Amos 8:2 - KITAWO MALEŊ Catholic

² Rwoth openjan ni, “Amos, aŋo m'ineno?” Adwoko ni, “Adita mar'olemo.” Kenyo Rwoth owaco ran ama: Gike otundo kwoŋ ji paran Isiraili. Akibino doko wiro paro kwoŋ miyo jo gir'acula.

KITAWO MALEŊ

² Rwoth openjan ni, “Amos, aŋo m'ineno?” Adwoko ni, “Adita mar'olemo.” Kenyo Rwoth owaco ran ama: Gike otundo kwoŋ ji paran Isiraili. Akibino doko wiro paro kwoŋ miyo jo gir'acula.

Amos 8:2 ပူးပေါင်းရင်းမြစ်များ

Cakirok 6:13

Aka Were owaco ri Nowa ni, “Atieko miyere reyo woko gima kwo je. Abino reyo woko jo kicutho rupiri piny opoŋ tim pajo mar'akaka.

Isaya 28:4

Ŋono madwoŋ pere lacale paka mawuwa ma thwo, manitie i wi milelo ma diwa, labedo paka nyandere macek marapena mafodi milengela; nyatoro je ma neno camo woko tekin podho i cinge.

Yeremia 40:10

Paka ri an, alabedo i Mizipa cungo ikawaŋ win ruwaŋ Jobabilon ma jobino bongi wan. To riwin, coki win vini kodi olemo ma cwir kodi mo, wikan iy'atewe mewin, to wibedo i tindin ma wimako.”

Yeremia 5:31

Jotuci wac Were jotuco wac ma twodo, aka jocway ri Were i wi migam joluwo gima jotuci wac Were jowaco rijo. Ji paran jomito wobedi ameno, to winotim nedi ka gike otundo?”

Ywakirok 4:18

Jorango tiendi wan, ŋey wakinyalo wotho i royin, gike mawan ocore cegin, ndelo mawan oyido kwanere, kole gike mawan oyido otundo.

Ezekiel 12:23

Riameno wac rijo ni, Rwoth Were waco ama: Alamiyo ageca me worweny, aka kilaoro kendo i Isiraili. To wac rijo ni, ndelo ocore cegin, aka kisi menyirok latundo i kare.”

Ezekiel 29:8

Riameno, Rwoth Were waco ama: Alakelo abor kwoŋ win, aka alaneko woko ji kodi ogwaŋe.

Ezekiel 3:10

Go owaco ran ni, “Wod dhano, Wac paran je m'aluwo rin jol i cunyin aka winji gi ithin.

Ezekiel 3:7

To ot pa Isiraili jokilawinjin, kole jokwero winjan; kwoŋbedo jobedo jowictek aka jonitie gi cuny matek.

Ezekiel 7:6

Gike obino, gike otundo, oay kwoŋ win, neni, bino!

Ezekiel 8:12

Kenyo go owaco ran ni, “Wod dhano, itieko neno gima jodongo ma ot pa Isiraili jotimo i mudho, kisi dhano i kisika ma cal pere m'ogor. Kole jowaco ni Rwoth kinen wan, Rwoth otieko jwango piny.”

Ezekiel 8:17

Kenyo go owaco ran ni, “Wod dhano, obedo gima sew ri ot pa Yuda nike jotieko timo amien ma jotimo ka? Jotieko poŋo i piny akaka, to jokwinyo nge paran, neni, jodienyo um gin.

Ezekiel 8:6

Go owaco ran ni, “Wod dhano, ineno wok kwoŋ gima jotimo, amien madwoŋ ma ot pa Isiraili ka, ma rieman woko i kabedo paran maleŋ. Wire kendo, aka ilaneno amien madwoŋ loyo.”

Hoseya 9:7

Ndelin ma gir'acula otieko bino, ndelin ma gir'acula ripo wotundi; Isiraili ywak ni, “Jatuci wac Were obedo ŋatamiŋ, jal ma cuny olokere janeko!” Ro reco mewin madwoŋ, dakirok mewin dwoŋ.

Amos 7:8

Aka Rwoth openjan ni, “Amos, ineno aŋo?” Adwoko ni, “Aneno kabiro.” Kenyo Rwoth owaco ama: Neni, aoro kabiro me, ma nyutho ni ji paran Isiraili, jocale kor ot m'oban. Akibino wiro paro paran ma miyo jo gir'acula.

Amos 8:1

Rwoth Were onyuthan menyirok man. Aneno adita mar'olemo.

Mika 7:1

Kidamba ran! Kole onyo acalo, ŋata kec neko ma kinwaŋ olemo m'odoŋ wi yen, kosa nyingi vini i tiendi yath vini acama. Nyingi vini je gi nyandere je mamit otiek fono woko.

Zekaria 5:2

Malaika openjan ni, “Ineno aŋo?” Adwoko ni, “Aneno Papila m'omin ma ay, boro mere mita apar, aka laco mere mita abic.”