Jolawito feza pajo i royo, zahabu pajo lalokere gimakoc. Feza pajo kodi zahabu k'onyal konyo jo, i ndelo ma keme pa Rwoth. Jok'oyeŋ kec pajo, aka iy jo k'opoŋ, kwoŋbedo jolokere gi timo reco pajo.
Feza pajo kosa zahabu pajo, kilabotho jo, i ndelo ma keme pa Rwoth, i mac ma nyeko pere, piny gipi larere woko, gi mac ma nge pere. Go laketho gike abwap ri ji je ma jobedo i piny.
To initie gi wictek aka cunyin dicay. Am'omiyo iwon imiyo gir'acula perin labedo madwoŋ swa i ndelo ma keme pa Were bino nyuther'iye ma thumo banja mar'adieri.
Am'omiyo, paka gimarac odhumo i royo ma tho, ameno bende nema pa Were dhumo i royo ma kwanyo woko banja kwoŋ ji, munyo tero jo i kwo makirum kwoŋ Yesu Kristo Rwodhiwan.