Agecin 13:13 - KITAWO MALEŊ Catholic

¹³ Jono ma jokwero fonji m'imiyo jo, jokelo rerok kwoŋ jo, to jono ma jowinjo or ibino miyo jo kemba.

KITAWO MALEŊ

¹³ Jono ma jokwero fonji m'imiyo jo, jokelo rerok kwoŋ jo, to jono ma jowinjo or ibino miyo jo kemba.

Agecin 13:13 ပူးပေါင်းရင်းမြစ်များ

2 Kigana kwoŋ Kerin 36:16

to jomedo ŋalo jomikwenda pa Were, cayo wac pa Were, kodi nyero jotuci wac Were pere, tundo kama keme pa Rwoth olokere madwoŋ kwoŋ jo to m'ongoye both.

Ezira 10:3

Onyo weyi watim cikirok gi Were mawan riemo woko mon me je gi nyithindho pajo. Walaluwo rieko ma in gi jono ma jolworo or pa Were mawan winomiy. Walatimo gima cik pa Were waco.

Zabuli 115:13

Go bino miyo silwany jono je ma jolworo Rwoth, mathindho gi madongo.

Zabuli 119:165

Jono ma jomaro cik perin jonitie gi siem madwoŋ, ongoye gima miyo jo cer.

Zabuli 19:11

Miyan, ŋeca perin rieko, aka nitie kemba madwoŋ i kuro.

Zabuli 19:12

To ŋa manyalo neno komo pere? Bothan, Awi Rwoth, kwoŋ komo m'opanere!

Kitawo mar'ario mapa Musa m'ilwoŋo ni Wok 9:20

Megi kwoŋ jodhum pa Farawo lworo omako jo ro gima Rwoth oyido owaco, aka jokelo ŋecin pajo g'ogwaŋe pajo i udi.

Agecin 1:25

Wikidewo kwoŋ rieko paran je m'amiyo win, aka wikiyeyo ni atir win.

Agecin 13:12

Ka geno owire cuny jo ŋedhere, to ka gim'oyido iparo otundo i kare bedo yath ma kwo.

Agecin 13:21

Lifol luwo joreco, to gigipiny mabeyo labedo kemba pa jom'otire.

Agecin 16:20

Jono ma jociko ithi jo i gimoro jolanwaŋo bero, aka josilwany a jono ma jogeno i Rwoth.

Agecin 19:16

Jono ma jokuro or jolakwo, to jono ma jokikure i yo pajo jolatho.

Isaya 66:2

An, aŋat'acweyo gigipiny me gi cingan, aka je jobedo aparan, Rwoth waco. To me a ŋat'aladwaro, ŋata mwole aka bwonere i cuny ma kirin i wac paran.

Yeremia 43:2

Azaria wod pa Hosaya kodi Yohana wod pa Kareya kodi cwo je ma jocay jowaco ri Yeremia ni, “Iwaco twodo. Rwoth Were mawan k'oorin waco nike wakiri wakidhi i Misir bedo koro.

Ezekiel 20:13

To kiri i thim, ot pa Isiraili jogwenyere kwoŋan, jok'owotho i cik paran, aka jokwero or paran ma ŋat'oluwi lakwo. Jokoco sabato paran, kenyo aparo kwoŋ konjo keme paran kwoŋ jo i thim, ma reyo woko jo.

Ezekiel 20:16

Atimo ameno kwoŋbedo oyido jokwero or paran, to joturo cik paran, jokoco sabato, aka joyero lamo cal pajo.

Ezekiel 20:24

Atimo ameno kwoŋbedo oyido jok'otimo or paran, to jokwero cik paran aka jokoco sabato paran to jolamo cal ma cango kwarere pajo jolamo.

Malaki 3:16

Kenyo jom'oyido jolworo Rwoth joluwo wegi, aka Rwoth owinjo gima jowaco, aka kitawo pa ji ma jolworo Rwoth aka joworo go ondiki.

Kwan 15:31

Rupiri go ocayo wac pa Rwoth to turo or pere, nger ŋato ibino riemo go kicutho to bielo banja.

Matayo 5:12

Yodere win aka wisangala, rupiri kemba mewin obedo m'oasere i polo. Me apaka cango jotimo kiri ri jotuci wac Were macon.

Luka 16:31

To Abraham waco rigo ni, ‘Ka jok'onyal winjo wac pa Musa kodi apa jotuci wac Were, meno bende jok'owinji makada nende nyatoro oay wok bongi jom'otho to kidho.’ ”

2 Yohana 1:8

Am'omiyo, kure win, ŋey gima witieko tiyo rigo wokiri wobudhi win, to wilimi kemba mewin m'opoŋ.