Agecin 18:10 - KITAWO MALEŊ Catholic

¹⁰ Nyingi Rwoth obedo acurcur matek, jono ma jotimo gim'otire joring'iye aka jokirom gi teko.

KITAWO MALEŊ

¹⁰ Nyingi Rwoth obedo acurcur matek, jono ma jotimo gim'otire joring'iye aka jokirom gi teko.

Agecin 18:10 ပူးပေါင်းရင်းမြစ်များ

Cakirok 17:1

Munyo Abram jaoro piero abuŋwen g'abuŋwen, Rwoth omenyere rigo aka owaco rigo ni, “An Were Majameni je; winjan, aka noknok tim gi tiro.

Cakirok 32:11

Bothan, akwayin wok i cingi omin an, wok i cingi Esau, rupiri alworo go, rupiri go nyalo bino to neko wajoje, kiri mon gi nyithindho.

2 Samwiri 22:2

Rwoth a tele paran, kapondo paran, aka jaboth paran.

2 Samwiri 22:3

Were paran obedo tele paran, i go a kapondo paran. Kwot paran, aka meni paran ma bothi, kapondo paran, jaboth paran; ma bothan wok iy'akaka.

2 Samwiri 22:51

Were miyo kikengila madongo ri kere pere; go nyutho mar makiwire ri ŋata go oyero, ri Daudi gi nyikwaye cil gi cil.

Zabuli 144:2

Go obedo tele paran gi kapondo paran, kapondo paran gi jaboth paran, kwot paran, m'apondo bonge, go ketho nonin i dhum pere.

Zabuli 18:2

Rwoth obedo tele paran, kapondo paran aka jaboth paran. Were paran obedo tele paran, i go a kapondo paran. Kwot paran, aka meni paran ma both, kapondo paran.

Zabuli 20:2

Rwoth wodhiri rin kony wok i Ot pa Were, aka wothielin wok i got Zayon.

Zabuli 27:1

Rwoth obedo lero paran aka bothi paran, anolwor ŋa. Rwoth obedo kapondo ma kwo paran, ŋa m'obwokan.

Zabuli 91:14

Were waco ni, “Abino botho jono ma jomaran, t'akwonga jono ma joyeyan paka Rwoth.

Zabuli 91:2

nyalo waco ri Rwoth ni, “Ibedo kapondo paran aka ikwonga an. Ibedo Were paran, agenin.”

Kitawo mar'ario mapa Musa m'ilwoŋo ni Wok 6:3

Amenyere ri Abraham, Isaka, kodi Yakobo paka Were Majameni je, to akinyuthere rijo gi nyingan maleŋ, Rwoth.

Agecin 14:26

I lworo Rwoth dhano cungo ma kiyengere, aka nyithindho pa nger ŋato jolanwaŋo kapondo.

Agecin 29:25

Lworo dhano obedo ciko bwo, to ŋata geno Rwoth bedo maber.

Isaya 26:4

Kethi geno i Rwoth cil gi cil, kole Rwoth Were, obedo tele ma cil gi cil.

Isaya 57:15

Kole Jamalo swa, ŋataleŋ waco, go makwo cil gi cil, ma nyinge Leŋ. Abedo kam'oŋawere, kamaleŋ, gi jono bende ma joŋuto aka jobwonere i cuny, dwoko cuny jomamwol, gi dwoko cuny joma ŋuto reco.

Isaya 9:6

Kole riwan, nyathi onywole! Omiy wan nyathi majayac! Dhum nitie i goke, aka ilalwoŋo go ni jadiy cuny ji ma Gir'aura, Were Majameni, bawan ma cil gi cil, Kere ma siem.

Yeremia 23:6

I hongo pere ilabotho Yuda kodi Isiraili aka ji ma Isiraili jolabedo i siem. Aka me a nyingi m'ibino lwoŋo gine go: “Rwoth a tiro mawan.”

Habakuk 3:19

Rwoth, Were, obedo meni paran; go timo tiendan paka tiendi apol, aka miyan awotho i kabedo paran m'oŋawere.

Matayo 1:23

“Nyako mambula bino gamo iye, to nywolo nyathi majayac, m'ibino cwoko nyinge ni Manwer.” Dwoŋ mere ni, “Were nigi wan.”

Menyirok ri Yohana 1:8

“An a marapena kendo macowe,” Rwoth Were Majameni je waco; go manitie pama, m'obedo con, kendo bino bedo.

1 Samwiri 17:45

Daudi odwoko ni, “Ibino lweny kodan g'abor, toŋ, gi toŋ, t'abino lweny kodin i nyingi Rwoth pa lwak jolweny, Were pa jolweny pa Joisiraili ma icayo.

1 Samwiri 30:6

Daudi oyido nitie i teko rupiri cwo pere oyido jonitie gi gwayo i cuny jo aka oyido joluwo kwoŋ goyo Daudi gi telin ro nyithindho pajo. To Rwoth Were pere miyo go miseni.