2 Timothe 3:6 - KITAWO MALEŊ Catholic

⁶ Jomegi kwoŋ jo jodonjo i udi to jodiyo mon ma miŋmiŋ, ma jopoŋ gi reco aka awanya ma nger je ywayo jo.

KITAWO MALEŊ

⁶ Jomegi kwoŋ jo jodonjo i udi to jodiyo mon ma miŋmiŋ, ma jopoŋ gi reco aka awanya ma nger je ywayo jo.

2 Timothe 3:6 ပူးပေါင်းရင်းမြစ်များ

Zabuli 38:4

Amunyere i mikula mareco paran, jobedo ran bieto ma ciro tek.

Isaya 1:4

Awi, piny m'opoŋ gi reco, ji mareco pajo pek rijo. Kodhi ma jotimo gimarac, nyithindho ma jodakana, jotieko jwango Rwoth, jotieko cayo Were maleŋ pa Isiraili, jotieko rwenyo kicutho!

Matayo 11:28

Biye win bongan wijoje ma wiol aka wilacere i tiŋo bieto mapek, labino miyo win ywomirok.

Matayo 23:13

Kidamba otundi riwin, jondiko kodi Jofarisayo, jorendirok! Wicego ri ji dhiot ma donjo i Ker ma polo, aka wiwegi wikidonj'iye, odoko wikiyey joma mito donjo jowodonji.

Matayo 23:14

[Kidamba otundi riwin, jondiko kodi Jofarisayo, jorendirok! Wimayo mon tho udi pajo, aka nyaka wirendere gi kwayo maboyo! Am'omiyo wibino limo gir'acula marac loyo]!

Matayo 4:24

Wac ma mako kwoŋe onyay i piny Siria gipi, m'omiyo ji jokelo rigo ji je m'onwaŋo jotwo kiti two m'opokere je, kodi ramirok ma nger je m'oyido cando jo: Ji ma jwogi nikwoŋ gin, joma tho fum, kodi jonyaŋinya; to Yesu botho jo je.

Mariko 4:19

to rembo ri kwo ma piny me, kodi awanya ma ŋaŋo ma piny kodi giman mathoth jomwonyo wac to kinyak gimoro.

1 Jokorintho 12:2

Wiŋeyo nike munyo oyido fodi wibedo joma bu Were oyido owondi win to itero win bongi cal makicar m'obedo obadha.

1 Timothe 5:6

To citho ma kethere yenyo gir'awanya meno otieko tho, kada nende go kwo i del.

1 Timothe 6:9

To joma jomito ŋaŋo jopodho i karatem to jomoko i bwo pa awanya. Aka jodonjo iy'awanya ma miŋo ma kelo litho, ma tero ji i nyekirok kodi i rerok woko.

Tito 1:11

Yenyere juko fonji pajo, rupiri joruwo pecin je munyo jofonjo gim'onwaŋo jokiripi fonjo, nyaka g'atoŋa ma limo pesa.

Tito 3:3

Kole wan wegi onwaŋo yado wamiŋ, wajocay, aka oyido orweny wan woko. Wan oyido wabedo ŋecin pa awanya kodi kisangala ma piny; oyido waoro kwo mawan ma timo ri ji raco kodi nyeko; oyido wadakere gi ji.

2 Petero 2:18

Joluwo wac ma miŋo gi pakirok, aka jooro awanya ma delkwoŋ gin ma ciko joma nyaka joeye kwoŋ joma nitie i royo ma kelo rwenyo.

2 Petero 3:17

To win, jowotan, paka witieko ŋeyo gime, onyo gwokere win aka moro wokiri wonyali wondo win gi fonji ma k'ago mapa joma kilwor cik to wipodho wok i kabedo m'oyido wicung'iye maber.

Yuda 1:16

Ji me noknok jogesa aka jopusa jowot jo. Jotiyo g'awanya pajo mareco, wegi joyumere aka jodwoŋo wadi gin, ŋey jowotimi gima wegi joyenyo.”

Yuda 1:18

Jowaco riwin ni, “I ndelo ma rumacen, ji jobino wok ariwa ma jobino nyero win, ji ma jotiyo g'awanya pajo mareco.”

Yuda 1:4

Kole jomoro m'otiek thumo rijo banja wok con, jotieko lwi to jodonjo nyaliŋliŋ i dier win ma wikineno. Jokuya Were aka jokomo fonji kwoŋ ŋono pa Were ma umo reco pajo aka jokwero Yesu Kristo, madwoŋ loyo kendo obedo Rwodhiwan.