Onyo citho ma kitipa pa jotuci wac Were okidho bongi Elisa to waco rigo ni, “Jadwoŋ, cworan otho! Paka iŋeyo, go oyido woro Were, t'onyo pama ŋat'oyido banja go pesa obino tero wotan paka cul ri banja pa cworan.”
Aka labedo, paka gi ji, ameno gi jocway ri Were i wi migam; paka ri ŋeca, apaka ri jadwoŋ pere, paka ri ŋeca madhako, apaka ri dhakodwoŋ pere, paka ri jamitan, apaka ri janyew, paka ri ŋata kopa, apaka ri ŋat'okopa go, paka ri ŋata banja, apaka ri ŋat'ibanja.
Me apaka Rwoth waco: Ji ma Isiraili jomedere timo reco kendo, aka ro gime akibino wiro gir'acula pajo, rupiri jotana jom'otire ri feza, kodi jocandi ri war.
Winji win gime, mon ma Samaria. Win ma wipoŋ pa dhok ma wi got Basan, m'ipidho maber, ma jodiyo jocandi, aka wiŋinyo joma cando gimoro. Wiwaco ri cwogi win, jowokeli riwin vini wimadhi.
To paka ŋato oyido ongoye gi nger ma culo banja no, rwoth pere owodho or nike wotana go, kodi cege kodi nyithindho pere kodi lim pere je, woculi banja no.
Pawinji win! Kemba ma wikiculo jotic ma jotiyo i ndelin mewin icade koko ka osa win. Aka ywak pa jokeco riwin otieko tundo i ithi Were, Rwoth pa lwak jolweny!