Amos 5:16 - KITAWO MALEŊ Catholic

¹⁶ Riameno me apaka Rwoth, Were pa lwak jolweny waco: Bino bedo ywak gi kumo i yo ma tindi madwoŋ. Kiri jofur je ibino lwoŋo jo ywako jom'otho, kanyacel gi ji m'iculo jo ma ywak.

KITAWO MALEŊ

¹⁶ Riameno me apaka Rwoth, Were pa lwak jolweny waco: Bino bedo ywak gi kumo i yo ma tindi madwoŋ. Kiri jofur je ibino lwoŋo jo ywako jom'otho, kanyacel gi ji m'iculo jo ma ywak.

Amos 5:16 ပူးပေါင်းရင်းမြစ်များ

2 Kigana kwoŋ Kerin 35:25

Yeremia jatuci wac Were, kodi jower je jocwogo wer ajore ri kere Yosia. Gime olokere kwer ri jower i Isiraili, wero wer ajore me ka joywako go, aka ondiki i wer je mar'ajore.

Isaya 15:8

Kole ywak owinjere, thoko adec ma Mowab. Ywak winjere kiri i Egilayim, tundo kiri i Berelim.

Isaya 22:12

I ndelo no Rwoth Were pa lwak jolweny olwoŋo ndur gi ywak, cido ye wiwin gi ruko kutiya.

Yeremia 30:5

Rwoth waco ama: Watieko winjo ywak ma kirin, ywak ma lworo kodi ngoye pa siem.

Yeremia 4:31

Kole awinjo ywak, ma cale gi ywak pa dhako ma ŋedi ramo, pa litho pa dhako manywolo nyathi pere makayo. Ywak pa Yerusalem ka dwanyere ri luya, yaro cinge aka waco ni, “Kidamba ran! Cunyan gore ruwaŋ jonek paran!”

Yeremia 9:10

Awaco ni, “Alabiyo pigi waŋan ri gote, kodi ywak ri lum ma thim, rupiri jotieko thwo, aka ongoye ŋata luwo i jo. Ywak pa dhok kiwinjere kendo; winyin kodi ogwaŋe madudi jotieko ringo to jokadho.”

Yeremia 9:16

Alakedho jo i dier nonin ma jo kosa kwarere pajo fodi jokuya; aka aladhiro abor to luwo jo, cuka anorey jo kicutho.”

Hoseya 4:3

Riameno piny ywak, aka ji ma jobed'iye mbaka loyo jo; kanyacel g'ogwaŋe mager, kodi winyin ma koyo, kiri rec ma nam josika woko.

Yowel 1:11

Bedi win giwickwot, win jofur, goy win lelo, win jolwer yen vini, kwoŋ ŋano kodi bale; rupiri ranyak ma ndelo osika woko.

Yowel 1:14

Loki win maleŋ riyo kec, lwoŋ win cokirok maleŋ, Coki win jom'otegino je, kodi ji je ma jobedo i Yuda, i Ot pa Rwoth Were mewin, aka wiywak ri Rwoth.

Yowel 1:15

Kidamba ri ndelo no! Kole ndelo pa Rwoth orikere, aka bino paka rerok ma wok bongi Jameni Je.

Yowel 1:8

Goy win lelo paka nyako mambula m'oruko kutiya, ri cwore ma soye pere.

Amos 3:13

Winji pama aka i gwok nyikway Yakobo, Rwoth Were, pa Lwak Jolweny waco.

Amos 5:27

Riameno abino tero win bedo jowiloka i piny kalo Damasiko, Rwoth ma nyinge obedo Were pa lwak jolweny waco.

Amos 8:10

Abino loko kalima mewin kaliel, kodi wer mewin ywak ajore. Abino kelo pata wiwin to wiruko kutiya. Wibino cale jonywol, ma joywako nyaka wod gin acel. Ndelo no bino bedo magway kiri i gike.

Amos 8:3

I ndelo no, wer ma peco pa kere, bino lokirok ywak ajore. Delkwoŋ ji m'otho bino more kisi kamoro; aka ibino bolo jo woko liŋ, Rwoth Were waco.

Mika 1:8

Ro gime abino ywak, t'auja aka ma nyutho rembo paran abino wotho gi par tiendan aka kinyoro. Abino jero paka ogwaŋe madudi, t'auja paka maya.

Mika 2:4

Ka ndelo otundi, ji jobino oro kigana ma mako kwoŋ win paka gir'anena ma kidamba, aka jobino kiuja, to joywak gi gwayo, ka jowaco ni, “Orey wan woko kicutho. Rwoth omayo wan lowo mawan, to poko ri joma jomako wan.”

Menyirok ri Yohana 18:10

Jobino cungo gi bor swa, kareno jolworo candirok pere, to jowaco ni: “Awi candi, awi candi otundo rin, tindi madwoŋ ma Babilon ma dimeni! Rerok perin obino nyaka i hongo ma sawa acel won!”

Menyirok ri Yohana 18:19

Jobino ywoyo fukefuke i wiy gin, ka joywak gi rem ni, “Awi candi, candirok madwoŋ otundo ri tindi m'ombo me! Go onwaŋo a tindi ma ji je ma jonigi mel i nam jolim'iye ŋaŋo wok kwoŋ ŋaŋo pere! Aka i hongo ma sawa acel won go onyo otieko kiri rere woko!”