Cakirok 46:3 - KITAWO MALEŊ Catholic

³ Kenyo Were owaco ni, “An Were, Were pa benin. Ikir'ilwor kidho piny i Misir rupiri abino miyo nyikwayin bedo piny madwoŋ kenyo.

KITAWO MALEŊ

³ Kenyo Were owaco ni, “An Were, Were pa benin. Ikir'ilwor kidho piny i Misir rupiri abino miyo nyikwayin bedo piny madwoŋ kenyo.

Cakirok 46:3 ပူးပေါင်းရင်းမြစ်များ

Cakirok 12:2

Abino miyin nyikwayin kweth, aka jobino lokirok piny madwoŋ. Abino miyin silwany t'aloko nyingin madwoŋ, ŋey ibedi jasilwany.

Cakirok 15:1

Rumacen ma gigipiny me, wac pa Rwoth obino ri Abram i menyirok ni, “Ikir'ilwor Abram, abedo kwot perin, kemba perin bino bedo madwoŋ.”

Cakirok 15:13

Kenyo Rwoth owaco rigo ni, “Ŋey adieri nike nyikwayin jobino bedo i lowo pa jopath i lowo ma k'obedo apajo, aka jobino bedo ŋecin t'itero jo gi gwayo ma oro 400.

Cakirok 17:1

Munyo Abram jaoro piero abuŋwen g'abuŋwen, Rwoth omenyere rigo aka owaco rigo ni, “An Were Majameni je; winjan, aka noknok tim gi tiro.

Cakirok 18:18

rupiri aneno ni go bino lokirok nono madwoŋ aka manitie meni, aka nonin je ma piny jobino limo silwany luwo i go.

Cakirok 22:17

Abino miyin silwany adieri, aka nyikwayin jobino bedo madit paka micalin ma polo kodi kwoyo ma thengi nam. Nyikwayin jobino kikengila jokwor pajo.

Cakirok 35:11

Aka Were owaco rigo ni, “Abedo Were Majameni je. Nywol inyay; nonin lawok kwoŋin, aka ilabedo kwari kerin.

Cakirok 47:27

Joisiraili jobedo i Misir iy'adec ma Gosen kama joŋaŋ'iye to jonywolo nyithindho kweth.

Cakirok 48:16

Weyi malaika m'obothan wok i raco je womiy jo silwany! Weyi nyingan kodi nyingi bacere paran Abraham, kodi Isaka womedere luwo i jo! Weyi jowobedi gi nyithindho kweth, kodi nyikway jo kweth!”

Cakirok 48:19

To bamere okwero to waco ni, “Aŋeyo wodan, aŋeyo. Nyikway Manase bende jobino lokere ji madongo. To omin go mathin bino bedo madwoŋ loyo go, aka nyikwaye jobino lokere nonin madongo.”

Kitawo mar'ario mapa Musa m'ilwoŋo ni Wok 1:12

To paka jomedo diyo Joisiraili, apaka bende Joisiraili jomedere i welo. Aka Jomisir oyido jolworo Joisiraili.

Kitawo mar'ario mapa Musa m'ilwoŋo ni Wok 14:13

Musa odwoko ji ni, “Wikiri wilwor, cungi win matek, aka Rwoth bino botho win konon. Jomisir ma wineno me wikibino neno jo kendo.

Isaya 41:10

Ikir'ilwor, kole anitie kodin, ikir'ibwoki, kole abedo Were perin, alamedin meni, alakonyin, alamakin gi cingan maracuc ma turo lweny.

Yeremia 40:9

Gedalia wod pa Ahikam wod pa Safan okwoŋere rijo kodi jolweny pajo ka waco ni, “Wikiri wibwok tiyo ri Jobabilon. Bedi win i piny me, aka witiy ri Jobabilon, aka labedo maber gi win.

Tim pa Jomoor 27:24

to waco ni, ‘Paulo, ikir'ibedi gi lworo! Iripo cungo ruwaŋ Kayisar; aka Were, i bero pere, otieko miyin kwo pa ji je m'icewere gi jo me!’

Tim pa Jomoor 7:17

Munyo ndir ocore cegin ri Were ma ketho cikirok pere kodi Abraham i tim, welo pa ji mawan i Misir oyido oidho malo swa.

Kitawo mar'abic mapa Musa m'ilwoŋo ni Cik 1:10

Rwoth Were mewin otieko loko win mathoth, aka neni konon withoth paka micalin ma i polo.

Kitawo mar'abic mapa Musa m'ilwoŋo ni Cik 10:22

Kwarere mewin jokadho piny i Misir, ji piero abirio, aka pama Rwoth Were mewin otieko loko win mathoth paka micalin ma i polo.

Kitawo mar'abic mapa Musa m'ilwoŋo ni Cik 26:5

iladwoko k'iwaco ruwaŋ Rwoth Were perin ama: “Kwara cango obedo jawoth Arameyan, okadho piny i Misir aka obedo koro paka japath, manok i welo, aka kenyo olokere nono madwoŋ, jameni, aka oŋeyere.