Amos 9:11 - KITAWO MALEŊ Catholic

¹¹ I ndelo no, alatiŋo malo, ker pa Daudi m'opodho. Abino yiko kam'onyekere mere, t'ageto malo gundin mere. Abino doko geto paka oyido cango con nitie.

KITAWO MALEŊ

¹¹ I ndelo no, alatiŋo malo, ker pa Daudi m'opodho. Abino yiko kam'onyekere mere, t'ageto malo gundin mere. Abino doko geto paka oyido cango con nitie.

Amos 9:11 ပူးပေါင်းရင်းမြစ်များ

Yobu 1:10

Kole itieko geto cel thoko go gi peco pere kodi kisi gima go nitie gine i kisi thenge. Itieko miyo tic ma cinge silwany, aka lim pere onyay i piny.

Zabuli 143:5

Apoyo hongo macon, aparo kwoŋ gim'itieko timo, aparo kwoŋ gima cingin otieko timo.

Zabuli 80:12

To raŋo onyo ituro woko cel mere, ŋey ŋata luwo je nyalo kwalo nyingi vini mere?

Zabuli 89:40

Ituro piny kor tindi pere madwoŋ, aka isika woko kapondo pere.

Isaya 16:5

kenyo ilaketho kom ma jadhum i mar makiwire wok i wema pa Daudi, aka i wiye labedo iy'adieri, jathum banja ma rango tiro, aka yil ma timo gim'otire.

Isaya 5:5

Aka onyo pama alawaco rin, gim'alatimo ri ndelo vini paran. Alakwanyo woko cel mere, aka ilanyeko; alaturo woko tielo mere, aka ilanyono piny.

Isaya 58:12

Gundin mewin macene ilageto kendo, wilageto kendo kindi udi ma luse ma cango. Ilalwoŋo win joyiki gim'otur, joyiki royin m'ibed'iye.

Isaya 63:11

Nyaka to poyo hongo macon, hongo pa Musa ŋeca pere. Aka jopenjo ni, nikune Rwoth m'owodho, jokwath rombo pere woko i nam? Nikune go m'oketho i dier jo cuny maleŋ pere?

Isaya 65:9

Alayero nyikway Yakobo, aka nyikway Yuda jolalunjo gote paran. Ji paran m'ayero jolalunjo, aka ŋecin paran jolabedo kenyo.

Yeremia 18:9

Aka i hongo man alatuco mako kwoŋ nono kosa ker m'abino geto t'apidho.

Yeremia 30:9

Kucel, jolatic ran, Rwoth Were pajo, kodi nyakwar Daudi kere pajo, m'abino ketho paka kere.

Yeremia 46:26

Alaketho jo i cingi jono ma jodwaro neko jo, ri kere Nebukadineza ma Babilon kodi jotel pere. Rumacen ji jolabedo i Misir kendo paka cango con, Rwoth waco.

Ywakirok 5:21

Dwoki wan bongin, Awi Rwoth, ŋey wanyal dwoko, loki hongo mawan manyen paka cango con.

Ezekiel 17:24

Yen je ma lowo jolaŋeyo, nike An abedo Rwoth. Atoŋo piny yen maboyo, aka amiyo mathindho dongo mabor. Athwo woko yen manumu, aka amiyo yen m'othwo lothi. An Rwoth atieko luwo; aka alatimo gim'atieko waco.

Ezekiel 36:11

Alamiyo ji kodi ogwaŋe jowonyay. Jolanyay to jonywol. Alamiyo wobedi i in paka i hongo perin macon, aka alatimo rin bero nger ma fodi akitimo. Kenyo nyaka wilaŋeyo ni Abedo Rwoth.

Hoseya 3:5

Rumacen Joisiraili jolawire to jodwaro Rwoth Were pajo, kodi Daudi kere pajo. Jolabino gi kirin bongi Rwoth kodi i bero pere i ndelo ma rumacen.

Obadia 1:17

To wi got Zayon jomegi jobino kwale, aka bino bedo Kabedo Maleŋ. Ji pa Yakobo jobino bedo gi lim pajo wegi gi lowo pajo wegi.

Mika 5:2

To in, a Bethelehem Efratha, m'ithin loyo i dier nonin ma Yuda, wok kwoŋin lawok ran, ŋata bino bedo jadhum i Isiraili, ma cakirok pere obedo cango con.

Mika 7:11

Ndelo bino ma geto kor ot mewin kendo! I ndelo no kew mewin ibino yawo bor.

Mika 7:14

Kway ji perin gi luth perin Rwoth, ji perin m'itieko yero ma jobedo i thim, nitie lowo maber thoko jo. Weyi doko jowopidhere i Basan kodi Giliad, paka oyido cango con.

Mika 7:8

Ikir'isiemere kwoŋan, a jakwor paran; K'apodho, abino ay. K'abedo i mudho, Rwoth bino bedo lero ran.

Zekaria 12:7

Rwoth latelo botho wemin ma Yuda, ŋey dwoŋ ma ot pa Daudi kodi dwoŋ pa ji ma jobedo i Yerusalem wokiri woloyi dwoŋ pa Yuda.

Zekaria 14:10

Piny gibe lawire, paka Araba wok i Geba tundo i Rimon yupiny ma Yerusalem. To Yerusalem ladoŋ ay malo i kabedo pere wok i Waŋkac pa Benyamin tundo i waŋkac marapena, kiri i Waŋkac ma Sonda, kodi wok iy'acurcur ma Hananel tundo i kadhiŋo vini pa kere.

Zekaria 6:12

Iwaci rigo ni, Rwoth pa lwak jolweny waco ni, ‘Neni, jal ma nyinge obedo Jangi yath; kole go ladongo i kabedo pere to geto Ot pa Rwoth.’

Kwan 24:18

Edom lalokere lim pajo, Edom lalokere lim pa jokwor pere, kareno Isiraili medere lokirok matek.