Cakirok 21:16 - KITAWO MALEŊ Catholic

¹⁶ aka okidho to bedo piny kama romo mita miya acel bor gi wode. To waco ni, “Akinyali neno ka nyathi paran tho.” Munyo go fodi obedo kenyo, nyathi ocako ywak.

KITAWO MALEŊ

¹⁶ aka okidho to bedo piny kama romo mita miya acel bor gi wode. To waco ni, “Akinyali neno ka nyathi paran tho.” Munyo go fodi obedo kenyo, nyathi ocako ywak.

Cakirok 21:16 ပူးပေါင်းရင်းမြစ်များ

Cakirok 21:15

Munyo pi orumo, oweyo wode i tiendi dudi moro

Cakirok 27:38

Esau openjo bamere ni, “To initie nyaka gi silwany acel kende baba? Miyan silwany, kiri an bende, a baba.” Aka Esau otiŋo dwonde malo to ywak.

Cakirok 29:11

Kenyo Yakobo cwiyo lembi Laker to cwero pi waŋe ma Kisangala.

Cakirok 44:34

Rupiri anyalo nedi dok bongi baba majayac me ongoye bongan? Alworo neno teko ma dinyal podho kwoŋ baba.”

1 Kerin 17:12

Citho odwoko ni, “Akwoŋere rin i nyingi Rwoth Were perin makwo nike angoye gi mugat m'otedi. Anitie nyaka g'adhoŋ cingan ma moko iy'acero, kodi donge mo iy'agwata. Adimo yen ŋey adoki atedi acami gi wodan. Meno bino bedo cemo mawan macowe, wariy kec to watho.”

1 Kerin 3:26

Kenyo yok nyathi m'otire owaco ri kere gi mar m'opoŋ i cunye ri nyathi pere ni, “Mondo jadwoŋ, Ikir'ineki nyathi! Miy go!” To dhako ca mere waco ni, “Ikir'imiy wajoje; wobar i diere kadirio.”

Isaya 49:15

Dhako wiye nyalo wil gi nyathi pere ma dhoth, kosa nyalo weyo ma k'omako wor gi nyathi ma iye? To makada nende dhako wiye nyalo wil gi nyathi pere, kucel wiyan k'owil kodin.

Yeremia 6:26

Awi ji paran, ruk win kutiya, aka wiŋindere i buru; ywak win paka wiywako nyathi acel g'acel, ywak win gi geregere swa; kole jarey ji labino, abwap kwoŋ wan.

Amos 8:10

Abino loko kalima mewin kaliel, kodi wer mewin ywak ajore. Abino kelo pata wiwin to wiruko kutiya. Wibino cale jonywol, ma joywako nyaka wod gin acel. Ndelo no bino bedo magway kiri i gike.

Zekaria 12:10

Alakonjo kwoŋ ot pa Daudi kodi ji ma jobedo i Yerusalem, cuny ma wor kodi ma kwayo, aka jolanenan ŋata jocwowo to joywak paka ŋata ywako wode acel g'acel. Jolabedo gi geregere rigo, paka ŋata ywako kayo pere.

Luka 15:20

Gikenyo go oay mayot to cako woth ma dok bongi bamere.” “To munyo fodi go nitie bor ye gi peco, bamere oneno go; wor opoŋ i cunye to ringo, to podho i kor wode to cwiyo lembe.

Jothum Banja 2:4

Munyo malaika pa Rwoth otieko luwo wac me ri Joisiraili, ji jotiŋo dwondi gin malo to joywak.

Ruth 1:9

Rwoth womiy win cwogi win man aka wibedi gi pecin.” Munyo Naume otieko waco ama opodho i kor jo to sewila jo, aka Ruth gi Oripa jogoyo ndur to joywak.

1 Samwiri 24:16

Munyo Daudi otieko luwo, Saulo openjo Daudi ni, “Meno dwondin won, wodan Daudi?” Aka Saulo otiŋo dwonde malo to goyo ndur.

1 Samwiri 30:4

Daudi gi cwo pere jotiŋo dwondi gin malo to jogoyo ndur, aka joywak cuka meni oloyo jo ma ywak.