2 Samwiri 1:14 - KITAWO MALEŊ Catholic

¹⁴ Daudi openjo go ni, “Raŋo lworo k'omakin neko ŋata Rwoth owiro gi mo bedo kere?”

KITAWO MALEŊ

¹⁴ Daudi openjo go ni, “Raŋo lworo k'omakin neko ŋata Rwoth owiro gi mo bedo kere?”

2 Samwiri 1:14 ပူးပေါင်းရင်းမြစ်များ

Zabuli 105:15

ka waco ama: “Wikiri wigeyi ji paran m'awiro gi mo, jotuci wac Were paran, wikiri witim rijo raco!”

Ywakirok 4:20

Ŋat'owir pa Rwoth, luya ma kwo mawan, oter woko i buce, ŋat'oyido wawaco ni, i tipo pere, walakwo i dier nonin.

Kwan 12:8

Aluwo gi go awaŋ g'awaŋ i lero, makiweno i sikoiyiko; to go neno paka Rwoth cale. Raŋo ma wikilworo luwo marac kwoŋ ŋeca paran Musa?”

2 Petero 2:10

kodhi joma cwire i kiti jo m'otop ma kidakana aka jocayo meni pa Were. Jofonji ma twodo me jonitie gi miseni kodi mikanyo, aka joluwere kicar kwoŋ cwec manitie i hongo malo;

1 Samwiri 10:1

Kenyo to Samwiri kwanyo mo aka okonjo i wi Saulo, ocwiyo lembe aka owaco rigo ni, “Rwoth otieko wirin gi mo paka jadhum pa Joisiraili. Ibino dhumo ji pa Rwoth aka ilabotho jo wok i cingi jokwor pajo je. Aka me a ranyuth ma bino ridho rin ni Rwoth otieko wirin gi mo dhumo ji pere Isiraili.

1 Samwiri 12:3

To onyo pama an e segeya win an ruwaŋ Rwoth, kodi ruwaŋ kere ma go oyero: Akwalo ye dhiaŋ, kosa punda pa nyatoro moro? Nitie ŋat'atieko kwalo kosa diyo? Nitie nyatoro m'ocowo nyewan ye ma umo waŋan? Ka nitie kwoŋ gigipiny me m'atieko timo, abino dwoko gimoro je m'akwanyo.”

1 Samwiri 24:11

Neni, baba, neni oselo law manitie i cingan me; dinyo anekin, to aŋado tiendi law perin. Me ma nyuthin ni, angoye gi gimarac aka akiwire rin. Ongoye gimarac m'atieko timo rin kada nende irango nekan.

1 Samwiri 24:6

To Daudi waco ri cwo pere ni, “Rwoth wogeŋan timo gimarac ri jadwoŋ paran; ŋati ma go oyero paka kere! Akiripi timo gimarac rigo kada mathin, rupiri Rwoth am'oyero go.”

1 Samwiri 24:7

Ameno Daudi odwoŋo cwo pere gi wac me, aka k'oyeyo jo monjo Saulo. Saulo oay malo to wok i ŋungu tele to kadho.

1 Samwiri 26:11

To Rwoth ogeŋan ketho cingan kwoŋ ŋati ma go won owiro gi mo bedo kere. Weyi wakwanyi toŋ pere g'agwata pere ma pi wakadhi.”

1 Samwiri 26:9

Daudi odwoko Abisay ni, “Ikir'ineki go; rupiri Rwoth bino miyo gir'acula ri ŋatimoro je m'oketh cinge kwoŋ kere ma go won owiro gi mo.”

1 Samwiri 31:4

Saulo owaco ri jago pere ni, “Bol abor perin wonekan ŋey Jofilistia ma jok'othumere me jokiri jowonyeran to jonekan.” To jago pere k'otimo ameno, kole obedo gi lworo. Saulo won okwanyo abor pere, ocwowere gine to tho.