Amos 2:4 - KITAWO MALEŊ Catholic

⁴ Me apaka Rwoth waco: Ji ma Yuda jomedere timo reco kendo, aka ro gime, akibino wiro gir'acula pajo, rupiri jokwero cik pa Rwoth, aka jok'oluwo or pere. To twodo pajo omiyo jo rwenyo, ka jolamo werin makicar paka kwarere pajo.

KITAWO MALEŊ

⁴ Me apaka Rwoth waco: Ji ma Yuda jomedere timo reco kendo, aka ro gime, akibino wiro gir'acula pajo, rupiri jokwero cik pa Rwoth, aka jok'oluwo or pere. To twodo pajo omiyo jo rwenyo, ka jolamo werin makicar paka kwarere pajo.

Amos 2:4 ပူးပေါင်းရင်းမြစ်များ

2 Kerin 17:19

To ji ma Yuda bende jok'okuro Or pa Rwoth Were pajo, joluwo kwer ma Joisiraili jocako.

2 Kigana kwoŋ Kerin 25:14

Munyo Amaziya odwoko wok neko Joedom, okelo werin ma Edom to ketho jo paka werin pere, to lamo jo, ka miyo jo cowirok.

2 Kigana kwoŋ Kerin 30:7

Wikiri wibedi paka kwarere mewin gi Joisiraili wadi win ma jok'ogeno Rwoth Were pajo. Paka winyalo neno, omiy jo gir'acula malith.

Nehemia 1:7

Watimo gikidakana kwoŋin aka wakitimo paka or perin waco. Wakikuro cik m'imiyo wan luwo kwoŋ Musa, ŋeca perin.

Nehemia 9:26

“To ji perin jogwenyere aka jok'owinjin, jowiro dieŋey jo ri Cik perin. Joneko jotuci wac Were ma jogwoko jo, ma jowaco rijo gik bongin. Jocayin swa.

Isaya 28:15

Kwoŋbedo witieko waco ni, “Watieko timo cikirok gi tho, watieko yerok gi piny pa jom'otho, ka goco ma teko oluwi, kilatundo bongi wan, kole watieko loko gima k'adieri kapondo mawan, gi twodo kabwok mawan.”

Isaya 44:20

Go pidhere gi buru, cuny ma komo otieko rwayo go, aka kinyal botho kwo pere kosa waco ni, “Gima nitie i cingan maracuc me k'obedo gitwodo?”

Yeremia 16:11

Nyaka ibino dwoko jo ni: Obedo kwoŋbedo kwarere pajo jojwangan Rwoth waco, aka onyo jokadho ri werin man aka jotiyo rijo to jolamo jo, jotieko jwangan aka jok'okuro cik paran.

Yeremia 16:12

To win witieko timo marac loyo kiri kwarere mewin. Kisi dhano kwoŋ win wiye tek aka jareco, wikwero winjan.

Yeremia 17:27

To ka wik'owinjan, ma kuro ndelo ma sabato paka gimaleŋ, gi tiŋo bieto gi waŋkace ma Yerusalem i ndelo ma sabato, nyaka alamoko mac i waŋkace mere; bino waŋo woko cel ma Yerusalem aka ongoye ŋat'onyal neko.

Yeremia 6:19

Winji, awi piny, akidho kelo kidamba kwoŋ ji me, gima wok i can pajo, rupiri jokwero winjo wac paran; aka paka ri fonji paran, jotieko kwero woko.

Yeremia 8:2

Ibino yaro jo i waŋceŋ kodi dwe kodi lwak je ma polo, ma jotieko maro to jotiyo rijo, ma jotieko luwo, ma jotieko penjo jo gir'atima to jolamo. K'ocoki jo kosa k'oyiki jo; jolacale woyo dhiaŋ i wi lowo.

Yeremia 8:9

Ilakwoto wiy jomariek, jolamienere t'imako jo; paka onyo jotieko kwero wac pa Rwoth, rieko aŋo manitie i jo?

Yeremia 9:14

To kucel gi wictek jotimo gima cuny jo yenyo aka jotieko lamo Bal paka kwarere pajo ofonjo jo.

Ezekiel 13:22

Kwoŋbedo gi twodo mewin wicilo cuny joma timo gim'otire, aka wimiyo jokidakana meni medo timo kidakana aka jobotho kwo pajo.

Ezekiel 20:13

To kiri i thim, ot pa Isiraili jogwenyere kwoŋan, jok'owotho i cik paran, aka jokwero or paran ma ŋat'oluwi lakwo. Jokoco sabato paran, kenyo aparo kwoŋ konjo keme paran kwoŋ jo i thim, ma reyo woko jo.

Ezekiel 20:16

Atimo ameno kwoŋbedo oyido jokwero or paran, to joturo cik paran, jokoco sabato, aka joyero lamo cal pajo.

Ezekiel 20:18

Awaco ri nyithindho pajo i thim ni, wikiri wikuri cik ma jonywol mewin jotimo, kosa wiluw tim pajo, kosa wikocere gi cal pajo.

Ezekiel 20:24

Atimo ameno kwoŋbedo oyido jok'otimo or paran, to jokwero cik paran aka jokoco sabato paran to jolamo cal ma cango kwarere pajo jolamo.

Ezekiel 20:30

Riameno wac ri ot pa Isiraili ni Rwoth Were waco ama: Wilakocere gi kula pa kwarere mewin to wiluwo amien pajo?

Ezekiel 22:28

Jotuci wac Were mere jofuyo gimatar rijo, aka joneno twodo, jothiedho rijo gima k'obedo adieri, aka jowaco ni, Rwoth waco ama; ma Rwoth fodi k'oluwo.

Ezekiel 22:8

Wikiwor Kabedo Maleŋ, aka wikikur sabato.

Hoseya 12:2

Rwoth segeya Yuda, aka go lamiyo Yakobo gir'acula cungo kwoŋ tim pere, to culo go paka tim pere nitie.

Hoseya 12:3

Omako omin go gi tiende i ici, aka munyo otegino olwenyo gi Were.

Hoseya 6:11

Ri in bende, Awi Yuda, keco otundo, m'aladwok'iye silwany pa ji paran.

Amos 1:3

Me apaka Rwoth waco: Ji ma Damasiko jomedere timo reco kendo, aka ro gime abino miyo jo gir'acula adieri. Jotero ji ma Giliad gi gwayo.

Amos 3:2

Kwoŋ piny je, win kende am'atieko ŋeyo t'akwonga jo, riameno abino miyo win gir'acula, ro reco mewin je.

Mika 6:12

Joŋaŋo mewin jopoŋ gi maker, joluwo twodo, aka lew gin opoŋ luwirok kicar.

Habakuk 2:18

Cal nitie gi kony aŋo, ka jatim otieko payo, cal m'oleny ma fonjo twodo? Kole ŋat'otimo ketho geno pere i gim'otimo, kada ginago obedo cal ma kinyal luwo!

Joroma 1:25

Jowilo adieri kwoŋ Were gi twodo; jolamo aka jotiyo ri gima Were ocweyo kapa lamo Jacwec won, m'iripo pako cil gi cil. Ameno.

1 Jothesalonika 4:8

Am'omiyo, ŋata kwero fonji me kikwer wac pa dhano, to kwero Were won, ma miyo win Cuny Maleŋ pere.

1 Petero 1:18

Ato wiŋeyo gim'ocul ma gonyo win woko kwoŋ kwo masisiri ma winwaŋo wok bongi kwarere mewin, aka gim'onyewo win no k'obedo gimoro ma nyekere woko paka zahabu kosa feza,

Jothum Banja 10:6

Joisiraili kendo jotimo reco ruwaŋ Rwoth, aka jolamo Bal kodi Asitate were madhako, werin pa Josiria, werin pa Josidon, werin pa Jomowab, werin pa Joamon, kodi werin pa Jofilistia. Jojwango Rwoth, aka jok'olamo go.