2 Samwiri 2:32 - KITAWO MALEŊ Catholic

³² Yowab gi cwo pere jotero delkwoŋ Asahel aka joyiko i kaliel pa bamere i Bethelehem. Kenyo Yowab gi cwo pere jowotho wor gipi aka piny ocot rijo munyo jotundo Hebron.

KITAWO MALEŊ

³² Yowab gi cwo pere jotero delkwoŋ Asahel aka joyiko i kaliel pa bamere i Bethelehem. Kenyo Yowab gi cwo pere jowotho wor gipi aka piny ocot rijo munyo jotundo Hebron.

2 Samwiri 2:32 ပူးပေါင်းရင်းမြစ်များ

Cakirok 47:29

Munyo hongo odhire cegin rigo ma tho, olwoŋo wode Yozefu aka owaco rigo ni, “K'inen pama atieko nwaŋo wor ruwaŋin, kethi cingin i ŋangan aka ikwoŋere ran nike ikilayikan i Misir,

Cakirok 47:30

t'ilayikan kama bacere paran jonitie iye; tiŋan wok i Misir aka iyikan kam'oyik'iye jo.” Yozefu odwoko ni, “Abino timo paka iwaco.”

2 Samwiri 2:31

Cwo pa Daudi oyido joneko cwo pa Abuner jonono pa Benyamin 360.

2 Samwiri 5:1

Kenyo nonin je ma Isiraili jobino bongi Daudi i Hebron aka jowaco rigo ni, “Neni, wabedo ji acel aka remo acel.

2 Kigana kwoŋ Kerin 16:14

Oyiki go i kaliel ma go won ogoro i tindi madwoŋ pa Daudi. Okethi go i kitanda m'okudh'iye gigipiny gi mo maŋwe kur ma yiko delkwoŋe ma yik, to jomoko mac ma kasik m'ogaŋere ywako go.

2 Kigana kwoŋ Kerin 21:1

Yehosafat otho aka oyiki go kam'oyik'iye bacere pere i tindi madwoŋ pa Daudi to wode m'ilwoŋo ni Yehoram lunjo go.

Agecin 22:29

Jono ma jotimo tic gi kinen, jolatic ri kerin, aka jokilatiyo ri ji ma kisi ndelo.

Jothum Banja 8:32

Gideon wod pa Yowas otho i oro maber ma tegino, aka oyiki go i kaliel pa Yowas, bamere, i Ofira pa jonono pa Abieza.

1 Samwiri 17:58

Saulo openjo go ni, “Jayac, ibedo wod pa ŋa?” Daudi odwoko ni, “Abedo wod pa ŋeca perin Yese ma wok Bethelehem.”