2 Timothe 2:12 - KITAWO MALEŊ Catholic

¹² Ka waciro candirok, wabende wabino dhumo gine; Aka ka wakwedere kwoŋe, go bende bino kwedere kwoŋ wan;

KITAWO MALEŊ

¹² Ka waciro candirok, wabende wabino dhumo gine; Aka ka wakwedere kwoŋe, go bende bino kwedere kwoŋ wan;

2 Timothe 2:12 ပူးပေါင်းရင်းမြစ်များ

Agecin 30:9

Kwoŋbedo k'abedo gi mathoth, alakwedin, t'awaco ni, “Rwoth obedo ŋa?” K'abedo jacandi, alakwalo, t'akelo wickwot ri nyingin.

Matayo 10:33

To ŋat'okwedere kwoŋan i dier ji nike go k'obedo aparan, abende abino kwedere kwoŋe i nyim Baba man polo.”

Matayo 26:35

Petero odwoko go ni, “Kada bedi ni aripo tho kodin, ak'okwedere kwoŋin.” Aka meno apaka jofonjirok man je bende jowaco.

Matayo 26:75

Gikenyo Petero opoyo wac pa Yesu ni, “Kafodi wod gweno k'okoko, ibino kwedere kwoŋan didek.” Riameno go owok woko to ywak malith swa.

Mariko 10:33

Owaco rijo ni, “Winji win, onyo wakidho Yerusalem kam'ibino keth'iye Wod Dhano i cingi jotel pa jocway ri Were i wi migam kodi jondiko. Jobino thumo rigo banja ma tho, to joketho go i cingi Jopath.

Mariko 8:38

Am'omiyo ka dhano wiye okwot kodan gi fonji paran, i ndir ma ji kuy'iye Were, ndir ma ji odakan iye, Wod Dhano bende wiye bino kwot gi ŋato ka go dwoko i dwoŋ pa Bamere kanyacel gi jomalaika maleŋ.”

Luka 12:9

To ŋat'okwedere kwaŋan i dier ji, Wod Dhano bende bino kwedirok kwoŋe ruwaŋ jomalaika pa Were.

Luka 22:29

to paka Baba omiyan Ker, abende abino timo riwin ameno.

Luka 22:30

Wibino cemo gi oro gir'amadha dhower paran i Ker paran, to wibedo wi kombere ma Ker munyo withumo banjin ri nonin apar g'ario ma Isiraili.”

Luka 9:26

Ŋata wiye kwot kodan gi wac paran, Wod Dhano bende wiye bino kwot kodi go k'odwoko i dwoŋ pere kodi i dwoŋ pa Bamere kodi apa jomalaika maleŋ.

Tim pa Jomoor 14:22

Jomedo jom'oyeyo meni to jomedo jo miseni nike jowocwire i yeyo. Jofonjo ni, “Waripo donjo i Ker pa Were munyo waluwo i teko madit.”

Joroma 5:17

K'inen ro gimarac pa ŋat'acel am'omiyo tho ocako dhum kwoŋbedo ŋat'acel no, meno kere adieri joma jonwaŋo nema mathoth kodi mic ma nono ma tiro bende jobino dhumo maloyo i kwo ro ŋat'acel, Yesu Kristo.

Joroma 8:17

Aka ka wabedo nyithindho pa Were, meno bende wabedo jolunji gigipiny pere paka jom'isika kanyacel gi Kristo, aka wabende wabino limo dwoŋ kanyacel gi Kristo, ka bende wariwere gi go i candirok pere.

Jofilipi 1:28

Wikiri wibedi malwor ri jokwor mewin, to ndelo je bedi win miseni, rupiri meno bino nyutho jo ni jorwenyo, to win wiboth, aka meno je gima Were ama timo.

1 Timothe 5:8

To ka nyatoro kipar kwoŋ wade pere, tektek mere joot pere won, meno otieko kwedere kwoŋ yeyo aka rac loyo ŋata fodi k'oyeyo.

Yuda 1:4

Kole jomoro m'otiek thumo rijo banja wok con, jotieko lwi to jodonjo nyaliŋliŋ i dier win ma wikineno. Jokuya Were aka jokomo fonji kwoŋ ŋono pa Were ma umo reco pajo aka jokwero Yesu Kristo, madwoŋ loyo kendo obedo Rwodhiwan.

Menyirok ri Yohana 1:6

to loko wan bedo ker, kendo joma cwayo wi migam pa Were kendo Bamere. Dwoŋ kodi meni wobedi rigo cil gi cil. Ameno.

Menyirok ri Yohana 1:9

An Yohana, omin win manitie gi win i Yesu i candirok, kodi i Ker pere, kodi iciro teko. An onwaŋo obolan i kigoda ma pi othoko ma Patimos ro fonjo wac pa Were kodi bedo jakony ri adieri pa Yesu.

Menyirok ri Yohana 2:13

Aŋeyo ni kam'ibed'iye, a kama Sitan ojeng'iye kom pere ma dhum. T'icwire i nyingan, aka ikiweyo medirok gi yeyo perin kwoŋan kada i ndir ma Antipa, jakony paran m'ogenere onek'iye i tindi mewin kenyo kama Sitan bed'iye.

Menyirok ri Yohana 20:4

Rumacen aneno kombere ma dhum, aka jom'obedo kwoŋ jo obedo joma omiy jo thumo banjin. Aka aneno bende joma ndir ca oŋadi woko ŋuti jo ro ridho yeyo pajo kwoŋ Yesu kodi wac pa Were, ma jok'oyeyo lamo ogwaŋ kosa cal pere, aka jok'oyeyo womwon ranyuth pere ruwaŋ jo kosa i cingi jo. Odwoki rijo kendo kwo pajo to jodhumo gi Kristo oro gana acel.

Menyirok ri Yohana 20:6

Ji je ma jokwanere i cerino marapena me, meno josilwany odoko joleŋ! Ato tho mar'ario kilabedo gi meni kwoŋ jo, to jobino bedo jocway ri Were i wi migam ma jotiyo ri Were gi Kristo munyo jodhumo gine cowo oro gana acel.

Menyirok ri Yohana 3:10

Kwoŋbedo ikuro or paran ma diyo ici gi ciro candirok; abino kurin maber i ndir ma teko obin'iye ri piny gipi ma temo ji je.

Menyirok ri Yohana 3:21

Ŋat'oloy lweny abino miyo meni ma bedo bongan i kom paran ma dhum, paka abende atieko loyo lweny aka onyo abedo kabuti Baba i kom pere ma dhum.

Menyirok ri Yohana 3:8

Aŋeyo tim perin. Kole atieko yawo rin dhiot ma nyatoro kinyal cego; aŋeyo nike initie gi meni manok; to itieko luwo fonji paran aka ikikwedere kwoŋ nyingan. Atieko yawo rin thigo ma moro kinyal cego.

Menyirok ri Yohana 5:10

Iloko jo ker pa jocway ri Were i wi migam; aka jobino dhumo piny.”