Agecin 20:6 - KITAWO MALEŊ Catholic

⁶ Ji kweth jowaco ni jotimo adieri, to ŋa manyalo nwaŋo ŋata genere?

KITAWO MALEŊ

⁶ Ji kweth jowaco ni jotimo adieri, to ŋa manyalo nwaŋo ŋata genere?

Agecin 20:6 ပူးပေါင်းရင်းမြစ်များ

Zabuli 12:1

Rwoth, kony, kole ongoye ŋata lworo Were. Joma timo adieri je jokinwaŋere i dier wot ji.

Zabuli 12:2

Kisi nyatoro wondo jager pere, jopelere aka joluwo gi cuny gin ario.

Agecin 20:5

Atoŋa ma paro pa dhano cal pi maluth, to ŋatariek nyalo wodho kamaler.

Agecin 25:14

Ŋata pakere gi ciko mic ma kimiy, cale pondeponde gi koyo ma kikel koth.

Agecin 27:2

Weyi ŋatiman ama wopakin, makiweno dhokin won, jakicar, makiweno in won.

Jafonji 7:28

m'adundo paran otieko rango, to fodi akinwaŋo. Anwaŋo jacwo acel kwoŋ gana acel, t'akinwaŋo dhako kwoŋ jome je.

Yeremia 5:1

Ji ma Yerusalem, ŋwec win malo gicen, ŋwec win i royin mewin, aka mondo neni win kor gi korin aka wipar kwoŋe! Woth win i katale mere je winen ka inyalo nwaŋo dhano acel ma timo gim'otire aka dwaro tiro ŋey anyal cwako Yerusalem.

Mika 7:1

Kidamba ran! Kole onyo acalo, ŋata kec neko ma kinwaŋ olemo m'odoŋ wi yen, kosa nyingi vini i tiendi yath vini acama. Nyingi vini je gi nyandere je mamit otiek fono woko.

Mika 7:2

Joma jolworo Were jorere woko wok i piny, aka ongoye ŋat'otire kwoŋ ji; joje jokuro nekirok, aka kisi nyatoro dwaro omin gi bwo.

Matayo 6:2

Am'omiyo ka wimiyo jacandi gimoro, wikiri wiasa nyutho kamaler, paka joma rendere jotimo i kalamo pa Joyuda kodi i royo m'okare i tindi. Jotimo ameno nike ji jowopaki jo. Adieri awaco riwin, otiek miyo jo kemba pajo m'opoŋ.

Luka 18:11

Jafarisayo ocungo to kwayo ni, ‘Were afoyin nike akical jomegi ma jomay ji gigipiny, jodiy wadi gin, jocot paka ji man, aka maloyo meno akical jacoki misolo me.

Luka 18:28

Gikenyo Petero owaco ni, “Neni, kole watieko weyo pecin mawan waluwin.”

Luka 18:8

Aridho riwin ni go bino neno gimaber wotim rijo, kendo bino timo ameno i yoto. To ceŋ ma Wod Dhano odwok'iye, onwaŋ yeyo moro i piny?”

Luka 22:33

Petero odwoko ni, “Rwoth, ayere kidho i twec kendo kada tho kodin!”

Yohana 1:47

Munyo Yesu oneno Nathanel, oluwo kwoŋe ni, “Me Jaisiraili mar'adieri; ongoye komo moro kwoŋe!”

2 Jokorintho 12:11

Onyo alokere paka ŋatamiŋ, aka wiŋati wimiyan abedo ameno. Kole wiŋati onwaŋo wiripo foyan, rupiri kad'akibedo gimoro, t'akinicen loyo jomoor mewin manyakare no.