, aka witimo nyakucel i fonji mewin.”

Matayo 22:16

Gikenyo jooro jofonjirok pajo mogo kodi jopa Herode moro bongi Yesu. Jowaco ni, “Jafonji, waŋeyo nike ibedo dhano m'otire: Ifonjo royo pa Were g'adieri, m'ikidew kwoŋ gima ji paro, rupiri ikidew kwoŋ dwoŋ pa dhano.

Mariko 12:14

Jobino bonge to jowaco ni, “Jafonji, waŋeyo ni ibedo ŋat'otire, aka ikilwori nyatoro; ikidew kwoŋ dwoŋ pa nyatoro, to ifonjo gir'adieri kwoŋ gima Were yenyo ri dhano ayino. Ere waci riwan; yere i Cik mawan goyo misolo ri Kayisar, kosa be?”

Luka 20:21

Jopendo me jopenjo Yesu ni, “Jafonji, waŋeyo nike gim'iwaco kodi gim'ifonjo otire, kendo ikidew kwoŋ dwoŋ pa dhano moro je, to ifonjo adieri kwoŋ gima Were mito ri dhano timo.

Joroma 2:11

Kole Were tero ji je marom.

Joefeso 6:9

Onyo rwodhe, wibende kuri win ŋecin mewin ameno. Weyi win bwoko jo paka wiŋeyo ni win kodi ŋecin mewin je wibedo apa Rwoth acel i polo, ma thumo banja ri dhano je m'ongoye yero.

Kitawo mar'abic mapa Musa m'ilwoŋo ni Cik 10:17

Kole Rwoth Were mewin obedo Were pa werin, Rwoth pa rwodhe, Were madwoŋ, jameni aka kelo lworo, go kitim nyakucel aka kijol nyew.

Kitawo mar'abic mapa Musa m'ilwoŋo ni Cik 16:19

Wikiripi wiro tiro, kosa timo nyakucel, aka wikiripi jolo nyew, kole nyew thowaŋ jomariek aka cego tiro ri joma timo gim'otire.

Kitawo mar'abic mapa Musa m'ilwoŋo ni Cik 24:17

Ikir'ithwon japath kosa nyithindho kic tiro; aka ikir'imaki nanga pa citho ma kisinga.

Kitawo mar'abic mapa Musa m'ilwoŋo ni Cik 25:1

Ka dhaw obedo i dier j'ario, aka jobino bongi jothum banja theko jo, jolanwaŋo ŋat'otire kodi ŋat'okom.

Jokolosia 3:25

Aka jatim reco je ibino culo go tim pere mareco no, rupiri Were tero dhano je marom.

1 Jothesalonika 2:4

Kucel, ndir je waluwo paka Were yenyo watim, kwoŋbedo go ofoyo wan aka oketho Wac Manyen Maber i cingi wan. Wakitem kisangala ji, to wamito kisangala Were ayino, ma temo atoŋa ma cuny wan.

Yakobo 2:9

To ka wipoko ji cungo kwoŋ cal pajo ma woko, meno witimo gimarac, aka itero win paka jotur cik cungo kwoŋ Cik manitie.

1 Petero 1:17

Kole wilwoŋo Were ni Baba ka wikwayo, aka go ama thumo banja ri ji je marom. Am'omiyo or win kwo mewin i piny ka paka joma wendo munyo wimiyo go dwoŋ.

1 Samwiri 16:7

To Rwoth waco rigo ni, “Ikir'inen ŋono kosa boro pere, kole atieko kwero go; rupiri An akinen paka dhano neno. Ji joneno ŋono to an aneno adundo.”

1 Samwiri 2:25

Ka nyatoro otimo reco ruwaŋ nyawote, Were nyalo theko go, to ka nyatoro otimo reco ruwaŋ Rwoth, ŋa m'othek go!” To jok'onyalo winjo bajo, kole Rwoth oyido otieko yiko neko jo.