Amos 7:17 - KITAWO MALEŊ Catholic

¹⁷ “Riameno Rwoth waco rin ni, ‘Dhako perin bino lokirok malaya i tindi madwoŋ, aka wotin gi nyikin jobino tho g'abor. Lowo perin ibino poko t'imiyo ji man, aka in won ibino tho i piny makoc, adieri ibino kwanyo woko Joisiraili wok i piny pajo bedo jowiloka.’ ”

KITAWO MALEŊ

¹⁷ “Riameno Rwoth waco rin ni, ‘Dhako perin bino lokirok malaya i tindi madwoŋ, aka wotin gi nyikin jobino tho g'abor. Lowo perin ibino poko t'imiyo ji man, aka in won ibino tho i piny makoc, adieri ibino kwanyo woko Joisiraili wok i piny pajo bedo jowiloka.’ ”

Amos 7:17 ပူးပေါင်းရင်းမြစ်များ

2 Kerin 17:6

I oro mar'abuŋwen ma dhum pa Hoseya, kere ma Asiria omako Samaria, aka otero Joisiraili i Asiria paka jotwec lweny. Oketho jo bedo i tindi madwoŋ Hala, megi cegin gi malawa Habor iy'adec ma Gozan, aka megi i tindin madongo ma Madiya.

Zabuli 78:55

Oriemo woko nonin ruwaŋ jo, ofudo rijo lim pajo, to ketho nonin pa Isiraili i wemin pajo.

Isaya 13:16

Nyithindho pajo ilaŋinyo mathindho thindho ruwaŋ jo wegi; udi pajo ilakinyaga t'inindo gi mon pajo.

Isaya 22:18

aka lawitin to bolin paka mupira i piny malac. Ilatho kenyo i thengi cawilin perin m'oyido inor gine. Ibedo wickwot ri ot pa jadwoŋ perin.’

Yeremia 14:16

Aka ji ma joluwo rijo ilabolo jo i royin ma Yerusalem, joma kec kodi abor laneko jo. Ongoye ŋat'oyiki jo; jo wegi, mon pajo, wot jo, kodi nyiki jo. Kole alakonjo woko kidakana pajo kwoŋ jo.

Yeremia 20:6

Aka in, Pasur, kodi jopeco perin je, ilamako win t'itero win i twec i Babilon. Wilatho t'iyiko win koro, win kodi merin mewin je, m'itieko tuco rijo wac Were ma twodo.

Yeremia 28:12

Kare moro munyo jatuci wac Were Hanania otieko turo woko majogi wok i ŋuti jatuci wac Were Yeremia, wac pa Rwoth obino ri Yeremia ama:

Yeremia 28:16

Riameno Rwoth waco ama: Akidho kwanyin woko i piny. I oro me won ilatho, rupiri itieko luwo gwenyirok kwoŋ Rwoth.”

Yeremia 29:21

Rwoth pa lwak jolweny, Were pa Isiraili waco ama, ma mako Ahab wod pa Kolaya kodi Zedekia wod pa Maseya, ma joluwo gitwodo i nyingan. Akidho ketho jo i cingi Kere Nebukadineza ma Babilon, aka go laneko jo ka wineno.

Yeremia 29:25

Rwoth pa lwak jolweny, Were pa Isiraili waco ama: I nyingin won idhiro balwa ri ji je ma jonitie i Yerusalem, kodi ri jacway ri Were i wi migam Zefania wod pa Maseya, kodi ri jocway ri Were i wi migam je, k'iwaco ama:

Ywakirok 5:11

Inindo gi mon gi mbaka i Zayon, kiri nyir ma fodi jokuya cwo i tindin madongo i Yuda.

Ezekiel 4:13

Rwoth owaco ni, “Ameno apaka Joisiraili jolacamo mugat pajo, makoc i dier nonin m'abino ter'iye jo.”

Hoseya 9:3

Aka jok'odoŋ i lowo pa Rwoth; to Efrayim lagik Misir, aka jolacamo cemo makoc i Asiria.

Amos 6:7

Riameno wiŋati wilabedo marapena bedo jowiloka, aka kalima mewin bino tundo i gike.

Amos 7:11

Kole Amos waco ama: “Yerobowam bino tho g'abor, aka ibino kwanyo woko Joisiraili wok i piny pajo, kidho bedo jowiloka.”

Amos 8:1

Rwoth Were onyuthan menyirok man. Aneno adita mar'olemo.

Amos 9:1

Aneno Rwoth munyo ocungo dho migam, aka owaco ama: Goy win sirin ma Ot pa Were matek, ŋey kindi ot woyengere, aka wotur wopodhi wi ji. Jom'odoŋ abino neko jo i lweny. Ongoye ŋata bino ringo, aka ongoye ŋata bino kwalok.

Amos 9:8

Neni, waŋ Rwoth Were nitie kwoŋ ker mareco me Isiraili, abino reyo woko wok i piny. T'akibino reyo woko nyikway Yakobo je.

Mika 1:16

Lokere win jopata aka wiliel ye wiwin, ro nyithindho mewin ma wimaro, lokere win jopata paka ango rupiri nyithindho mewin jolakidho bedo jowiloka.

Zekaria 14:2

Alacoko nonin je i Yerusalem ri lweny, ilamako tindi madwoŋ, ilakinyaga udi, cwo jolapodho kwoŋ mon to jonindo gi jo akar, aka adec ma tindi madwoŋ lakadho i piny man; aka ji ma jodoŋ k'oŋadi jo woko wok kwoŋ tindi madwoŋ.