Amos 6:10 - KITAWO MALEŊ Catholic

¹⁰ Aka wat pa jacwo m'otho, ŋata waŋo delkwoŋ go, bino tero delkwoŋ go woko ma ot. Wat no bino lwoŋo ŋata nitie i ot ni, “Nitie ŋatiman manitie kodin kenyo?” Dwondi nyatoro bino waco ni, “Be!” Aka wat no bino waco ni, “Liŋ! Wakiri watuci nyingi Rwoth.”

KITAWO MALEŊ

¹⁰ Aka wat pa jacwo m'otho, ŋata waŋo delkwoŋ go, bino tero delkwoŋ go woko ma ot. Wat no bino lwoŋo ŋata nitie i ot ni, “Nitie ŋatiman manitie kodin kenyo?” Dwondi nyatoro bino waco ni, “Be!” Aka wat no bino waco ni, “Liŋ! Wakiri watuci nyingi Rwoth.”

Amos 6:10 ပူးပေါင်းရင်းမြစ်များ

2 Kerin 23:16

Kenyo kere Yosia oŋiyo korin gi korin to neno kaliele mogo kenyo i wi tendere. Owaco wogol woko cokin mere wowaŋ i wi migam ŋey wokiri woor kendo. Gime otimere paka jatuci wac Were moro owaco munyo kere Yerobowam oyido ocungo i wi migam no i kalima moro. Kere Yosia oŋiyo korin gi korin aka oneno kaliel pa jatuci wac Were m'owaco ni gigipiny me bino timere,

2 Kerin 6:33

Aka ma fodi Elisa luwo, kere obino bonge aka owaco ni, “Rwoth am'okelo teko me kwoŋ wan! Raŋo akuri go wotim gimoro?”

Yeremia 16:6

Jomadongo gi jomathindho jolatho i piny me; k'oyiki jo, aka ongoye ŋata laywako jo; ongoye ŋata lalielo kosa cido ye wiye rijo.

Yeremia 44:26

Riameno winji win wac pa Rwoth, win Joyuda je ma wibedo i piny Misir: E, akwoŋere gi nyingan madwoŋ, Rwoth waco, nike nyingan kilatuco i dhok Joyuda ma jobedo i piny Misir, ka jowaco ni, ‘Paka Rwoth Were kwo.’

Yeremia 9:21

“Tho otieko bino i dirisin mawan, otieko donjo i cel mawan, ma neko woko nyithindho wok i royin kodi yac wok i kam'othangere.”

Ezekiel 20:39

Paka riwin, awi ot pa Isiraili, Rwoth Were waco. Kadhi witiy ri calin mewin kisi dhano kwoŋ win pama kodi rumacen k'inen wikilawinjan. To wikilakoco nyingan maleŋ kendo gi mic mewin kodi calin mewin.

Ezekiel 24:21

waco ri Joisiraili ni Rwoth Were waco ama: Acegin koco kamaleŋ paran, kwoto ma meni mewin, yodirok ma waŋ win, kodi awanya ma cuny win; aka nyithindho mewin ma wiweyo i Yerusalem ilaneko jo.

Amos 5:13

Riameno ŋata luwo adieri bino liŋ, i hongo paka ama rupiri obedo hongo ma raco.

Amos 8:3

I ndelo no, wer ma peco pa kere, bino lokirok ywak ajore. Delkwoŋ ji m'otho bino more kisi kamoro; aka ibino bolo jo woko liŋ, Rwoth Were waco.

Kwan 17:12

Joisiraili jowaco ri Musa ni, “Watho woko ka warumo, warwenyo, wajoje warwenyo!

1 Samwiri 31:12

cwo ma jomiseni joay to jocako woth wor gipi, aka jokwanyo delkwoŋ Saulo kodi wote wok i kor cel ma tindi Bethsan, jodwoko gi jo Yabes, aka jowaŋo kenyo.