Amos 6:8 - KITAWO MALEŊ Catholic

⁸ Rwoth Were pa lwak jolweny waco ama: Adaki pakirok pa Joisiraili, aka acayo kapondo pajo. Abino miyo tindi madwoŋ pajo gi kisi gima nitie iye ri jokwor.

KITAWO MALEŊ

⁸ Rwoth Were pa lwak jolweny waco ama: Adaki pakirok pa Joisiraili, aka acayo kapondo pajo. Abino miyo tindi madwoŋ pajo gi kisi gima nitie iye ri jokwor.

Amos 6:8 ပူးပေါင်းရင်းမြစ်များ

Cakirok 22:16

aka owaco rigo ni, “An won akwoŋere, aka Rwoth waco ni, rupiri itimo gime aka ikithwonan wodin acel g'acel,

Zabuli 106:40

Kenyo nge pa Rwoth oay kwoŋ ji pere; aka ojok gi jo.

Zabuli 47:4

Go oyero riwan lowo ma wabed'iye, noro pa Yakobo ma go omaro.

Zabuli 50:12

“Kabedi kec oyido nekan, dinyo ikiwaco riwin, kole piny gi gima nitie iye je obedo aparan.

Zabuli 78:59

Munyo Were owinjo, opoŋ gi keme, to kwero Isiraili kicutho.

Agecin 8:13

Lworo Rwoth obedo kwero gimarac. Noro, gero, tim marac, gi wac twodo adaki.

Isaya 28:1

Kidamba ri sangaria ma noro, pa jomero ma Efrayim, ma ŋono madwoŋ pere cal mawuwa ma thwo; manitie i wi milelo ma diwa pa joma jolacere gi vini!

Yeremia 12:8

Alunja paran jotieko lokere ran, paka simbwor i lule. Otieko tiŋo dwonde kwoŋan, riameno adaki go.

Yeremia 22:14

Kidamba ri ŋata waco ni, “Alageto ot paran madwoŋ gi kisikin malac malo mere.” Go ketho dirisin iye, to ketho miango ma thigin mere ma yath sida, to goy'iye rangi m'obokere.

Yeremia 22:5

To ka wik'owinji wac me, awon akwoŋere, Rwoth waco, ni ot me bino lokere gunda.”

Yeremia 44:26

Riameno winji win wac pa Rwoth, win Joyuda je ma wibedo i piny Misir: E, akwoŋere gi nyingan madwoŋ, Rwoth waco, nike nyingan kilatuco i dhok Joyuda ma jobedo i piny Misir, ka jowaco ni, ‘Paka Rwoth Were kwo.’

Yeremia 49:13

Kole an won atieko kwoŋirok, Rwoth waco, nike Bozra lalokere gibwok aka gi minyom, gunda kodi gi kwoŋ, aka tindi pere je ladoŋ gundin kicutho.

Yeremia 51:14

Rwoth pa lwak jolweny won gipi otieko kwoŋere: Adieri alapoŋin gi jolweny paka tome bonyo, aka jolagoyo koko ma kikengila kwoŋ win.

Ywakirok 2:5

Rwoth olokere paka jakwor, go oreyo woko Isiraili. Go oreyo woko cel pa kere je, to sika woko kapondo mere; aka omedo kwoŋ ji ma Yuda, ywak kodi rem.

Ezekiel 24:21

waco ri Joisiraili ni Rwoth Were waco ama: Acegin koco kamaleŋ paran, kwoto ma meni mewin, yodirok ma waŋ win, kodi awanya ma cuny win; aka nyithindho mewin ma wiweyo i Yerusalem ilaneko jo.

Hoseya 11:6

Abor liel i tindin madongo pajo, lareyo woko nywenye ma waŋkac mere, to cuto jo kwoŋbedo nyaliŋliŋ pajo.

Jolevi 26:11

Alaketho kabedo paran i dier win, aka ak'ojwangi win.

Jolevi 26:30

Alareyo woko kabedo mewin manyakafir t'aturo piny migam mewin ma buban; aladhuro cokin mewin i wi cokin pa cal mewin. Aladak win.

Amos 3:10

Rwoth waco. Jokuya timo tiro, aka jopoŋ gi neki kodi akaka i kapondo pajo.

Amos 3:11

Riameno me apaka Rwoth Were waco, jakwor bino thoko piny pajo, to reyo woko sigingi pajo, to jonyaga woko udi pajo.

Amos 4:2

Rwoth Were leŋ, aka waco ama: Ndelo bino m'ibino ywayo win gi siragetere; kisi nyatoro kwoŋ win bino cale rec i siraget.

Amos 5:21

Adaki kendo acayo kalimin mewin, akisangala gi cokirok mewin maleŋ.

Amos 8:3

I ndelo no, wer ma peco pa kere, bino lokirok ywak ajore. Delkwoŋ ji m'otho bino more kisi kamoro; aka ibino bolo jo woko liŋ, Rwoth Were waco.

Amos 8:7

Rwoth Were pa Isiraili otieko kwoŋere ama: Wiyan k'owil gi tim pajo marac.

Zekaria 11:8

Asika woko jokwath rombo adek i dwe acel, akibedo moth gi jo, aka bende jodakan.

Kitawo mar'abic mapa Musa m'ilwoŋo ni Cik 32:19

Rwoth oneno aka omako nge, okwedo jo paka nyithindho pere, kwoŋbedo jomiyo go nge.