2 Timothe 2:2 - KITAWO MALEŊ Catholic

² Ter wac m'iwinjan afonjo ruwaŋ jokony mathoth ma jowinjo, aka ikethi i cingi ji ma genere, ma bende jobino nyalo fonjo joman.

KITAWO MALEŊ

² Ter wac m'iwinjan afonjo ruwaŋ jokony mathoth ma jowinjo, aka ikethi i cingi ji ma genere, ma bende jobino nyalo fonjo joman.

2 Timothe 2:2 ပူးပေါင်းရင်းမြစ်များ

Ezira 7:10

Ezira oyido omiyere kisoma Cik pa Rwoth, gi timo gima cik waco, gi fonjo Joisiraili thenethene mere je.

Ezira 7:25

In, Ezira, cungo kwoŋ rieko ma Were ocweyin gine, yer jodhum gi jothum banja ma joluwo Cik pa Were perin dhumo ji ma yuwok ceŋ ma Yufrete. Aka iripo fonjo Cik ŋat'okuya kwoŋe je.

Nehemia 7:2

Amiyo omin an Hanani gi Hanania jamituka ma tindi madwoŋ kuro Yerusalem. Hanania oyido obedo jacwo ma genere aka lworo Were loyo ji kweth.

Zabuli 101:6

Abino nyutho ŋono ri jono ma jotimo adieri ri Were, aka abino weyo jo bedo kodan. Jono ma jotimo adieri kicutho, ama jobino tiyo ran.

Agecin 13:17

Jamikwenda marac kelo teko, to jamikwenda ma genere kelo both.

Yeremia 23:28

Weyi jotuci wac Were manitie gi lek wowaci, to weyi ŋata nitie gi wac paran woluwi wac paran ma k'onyeko. Bero aŋo ma kanja nitie gine k'opima gi ŋano? Rwoth penjo.

Jolevi 14:42

Jobino kwanyo telin man to joketho jo i kabedo pa telin no, to jokwanyo gifuyo man to jofuyo gine ot.”

Malaki 2:7

Rupiri dhok jacway ri Were i wi migam ripo gwoko rieko, aka ji joripo rango rieko wok bonge, rupiri go obedo jamikwenda pa Rwoth pa lwak jolweny.”

Kwan 12:7

K'ameno gi ŋeca paran Musa; go ama amiyo go kuro ji paran je Isiraili.

Matayo 13:52

Gikenyo go odwoko ni, “Am'omiyo, kisi jandiko ma Cik m'otiek fonjo ri Ker ma polo, cale gi won peco ma wodho gigipiny macon kodi manyen je wok i dero pere.”

Matayo 24:25

Neni win, eno atieko waco riwin gime mafodi ndir no k'otundo.

Luka 12:42

Rwoth odwoko ni, “Jatic ma kuro peco mene mariek? Meno a ŋata rwoth pere oketho go kuro peco gi poko ji cemo ka hongo otundo.

1 Jokorintho 4:2

Onyo gima yenyere kwoŋ dhano m'oketh i tic meno a genirok ri rwoth pere.

2 Jokorintho 2:14

To Were wofoy rupiri go noknok telo wan i loyo lweny i Kristo. Were oro wan paka jomikwenda pere ma miyo Kristo woŋeyere ri ji je pa ŋwece kur ma tweyo piny.

2 Jokorintho 3:5

To ki ni rupiri wawegi wan gi nyalo ma timo kisi gimoro, to nyalo mawan wok bongi Were.

Jokolosia 1:7

Wifonjere gime bongi Epafra, jatic kodi wan ma wamaro swa, aka obedo jatic ma genere ri Kristo kamawan.

1 Timothe 1:12

Afoyo Kristo Yesu Rwodhiwan, m'omiyan meni ma tic me, rupiri go oteran paka ŋata genere to kethan tiyo rigo.

1 Timothe 1:18

Timothe, nyathi paran, amiyin or me ma ripo gi wac m'otuci kwoŋin con. Weyi wac no wobedi gilweny perin munyo ilwenyo lweny maber,

1 Timothe 4:14

Ikir'ijala mic ma cuny ma inigine, m'omiyin munyo jotuci wac Were joluwo kwoŋe i ndir ma jodongo pa jom'oyeyo joketh'iye cingi gin kwoŋin.

1 Timothe 4:6

K'ifonjo jom'oyeyo wac me, ibino bedo jatic maber mapa Kristo Yesu, m'odongo gi wac ma yeyo kodi fonji ma go otieko mako.

1 Timothe 5:22

Ikir'ikwakere ketho cingin i wiy nyatoro ri tic pa Were. Odoko ikir'iriwere gimoro i tim pere mareco; bedi m'ilony.

1 Timothe 6:12

Tem paka inyalo lwenyo lweny maber ma yeyo, aka inolimi kwo makirum, kole me a kwo ma Were olwoŋin'iye munyo ituco maber yeyo perin ruwaŋ jom'oneno mathoth.

2 Timothe 3:10

T'itieko kikaŋasa fonji paran, kula paran, kodi atoŋa paran ma kwo. Itieko kikaŋasa yeyo paran, diyo cuny paran, mar paran, ciro paran,

2 Timothe 3:14

To in, medere iy'adieri m'ofonjin aka iyeyo m'icwiny'iye. Kole iŋeyo joma jofonjin adieri no,

Joebulaniya 2:17

Riameno, onwaŋo yenyere go wolokere paka wutmin i royo je, ŋey go wobedi jadwoŋ pa jocway ri Were i wi migam man gi wor kendo ma genere i tic pere ri Were, aka nyaka wogeŋ keme pa Were ri reco pa ji ŋey wocwaki jo.

1 Samwiri 2:35

Abino yero jacway ri Were i wi migam paran m'ogenere, go bino timo gimoro je paka amito. Abino miyo go nyikwaye ma jobino bedo jocway ri Were i wi migam ri kerin paran je m'owir gi mo ma cil gi cil.