2 Petero 2:1 - KITAWO MALEŊ Catholic

¹ Jotuci wac ma twodo cango jobedo i dier ji pa Were, paka bende jolabino i dier win. Jobino rwako fonji ma kelo rerok, aka jobino kwedere kwoŋ Rwoth jadhum m'onyewo jo, to jokelo tho kwoŋ gin abwap.

KITAWO MALEŊ

¹ Jotuci wac ma twodo cango jobedo i dier ji pa Were, paka bende jolabino i dier win. Jobino rwako fonji ma kelo rerok, aka jobino kwedere kwoŋ Rwoth jadhum m'onyewo jo, to jokelo tho kwoŋ gin abwap.

2 Petero 2:1 ပူးပေါင်းရင်းမြစ်များ

1 Kerin 22:6

Ameno Ahab olwoŋo jotuci wac Were je 400 aka openjo jo ni, “Akadhi amonji Ramoth, kosa be?” Joje jodwoko ni, “Kadhi imonji, Rwoth bino miyin loyo.”

Kitawo mar'ario mapa Musa m'ilwoŋo ni Wok 15:16

Jopoŋ gi lworo aka jokirin. Joneno meni perin, a Rwoth, aka jocungo m'ongoye kony gi lworo cuka ji perin joŋanjo jokadho, ji ma ibotho bedo ŋecin.

Isaya 9:15

Ato jodongo gi ji m'iworo jo ama jobedo wic, aka jotuci wac Were ma jofonjo twodo jobedo yiwe.

Yeremia 29:21

Rwoth pa lwak jolweny, Were pa Isiraili waco ama, ma mako Ahab wod pa Kolaya kodi Zedekia wod pa Maseya, ma joluwo gitwodo i nyingan. Akidho ketho jo i cingi Kere Nebukadineza ma Babilon, aka go laneko jo ka wineno.

Yeremia 37:19

Nikune jotuci wac Were perin ma jotuci wac Were ka jowaco ni, ‘Kere ma Babilon kilabino lweny kodin kodi piny me’?

Yeremia 6:13

Kole wok kwoŋ jomathindho tundo i jomadongo kwoŋ jo, kisi dhano obedo jaworo ri magowa ma k'otire; aka wok i jatuci wac Were tundo i jacway ri Were i migam, kisi dhano je obedo jabanirok.

Ywakirok 2:14

Jotuci wac Were perin, jotieko neno rin menyirok ma twodo ma bukony. Jok'okedho reco perin, ma dwoko lim perin; to jotieko neno rin menyirok, ma twodo aka ma rwenyo jo.

Hoseya 9:8

Jatuci wac Were obedo jakur, gi Were paran kwoŋ Efrayim, kucel bwo pa jaciko nitie i royo pere, kodi dakirok i Ot pa Were pere.

Mika 2:11

Ka nyatoro ma waco koyo gi twodo, owaco ni, “Abino tito riwin vini gi math makec, dinyo go am'obedo jatiti ri ji me.”

Mika 3:11

Jotel mere jothumo banja ro nyewirok, jocway ri Were i wi migam jotiyo ma cul, jotuci wac Were ma pesa, kucel jogoŋere kwoŋ Were to jowaco ni, “Rwoth nitie gi wan, teko k'opodhi kwoŋ wan.”

Mika 3:5

Me a gima Rwoth waco ri jotuci wac Were, ma jobano ji paran, aka jociko siem, ri jono ma joculo jo, to lweny ri jono ma jokicul jo.

Malaki 3:5

Rwoth pa lwak jolweny waco ama: Kenyo abino core cegin gi win thumo banja; aka abino bedo mayil kwoŋ jothieth, jocot, ji ma jokwoŋere nono, ji ma jodiyo jakipakasa cul pere, citho, nyithindho kic, kodi jopath, aka jokilworan.

Matayo 10:33

To ŋat'okwedere kwoŋan i dier ji nike go k'obedo aparan, abende abino kwedere kwoŋe i nyim Baba man polo.”

Matayo 24:11

Aka jotuci wac Were ma twodo mathoth jobino tundo to jowondo ji mathoth.

Matayo 24:24

Kole Kristo ma twodo kodi jotuci wac Were ma twodo jobino tundo to jotimo ranyuth madongo kodi gir'aura ma wondo ji, bedi nyalere di jowondo kiri jom'oyer.

Matayo 24:5

rupiri ji kweth jolabino gi nyingan, munyo jowaco ni, ‘An a Kristo.’ Jobino wondo ji mathoth.

Matayo 7:15

Gwokere win kwoŋ jotuci wac Were ma twodo, ma jobino bongi win i cal pa rombo gi woko, to iy'adieri mere jobedo arara i cuny gin.

Mariko 13:22

Kole jotwodo ma jolwoŋere ni Kristo kosa jotuci wac Were jobino konjere. Aka jobino timo ranyuth kodi gir'aura ma wondo jom'oyer pa Were ka nyalere.

Luka 12:9

To ŋat'okwedere kwaŋan i dier ji, Wod Dhano bende bino kwedirok kwoŋe ruwaŋ jomalaika pa Were.

Luka 21:8

Yesu owaco ni, “Kure win moro wokiri wowondi win; kwoŋbedo ji mathoth jolabino i nyingan ka jowaco ni, ‘An ago!’ Kendo ni, ‘Ndiri ago otundo!’ Wikiri wiluw jo.

Luka 6:26

Kidamba otundi riwin ma pama piny pako win; kole meno apaka cango kwarere mewin bende jopako jotuci wac Were ma twodo.

Joroma 16:18

Kole joma timo gigipiny ma kite no jokitiy ri Kristo Rwodhiwan, to jotiyo ri iy gin wegi gi wac pajo mamit kodi luwo ma dwoŋo paro pa jom'onwaŋo jongoye gi raco.

1 Jokorintho 11:19

(Aka pokirok no ripo aripa bedo i dier win ŋey jor'adieri jowonenere kamaler.)

1 Jokorintho 6:20

Go onyewo win gi welo ma malo. Am'omiyo or win delkwoŋ win ma miyo Were dwoŋ.

1 Jokorintho 7:23

Were onyewo win i welo ma malo, am'omiyo wikiri wilokere ŋecin pa ji.

Jogalasia 2:4

Ato jomoro, ma jorendere nike jobedo jom'oyeyo jowot wan, jodonjo i dier wan, aka oyido jomito ni wothum go. Jome oyido jolwi paka jopendo ka jomito ŋeyo ni siem aŋo ma wanigine i Kristo Yesu. Jono oyido jomito loko wan ŋecin.

Jogalasia 3:13

Munyo Kristo olokere ŋat'okwoŋ ka waŋ wan, ogonyo wan woko kwoŋ ma Cik kelo, rupiri ndiko waco ni, “Nyatoro je m'olier wi yath meno ŋat'okwoŋ.”

Jogalasia 4:17

Jono jonyutho win mar g'atoŋa ma kiber. Gima jomito a nyaka pokan gi win, ŋey wibedi gi paro kwoŋ jo ayino, paka bende jonigi paro kwoŋ win.

Jogalasia 5:20

i lamo cal makicar kodi yido, bedo i kwor gi dhano, laro dwoŋ, timo nyeko, mako ŋonge, gwondo, dhawirok, tiakirok,

Joefeso 1:7

Kole remo pa Kristo okelo riwan siem, kodi cwaki mareco mawan, ro nema pa Were m'oasere

Joefeso 4:14

Wakiripi odoko bedo pa nyithindho, ma fonji moro je kwadho jo korin gi koca pa koyo, kareno jomoro jowondo wan gi riekorieko moro kodi twodo.

Kitawo mar'abic mapa Musa m'ilwoŋo ni Cik 32:6

Ama apaka wilaculo Rwoth? Awi ji ma jomiŋ, ma jongoye gi rieko! Kosa go k'obedo bawin, go m'ocweyo win, m'otimo win, to bedo cakirok mewin?

Jofilipi 3:19

Jokidho rerok i mac makitho, rupiri Were pajo obedo awanya ma delkwoŋ gin, aka jopakere kodi gima wiy jo di kwoti gine ayin. Joketho paro pajo kwoŋ gigipiny ma piny ka kende.

Jokolosia 2:18

Wikiri wiyeyi moro womayi win kemba mewin munyo ŋoyo ni loyo win gi dwoŋ ro lek ma go nwaŋo, kareno nyutho bwonirok ma rendirok aka lamo jomalaika. Dhano ma pameno pakirok ama opoŋ kwoŋe, aka paro pere obedo ma nyadhano.

Jokolosia 2:8

Am'omiyo, neni win ni moro wokiri wokethi win i bwo pajo gi piem kodi twodo masisiri, gi thenethene ma kula manyanono, gi wac kwoŋ cuny ma jodhumo i polo gi piny, aka kiwoki bongi Kristo.

1 Timothe 5:8

To ka nyatoro kipar kwoŋ wade pere, tektek mere joot pere won, meno otieko kwedere kwoŋ yeyo aka rac loyo ŋata fodi k'oyeyo.

2 Timothe 4:3

Kole ndir bino tundo ma ji jok'owinj'iye fonji mar'adieri, to jobino tiyo g'awanya pajo wegi, odoko jobino coko jofonji ma wegi joyenyo, jowofonji jo gima ithi jo yilo jo winjo.

Tito 1:11

Yenyere juko fonji pajo, rupiri joruwo pecin je munyo jofonjo gim'onwaŋo jokiripi fonjo, nyaka g'atoŋa ma limo pesa.

Tito 3:10

Tem juko jakeli pokirok dicel kosa dirio, aka rumacen ingoye kodi go gi tic.

Joebulaniya 10:29

Onyo wiparo ni ŋata cayo Wod Were, to tero paka gima sisiri remo ma cikirok pa Were m'oloko go maleŋ, aka miyo Cuny ma kelo nema nge, di ripi gi gir'acula marac loyo didi?

1 Petero 1:8

Wimaro go kada fodi wikineno go; wiyeyo go, kada pama wikinen go; aka winigi kisangala ma didwoŋ ma kiwacere,

2 Petero 2:3

I woro pajo, jofonji ma twodo me jobino cemo kwoŋ win gi kigana ma wegi jocwogo. Banja pajo otiek yiko thumo wok con, aka rerok pajo bende ki nibor to nicegin.

1 Yohana 2:26

Andiko riwin gime ma mako kwoŋ joma jotemo wondo win.

1 Yohana 4:1

Jowotan ma kacunyan, wikiri wiyere gi kisi dhano ma kethere ni go nitie gi Cuny pa Were. Tem win jo ŋey winiaŋ k'adieri jowok bongi Were, rupiri jotuci wac ma twodo mathoth jotieko ywore i piny je.

Yuda 1:18

Jowaco riwin ni, “I ndelo ma rumacen, ji jobino wok ariwa ma jobino nyero win, ji ma jotiyo g'awanya pajo mareco.”

Yuda 1:4

Kole jomoro m'otiek thumo rijo banja wok con, jotieko lwi to jodonjo nyaliŋliŋ i dier win ma wikineno. Jokuya Were aka jokomo fonji kwoŋ ŋono pa Were ma umo reco pajo aka jokwero Yesu Kristo, madwoŋ loyo kendo obedo Rwodhiwan.

Menyirok ri Yohana 13:14

Aka gino omiyo go owondo ji je ma piny munyo timo gir'aura m'oyey go timo ka waŋ ogwaŋ marapena. Ogwaŋ no ooro ji je ma piny cweyo cal ma kelo dwoŋ ri ogwaŋ m'oyido ocwow g'abor, to odoko kwo.

Menyirok ri Yohana 2:13

Aŋeyo ni kam'ibed'iye, a kama Sitan ojeng'iye kom pere ma dhum. T'icwire i nyingan, aka ikiweyo medirok gi yeyo perin kwoŋan kada i ndir ma Antipa, jakony paran m'ogenere onek'iye i tindi mewin kenyo kama Sitan bed'iye.

Menyirok ri Yohana 2:9

Aŋeyo candirok kodi candi perin; aŋeyo nike ijacandi, to iy'adieri iŋaŋ! Aŋeyo reco ma joma ŋoyo nike jobedo Joyuda ma to kere jok'obedo, jotimo rin; meno joma nitie iy'acel gi Sitan!

Menyirok ri Yohana 3:8

Aŋeyo tim perin. Kole atieko yawo rin dhiot ma nyatoro kinyal cego; aŋeyo nike initie gi meni manok; to itieko luwo fonji paran aka ikikwedere kwoŋ nyingan. Atieko yawo rin thigo ma moro kinyal cego.

Menyirok ri Yohana 5:9

Jowero wer manyen ni, “Iripo gi kwanyo kitawo gi halo woko gim'omwon gine. Kole onekin, aka gi remo perin, inyewo ri Were ji maleŋ, wok i nonin je, dhodhok je, piny je kodi ji ma piny gipi.

Menyirok ri Yohana 6:10

Jokoko gi derino madwoŋ ni, “Rwoth Majameni je, maleŋ aka jar'adieri! Kiri keraŋo aka inothum banja ri ji ma piny t'imiyo jo gir'acula ro neko wan?”