Amos 9:4 - KITAWO MALEŊ Catholic

⁴ Ka jokwor pajo jokadhi gi jo paka jowiloka, abino wodho or t'ineko jo. Abino ketho waŋan kwoŋ jo ri raco makiweno bero.

KITAWO MALEŊ

⁴ Ka jokwor pajo jokadhi gi jo paka jowiloka, abino wodho or t'ineko jo. Abino ketho waŋan kwoŋ jo ri raco makiweno bero.

Amos 9:4 ပူးပေါင်းရင်းမြစ်များ

Cakirok 44:21

Kenyo iwaco ri ŋecin perin ni, ‘Keli win go piny bongan ŋey anen go gi waŋan.’

2 Kigana kwoŋ Kerin 16:9

Kole waŋ Rwoth neno ji ma piny gibe, ma ridho adundin pa jono ma jomiyere rigo. Paka itieko timo gimiŋo me, riameno wok pama kadho yuwaŋe, ilabedo gi lweny noknok.”

Zabuli 34:17

Ka ji ma jotimo gim'otire joywak ri kony, Rwoth winjo, aka gonyo jo wok i teko pajo je.

Kitawo mar'ario mapa Musa m'ilwoŋo ni Wok 14:24

Mafodi ŋamba k'oriedo, Rwoth oŋiyo piny kwoŋ Jomisir wok i siro ma mac gi pondeponde aka omiyo jo kirin.

Yeremia 12:12

I wi tendere tendere ma thim je ji jobino kinyaga; kole abor pa Rwoth neko ji wok i gike acel tundo i man; ongoye ŋata laboth.

Yeremia 21:10

Kole atieko como waŋan kwoŋ tindi madwoŋ me ro gimarac makiweno ro bero, Rwoth waco. Abino ketho i cingi kere ma Babilon, aka go bino waŋo woko gi mac.”

Yeremia 24:6

Alacomo waŋan kwoŋ jo kicutho, aka aladwoko jo i piny me. Alageto jo, aka ak'orey woko jo; alapidho jo, aka k'ofudhi jo.

Yeremia 39:12

“Ter go, kur go maber aka Ikir'itim rigo raco, to tim rigo paka go won omiti.”

Yeremia 39:16

Kidhi iwaci ri Ebed Melek Jaethopiya ni: Me apaka Rwoth pa lwak jolweny, Were pa Isiraili waco ama: “Akidho ketho i kare wac paran m'awaco kwoŋ tindi madwoŋ me ri raco makiweno bero, aka latundo i kare kareno in ineno gi waŋin i ndelo no.

Yeremia 44:11

Riameno, me apaka Rwoth pa lwak jolweny, Were pa Isiraili waco ama: Amiyere kelo teko kwoŋ win, reyo woko Yuda gibe.

Ezekiel 5:12

Adec acel kwoŋ win jolatho two nundu aka jolarere gi kec i dier win, adec acel jolapodho g'abor; aka alakedho adec acel i kisi thenge je t'acelo abor yuŋey jo.

Ezekiel 5:2

Ilakwanyo adec acel t'iwaŋo gi mac i dier tindi madwoŋ, tekin ndelo ma thoko ma mako rumo, adec acel ilanyaro g'abor thoko tindi madwoŋ, aka adec acel ilaywoyo i koyo, to nyaka acelo abor yuŋey jo.

Jolevi 17:10

Ka nyatoro moro je ma ot pa Isiraili kosa jokicar ma jobedo i dier jo ocamo remo moro je, alacomo waŋan kwoŋ ŋato m'ocami remo, t'apoko go woko kwoŋ ji pere.

Jolevi 26:33

Aka alakedho win i dier nonin, t'ayuyo abor paran kwoŋ win; piny mewin lajwangere, to tindin mewin madongo bedo gunda.”

Amos 9:8

Neni, waŋ Rwoth Were nitie kwoŋ ker mareco me Isiraili, abino reyo woko wok i piny. T'akibino reyo woko nyikway Yakobo je.

Zekaria 8:10

Kole mafodi ndelo no je, cul pa dhano kosa ogwaŋ oyido ongoye, aka siem oyido ongoye ri ŋata kadho woko, kosa ri ŋata donjo. Kole awiro kisi dhano kwoŋ nyawote.